Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||

ସମ୍ବଲପୁରୀ ଶାଢୀରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ, ଟୁଇଟ୍ କରି ଏମିତି ମନ୍ତବ୍ୟ ଦେଲେ ଓଡିଶାର କେନ୍ଦ୍ରମନ୍ତ୍ରୀ

12/07/2019 at 4:23 PM

ଭୁବନେଶ୍ବର ୧୨|୭:  ସଂସଦରେ ଆଜି ଚର୍ଚ୍ଚାରେ ଥିଲା ସମ୍ବଲପୁରୀ ଶାଢୀ । କାହିଁକି ନା କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣ ଆଜି ସମ୍ବଲପୁରୀ ଶାଢୀ ପିନ୍ଧି ରାଜ୍ୟସଭାରେ ପହଞ୍ଚିଥିଲେ । ନୀଳ ଓ ଲାଲ୍ ରଂଗର ଶାଢୀ ବେଶ୍ ସୁନ୍ଦର ଥିଲା । ଓଡ଼ିଶାର ଏହି ବିଶ୍ବ ପ୍ରସିଦ୍ଧ ହସ୍ତକଳା ପ୍ରତି ନିର୍ମଳାଙ୍କ ଭଲପାଇବାକୁ ଅନେକ ପ୍ରଶଂସା କରିଛନ୍ତି ।

କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟ୍ବିଟ୍ କରି କହିଛନ୍ତି, କେନ୍ଦ୍ର ଅର୍ଥମନ୍ତ୍ରୀ ଓଡ଼ିଆ କଳା ଓ ସଂସ୍କୃତିକୁ ବିଶେଷ ସମ୍ମାନ ଦେଇଛନ୍ତି । ତେବେ ଓଡ଼ିଶାର ଏହି ସମୃଦ୍ଧ କଳା ଦେଶବିଦେଶର ଅନେକଙ୍କ ଲାଗି ସବୁବେଳେ ଆକର୍ଷଣର କେନ୍ଦ୍ର ପାଲଟିଛି । ଭାରତର ଏକମାତ୍ର ମହିଳା ରାଷ୍ଟ୍ରପତି ପ୍ରତିଭା ପାଟିଲଙ୍କୁ ଅନେକ ଥର ସମ୍ବଲପୁରୀ ଶାଢୀରେ ଦେଖିବାକୁ ମିଳୁଥିଲା ।

ସେହିଭଳି ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ତ ସମ୍ବଲପୁରୀ ଶାଢୀ ପ୍ରତି ବିଶେଷ ଦୁର୍ବଳତା ରହିଥିଲା । ସେ ନିଜେ ଏହାକୁ ଅନେକ ଥର ପିନ୍ଧିବା ସହ ଅତିଥିମାନଙ୍କୁ ଉପହାର ମଧ୍ୟ ଦେଉଥିଲେ । ତାଙ୍କ ବୋହୂ ତଥା ୟୁପିଏ ଅଧ୍ୟକ୍ଷା ସୋନିଆ ଗାନ୍ଧି ଓ ନାତୁଣୀ ପ୍ରିୟଙ୍କା ଗାନ୍ଧିଙ୍କୁ ମଧ୍ୟ ସମ୍ବଲପୁରୀ ଶାଢୀରେ ବେଳେ ବେଳେ ଦେଖିବାକୁ ମିଳେ ।

ତେବେ ଖାଲି ସମ୍ବଲପୁରୀ ଶାଢୀ ନୁହେଁ, ପୁରୁଷଙ୍କ ଲାଗି ଥିବା ସମ୍ବଲପୁରୀ ଜ୍ୟାକେଟକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପିନ୍ଧୁଥିବାରୁ ବିଭିନ୍ନ ସମୟରେ ଦେଖିବାକୁ ମିଳିଛି । ୨୦୦୯ରେ ଆମେରିକାରେ ଥିବା ସେତେବେଳେର ଭାରତୀୟ ରାଷ୍ଟ୍ରଦୂତ ମୀରା ଶଙ୍କର ରାଷ୍ଟ୍ରପତି ବାରାକ ଓବାମାଙ୍କୁ ସରକାରୀ କାର୍ଯ୍ୟରେ ଦେଖା କରିବାକୁ ହ୍ବାଇଟ ହାଉସକୁ ସମ୍ବଲପୁରୀ ଶାଢୀ ପିନ୍ଧି ଯାଇଥିଲେ ।

ସେହିଭଳି ବଲିଉଡରେ ବି ସମ୍ବଲପୁରୀ ଶାଢୀର ଚାହିଦା ରହଛି । ଅଭିନେତ୍ରୀ ଜୟା ବଚ୍ଚନ, ହେମାମାଳିନୀ, ବିଦ୍ୟା ବାଲାନ, କିରଣ ଖେର୍ ଏହାର ବେଶ୍ ପ୍ରଶଂସା କରିଛନ୍ତି । ଅନ୍ତର୍ଜାତୀୟ ଲେଖିକା ତସଲିମା ନସରିନ୍ ମଧ୍ୟ ସମ୍ବଲପୁରୀ ଶାଢୀର ବଡ଼ ପ୍ରଶଂସିକା ।

   Related Posts