Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • JEE ମେନ୍ ରେଜଲ୍ଟ ପ୍ରକାଶିତ
  • ||
  • ଦେଶର ୪ଟି ସ୍ଥାନରେ ପ୍ରତିଷ୍ଠା ହେବ ଜାତୀୟ ଭୂତାଣୁ ବିଜ୍ଞାନ ସଂସ୍ଥାନ, ଭୁବନେଶ୍ଵରରେ ପ୍ରତିଷ୍ଠା କରିବାକୁ ସ୍ଵାସ୍ଥ୍ୟ ମନ୍ତ୍ରୀଙ୍କୁ ଚିଠି ଲେଖିଲେ ଧର୍ମେନ୍ଦ୍ର
  • ||
  • ବଦଳିଲେ ପୋଲିସ କମିଶନର, ସୁଧାଂଶୁଙ୍କ ଜାଗା ନେଲେ ସୌମେନ୍ଦ୍ର ପ୍ରିୟଦର୍ଶୀ
  • ||
  • ବ୍ରହ୍ମପୁର : ଜମିଜମା ବିବାଦରୁ ବିଧବା ମହିଳାଙ୍କୁ ବୀଭତ୍ସ ହତ୍ୟା
  • ||
  • କଟକ : SCBରେ ମହିଳା ରୋଗୀଙ୍କ ଉପରେ ଖସିପଡିଲା ଫ୍ୟାନ୍, ଆଇସିୟୁରେ ଭର୍ତ୍ତି
  • ||
  • ଭୁବନେଶ୍ବର : ଆନ୍ତର୍ଜାତୀୟ ମହିଳା ଦିବସରେ ବିଜେଡିର ମହିଳା ସମାବେଶ, ମୁଖ୍ୟମନ୍ତ୍ରୀ କହିଲେ ମା’ମାନେ ଆଜନ୍ମ ନେତ୍ରୀ
  • ||
  • ଭୁବନେଶ୍ବର : ଗଠନ ହେଲା ୯ଜଣିଆ ଟାସ୍କ ଫୋର୍ସ, ଆୟତ୍ତ କରିବେ ନିଆଁ
  • ||
  • ବଲାଙ୍ଗିର : ରକ୍ତ ପାଇଁ ଗଲା ଜୀବନ ! ରୋଗୀ ମୃତ୍ୟୁକୁ ନେଇ ମେଡିକାଲରେ ଉତ୍ତେଜନା
  • ||
  • ସମ୍ବଲପୁର : ଜଙ୍ଗଲକୁ ଗଲେ ଠିକଣା ରଖିବ ବନ ବିଭାଗ, ନିଆଁ ଲଗାଇଥିବା ବ୍ୟକ୍ତିଙ୍କ ସମ୍ପର୍କରେ ସୂଚନା ଦେଲେ ମିଳିବ ୫ହଜାର
  • ||
  • ସୁନ୍ଦରଗଡ : ବାଲି ଗଦାରୁ ମହିଳାଙ୍କ ମୃତଦେହ ଉଦ୍ଧାର, ହତ୍ୟା କରି ଫିଙ୍ଗି ଦେଇଥିବା ସନ୍ଦେହ
  • ||

ରାସ୍ତାର ଏଣେ ତେଣେ ପାର୍କିଂ କଲେ ଲାଗିବ ଫାଇନ

25/02/2020 at 10:42 PM

ଭୁବନେଶ୍ୱର ୨୫।୦୨ – ସାବଧାନ ଗାଡି ଚାଳକ । ବେଆଇନ୍ ଭାବେ ବାଇକ୍ କିମ୍ବା କାର୍ ପାର୍କିଂ କଲେ ଉଠାଇ ନେବ କ୍ରେନ୍ । ଆଉ ୧୭୭ ଏମ୍ ଭି ଆକ୍ଟ ଅନୁଯାୟୀ ଲାଗିବ ଫାଇନ୍ । ଏନେଇ ଆଡଭାଇଜରି ଜାରି କରିଛି କମିଶନରେଟ ପୋଲିସ । ମଙ୍ଗଳବାର ଅପରାହ୍ନ ସୁଦ୍ଧା ୧୦ଟି ଗାଡିରୁ ଆଦାୟ ହୋଇଛି ଫାଇନ୍ । ସେପଟେ ବିଏମସି ବଢାଇବ ପାର୍କିଂ ଫି । ଆଉ ଫିକ୍ସ ରେଟ୍ ନୁହେଁ ଏଣିକି ଘଣ୍ଟା ପ୍ରତି ଆଦାୟ ହେବ ଫାଇନ୍ । ବିଏମସି କମିଶନରଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ଏନେଇ ଆଲୋଚନା ହୋଇଛି । …

ସାବଧାନ ଗାଡି ଚାଳକ!
ବେଆଇନ୍ ପାର୍କିଂ କଲେ ଏଣିକି ଗଣିବେ ଫାଇନ୍
ଆଡଭାଇଜରି ଜାରି କଲା କମିଶନରେଟ ପୋଲିସ
ମଙ୍ଗଳବାର ୧୦ ଗାଡି ଚାଳକଙ୍କଠୁ ଆଦାୟ ହେଲା ଫାଇନ୍
ପାର୍କିଂ ଫି ବଢାଇବାକୁ ବିଏମସିର ବୈଠକ

ଗାଡି ଚାଳକ ସାବଧାନ । ରାସ୍ତାରେ ଏଣେ ତେଣେ ପାର୍କିଂ କଲେ ଲାଗିବ ଫାଇନ୍ । ଏନେଇ ଆଡଭାଇଜରି ଜାରି କରିଛି କମିଶନରେଟ ପୋଲିସ । ରାଜଭବନରୁ କଳାରାହଙ୍ଗ, ଏୟାରପୋର୍ଟରୁ ନାଲକୋ ଛକ, ଶିଶୁଭବନରୁ ବାଣିବିହାର ଛକ, ରସୁଲଗଡରୁ ଜୟଦେବ ବିହା, ଶ୍ରୀୟା ଛକରୁ ପିଏଚଡି ଅଫିସ ଏବଂ ବାପୁଜି ନଗର ଅଞ୍ଚଳରେ ଏଣେତେଣେ ଗାଡି ରଖିଲେ ଉଠାଇ ନେବ କ୍ରେନ୍ । ଆଉ ୧୭୭ ଏମ୍ ଭି ଆକ୍ଟ ଅନୁଯାୟୀ ଲାଗିବ ଫାଇନ୍ । ଗାଡି ପାଖରେ ଯଦି ଗାଡି ଚାଳକ ଥିବେ ତେବେ ବାଇକ୍ ଏବଂ କାର୍ ପାଇଁ ୫ଶହ ଟଙ୍କା ଫାଇନ୍ ଦେବାକୁ ପଡିବ । ଆଉ ଯଦି ଗାଡିକୁ କ୍ରେନ୍ ରାସ୍ତାରୁ ଉଠାଇ ନେଇଛି ତେବେ ବାଇକ୍ ପାଇଁ ୮ ଶହ ଏବଂ କାର୍ ପାଇଁ ୧୨ଶହ ଟଙ୍କା ଗଣିବାକୁ ପଡିବ । ମଙ୍ଗଳବାର ପ୍ରଥମ ଦିନରେ ୧୦ଟି ଗାଡିରୁ ଫାଇନ୍ ଆଦାୟ ହୋଇଥିବା ସୂଚନା ଦେଇଛନ୍ତି ଟ୍ରାଫିକ ଡିସିପି ।

ସେପଟେ ପାର୍କିଂ ଫି ବଢାଇବ ବିଏମସି । ଦୁଇ ଚକିଆ ଯାନ ପାଇଁ ୫ ଟଙ୍କା ଏବଂ ୪ ଚକିଆ ଯାନ ପାଇଁ ୨୦ ଟଙ୍କା ଧରେଇ ଦେଇ ଲୋକେ ମନଇଛା ଘଣ୍ଟା ଘଣ୍ଟା ଧରି ବୁଲାବୁଲି ସପିଙ୍ଗ କରୁଥିଲେ । କିନ୍ତୁ ଏବେ ଆଉ ସେ ସୁବିଧା ମିଳିବନି ।

ଏଣିକି ଗାଡି ରଖିଲେ ଘଣ୍ଟା ପ୍ରତି ଗଣିବାକୁ ପଡିବ ପାର୍କିଂ ଫି । ତେବେ ପାର୍କିଂ ଫି କମ୍ ରହୁଥିବା ବେଳେ ଟେଣ୍ଡର ଦାମ ଅଧିକ ରହିବା ଯୋଗୁଁ ଟେଣ୍ଡର ନେବା ଲାଗି କେହି ଆଗ୍ରହି ହେଉନଥିଲେ । ଫଳରେ ଅନକେ ପାର୍କିଂ ସ୍ଥାନକୁ ବିଏମସି ଟେଣ୍ଡର ଦେଇପାରୁନଥିଲା । ତେଣୁ ଏଭଳି ସମସ୍ୟାର ସମାଧାନ ପାଇଁ ପାର୍କିଂ ଫି ବଢାଇବାକୁ ବିଏମସି କମିଶନରଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଆଲୋଚନା ହୋଇଛି ।

ଟ୍ରାଫିକ୍ ସମସ୍ୟା ସୁଧାର ପାଇଁ କମିଶନରେଟ୍ ପୋଲିସ ଓ ବିଏମସିର ଏଭଳି ପଦକ୍ଷେପକୁ ବିଭିନ୍ନ ମହଲରେ ସ୍ବାଗତ କରାଯାଇଛି ।

   Related Posts