Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

କରୋନା ରୋଗୀଙ୍କ ଚିକିତ୍ସା ନେଇ ପଦକ୍ଷେପ : ସେନା ସହଯୋଗରେ ୧୦ ଦିନରେ ୪୦୦୦ ଶଯ୍ୟା ବିଶିଷ୍ଟ ଡାକ୍ତରଖାନା ପ୍ରସ୍ତୁତ କଲା ଏହି ଦେଶ

1/04/2020 at 11:57 AM

ଲଣ୍ଡନ ୧।୪: ସାରା ବିଶ୍ବରେ ଆତଙ୍କ ସୃଷ୍ଟି କରିଛି କରୋନା ଭାଇରସ୍ । ବିଶ୍ବର ୧୯୯ ଦେଶକୁ ଏହି ଭାଇରସ୍ ବ୍ୟାପିସାରିଲାଣି । ତେବେ ବିଭିନ୍ନ ଦେଶରେ କରୋନା ଭାଇରସ୍ ଆକ୍ରାନ୍ତଙ୍କ ସଂଖ୍ୟା କ୍ରମଶଃ ବଢିବାରେ ଲାଗିଛି । ତେବେ କରୋନା ରୋଗୀଙ୍କ ପାଇଁ ଚିକିତ୍ସାଳୟର ଅଭାବ ପଡୁଥିବା ମଧ୍ୟ କିଛି କିଛି ଦେଶରେ ଦେଖିବାକୁ ମିଳୁଛି ।
ଏହି ସମୟରେ କରୋନା ରୋଗୀଙ୍କ ଚିକିତ୍ସା ପାଇଁ ସେନା ଡକାଇ ବ୍ରିଟେନ୍ ୧୦ ଦିନ ମଧ୍ୟରେ ୪୦୦୦ ଶଯ୍ୟା ବିଶିଷ୍ଟ ଜରୁରୀକାଳୀନ ଡାକ୍ତରଖାନା ପ୍ରସ୍ତୁତ କରିଛି । ଏହାର ନାମ ନାଇଟେଙ୍ଗଲ ହସ୍ପିଟାଲ ରଖାଯାଇଛି | ଆଜି ଅର୍ଥାତ୍ ବୁଧବାରଠାରୁ ଏହି ଡାକ୍ତରଖାନାରେ ରୋଗୀଙ୍କ ଚିକିତ୍ସା ମଧ୍ୟ ଆରମ୍ଭ ହୋଇପାରେ । ଏହାପୂର୍ବରୁ ଚୀନ୍ ୧୦ ଦିନ ମଧ୍ୟରେ ୧୦୦୦ ଶଯ୍ୟା ବିଶିଷ୍ଟ ଡାକ୍ତରଖାନା ନିର୍ମାଣ କରିଥିଲା । ଯାହାକୁ ନେଇ ବିଶ୍ବବ୍ୟାପୀ ଚୀନ୍ ର ଆଲୋଚନା କରାଯାଇଥିଲା ।

ପ୍ରକୃତରେ ପୂର୍ବ ଲଣ୍ଡନର ଡକଲାଣ୍ଡ ଜିଲ୍ଲାରେ ଏକ୍ସେଲ୍ କନଭେନସନ୍ ସେଣ୍ଟର ଥିଲା | ଏହି କନଭେନସନ୍ ସେଣ୍ଟରକୁ ଡାକ୍ତରଖାନାରେ ପରିବର୍ତ୍ତିତ କରାଯାଇଛି | ହସ୍ପିଟାଲରେ ଦୁଇ ଦୁଇ ହଜାର ଶଯ୍ୟା ବିଶିଷ୍ଟ ଦୁଇଟି ୱାର୍ଡ କରାଯାଇଛି ।
ଦୁଇଥର ଇରାକ୍ ଏବଂ ଥରେ ଆଫଗାନିସ୍ତାନ ଗସ୍ତ କରିଥିବା କର୍ଣ୍ଣେଲ ଏଶଲେଗ ବୋରେମ କହିଛନ୍ତି ଯେ, ଏହି ଡାକ୍ତରଖାନା ପ୍ରସ୍ତୁତ କରିବା ତାଙ୍କ ଜୀବନର ସବୁଠାରୁ ବଡ ମିଶନ ହୋଇଥିଲା । ବ୍ରିଟେନର ଜାତୀୟ ସ୍ବାସ୍ଥ୍ୟ ସେବା ଏହି ପ୍ରକଳ୍ପର ନେତୃତ୍ବ ନେଉଛି । ସେ କହିଛନ୍ତି ଯେ ସେନାବାହିନୀର ସବୁବେଳେ ଗୋଟିଏ ଉଦ୍ଦେଶ୍ୟ ଥାଏ ଲୋକଙ୍କ ଜୀବନ ବଞ୍ଚାଇବା । ଏଶଲେଗ ୧୯୯୨ରେ ସେନାବାହିନୀରେ ଯୋଗ ଦେଇଥିଲେ ଏବଂ କିଛି ସପ୍ତାହ ପରେ ସେ ଅବସର ମଧ୍ୟ ନେବେ ।

ଲଣ୍ଡନ ବ୍ୟତୀତ ବ୍ରିଟେନ ମଞ୍ଚେଷ୍ଟର, ବର୍ମିଂହାମ ଏବଂ ଗ୍ଲାସ୍କୋରେ ଜରୁରୀକାଳୀନ ଡାକ୍ତରଖାନା ମଧ୍ୟ ପ୍ରସ୍ତୁତ କରାଯାଉଛି । ସାରା ବିଶ୍ବରେ କରୋନା ଭାଇରସ୍ ରୋଗୀଙ୍କ ସଂଖ୍ୟା ବୃଦ୍ଧି ପାଉଛି । ବ୍ରିଟେନରେ ଏପର୍ଯ୍ୟନ୍ତ ୨୫,୦୦୦ରୁ ଅଧିକ ଲୋକ ସଂକ୍ରମିତ ହୋଇଛନ୍ତି ଏବଂ ଆଗାମୀ ଦିନରେ ଏହି ସଂଖ୍ୟା ଯଥେଷ୍ଟ ବୃଦ୍ଧି ହେବାର ସମ୍ଭାବନା ରହିଛି । ଭାଇରସ୍ ସଂକ୍ରମଣରେ ୧୭୦୦ରୁ ଅଧିକ ଲୋକଙ୍କର ମୃତ୍ୟୁ ହୋଇଛି । ଏହାସହ ବ୍ରିଟେନ୍ ପ୍ରଧାନମନ୍ତ୍ରୀ ବୋରିସ୍ ଜନସନ ମଧ୍ୟ କରୋନାରେ ସଂକ୍ରମିତ ହୋଇଛନ୍ତି ।

   Related Posts