ଭୁବନେଶ୍ବର୨୭/୫: କରୋନା ଯାଇନି ଏବେ ସତର୍କ ରୁହନ୍ତୁ । ଏଣିକି ଟ୍ବିନ୍ ସିଟିରେ ପୁଣି କଡ଼ାକଡ଼ି ହେବ ଲକ୍ ଡାଉନ ନିୟମ । ଦୋକାନ ବଜାରରେ ଭିଡ ଜମୁଥିବାରୁ ସାମାଜିକ ଦୂରତାକୁ ଅଧିକ ପାଳନ କରିବା ସହ, ମାସ୍କ ପିନ୍ଧିବା ବାଧ୍ୟତାମୂଳକ ହେବ । ନହେଲେ ଫାଇନ୍ ସହ ଦଣ୍ଡବିଧାନ କରାଯିବ ବୋଲି ଚେତାଇ ଦେଇଛନ୍ତି ପୋଲିସ କମିଶନର । ସେହିପରି ଆଗକୁ ଟ୍ବିନ୍ ସିଟିରେ ରାତି ୯ରୁ ସକାଳ ୭ ଯାଏଁ କର୍ଫ୍ୟୁ ପାଇଁ ରାଜ୍ୟ ସରକାରଙ୍କୁ କମିଶନରେଟ ପୋଲିସ ପ୍ରସ୍ତାବ ଦେଇଥିବା ପୋଲିସ କମିଶନର ସୂଚନା ଦେଇଛନ୍ତି ।
ଏ ନେଇ ବଜାର କମିଟି ସହ କମିଶନରେଟ୍ ପୋଲିସ ଆଲୋଚନା କରିବ । ଡାକବାଜି ଯନ୍ତ୍ର ସାହାଯ୍ୟରେ ସାମାଜିକ ଦୂରତା ବଜାୟ ରଖିବା ପାଇଁ ପ୍ରଚାର କରାଯିବ ବୋଲି ପୋଲିସ କମିଶନର ସୁଧାଂଶୁ ଷଡଙ୍ଗୀ କହିଛନ୍ତି । ସାମାଜିକ ଦୂରତା ନିୟମ ଉଲଂଘନ କଲେ ଜରିମାନା ଆଦାୟ ହେବ ବୋଲି ସିପି କହିଛନ୍ତି। ଲକ୍ଡାଉନ ନିୟମ ଉଲଂଘନ କଲେ ଉଲଂଘନକାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପ୍ରେସମିଟ୍ରେ ସିପି ସୁଧାଂଶୁ ଷଡ଼ଙ୍ଗୀ କହିଛନ୍ତି।
