ଭୁବନେଶ୍ବର୨୫/୨: ବେଆଇନ ପାର୍କିଂ ବିରୋଧରେ ଅର୍ବାନ ପୋଲିସ୍ ଆକ୍ଟ ୨୦୦୩ ଧାରା ୨୮ ଓ ୨୯ ଏବଂ ଭୁବନେଶ୍ବର-କଟକ ପୋଲିସ୍ କମିସନ୍ରେଟ୍ ଟ୍ରାଫିକ୍ ରୁଲ ଆଧାରରେ କଡ଼ାକଡ଼ି କରାଯାଇଛି। ବେଆଇନ ପାର୍କିଂ ବିରୋଧରେ କାର୍ଯ୍ୟାନୁଷ୍ଠାନ କଡ଼ା କରାଯିବା ପାଇଁ ନିଷ୍ପତ୍ତି ନିଆଯାଇଛି।
wp:core-embed/twitter {"url":"https://twitter.com/cpbbsrctc/status/1232233335222497281?s=20","type":"rich","providerNameSlug":"twitter","className":""} /wp:core-embed/twitterରାଜଭବନ ଛକରୁ କଳାରାହଙ୍ଗ ଛକ, ଏୟାରପୋର୍ଟରୁ ନାଲକୋ ଛକ, ଶିଶୁଭବନ ଛକରୁ ବାଣୀବିହାର, ରସୁଲଗଡ଼ ଛକରୁ ଜୟଦେବ ବିହାର, ଶ୍ରୀୟା ଛକରୁ ପି.ଏଚ.ଡି କାର୍ଯ୍ୟାଳୟ ଓ ବାପୁଜୀନଗର ଆଦି ସ୍ଥାନମାନଙ୍କରେ ବେଆଇନ ପାର୍କିଂ ବିରୋଧରେ କଡ଼ା ନିୟମ ଲାଗୁ ହୋଇଛି।
କମିସନରେଟ୍ ପୋଲିସ୍ ବିଜ୍ଞପ୍ତି ଜାରି କରିଛି । ଭୁବନେଶ୍ବରର ଜନଗହଳି ପୂର୍ଣ୍ଣ ରାସ୍ତାମାନଙ୍କରେ ବେଆଇନ ଗାଡ଼ି ପାର୍କିଂ କୁ ରୋକିବାକୁ ନିୟମ କଡ଼ାକଡ଼ି କରାଯାଇଛି। ମୋଟରଯାନ ଆଇନ ୨୦୧୯ ଧାରା ୧୮୮ ଅନୁସାରେ ୫୦୦ ଟଙ୍କା ଜରିମାନା ଦେବାକୁ ହେବ ଓ କ୍ରେନ୍ ବ୍ୟବହାର ହେଲେ ସେଥିପାଇଁ ଖର୍ଚ୍ଚ ମୋଟରଯାନ ଆଇନର ଧାରା ୧୨୭ ଅନୁସାରେ ମଧ୍ୟ ଜରିମାନା ଆଦାୟ କରାଯିବ।