Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପ୍ରତିରକ୍ଷା ରପ୍ତାନୀ କ୍ଷେତ୍ରରେ ମାଇଲ ଖୁଣ୍ଟ : ଫିଲିପାଇନ୍ସକୁ ଧୃବ ହେଲିକପ୍ଟର ବିକ୍ରି କରିବ ଭାରତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୧୫୯ ମୃତ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୮କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୫ କରୋନା ସଂକ୍ରମିତ, ୧୦୫୦୯୫୫ରେ ପହଞ୍ଚିଲା ସଂଖ୍ୟା
  • ||
  • ବାୟୁସେନା ହେଲିକପ୍ଟର କ୍ରାସ୍‌ରେ ଓଡିଆ ଯବାନ ମୃତ, ତାଳଚେରରେ ରାଣା ପ୍ରତାପ ଦାସଙ୍କ ଘର
  • ||
  • ମାତିଲେ ମାଓବାଦୀ : ଜାଳିଲେ ଗାଡ଼ି, ସୁପରଭାଇଜରଙ୍କୁ କଲେ ଅପହରଣ
  • ||
  • ମୁହାଁମୁହିଁ ହେବେ ଶାସକ-ବିରୋଧି : ମମିତା ମେହେର ପ୍ରସଙ୍ଗରେ ବିଧାନସଭା ଘେରିବ ବିଜେପି
  • ||

କରୋନା ଭାଇରସ୍ କେବେ ଯିବ, ଟିକା କେବେ ଆସିବ କିଛି ସ୍ପଷ୍ଟ ନାହିଁ : ନିର୍ମଳା ସୀତାରମଣ

28/09/2020 at 1:58 PM

ନୂଆଦିଲ୍ଲୀ ୨୮।୯: ଦୀର୍ଘ ୭ ମାସ ହେବ ଦେଶ କରୋନା ସଙ୍କଟରେ ଜର୍ଜରିତ । ଲକ୍ ଡାଉନ୍ ଏବଂ ଅନେକ କଟକଣା ଯୋଗୁଁ ଅପ୍ରେଲ-ଜୁନ୍ ତ୍ରୈମାସିକରେ ଜିଡିପି ୨୩.୯ ପ୍ରତିଶତ ହ୍ରାସ ପାଇଛି । ଏହା ମଧ୍ୟରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ମଧ୍ୟ ଏହା ସ୍ବୀକାର କରିଛନ୍ତି ଯେ, ଅର୍ଥବ୍ୟବସ୍ଥା ଏବେ ବି ଚ୍ୟାଲେଞ୍ଜ ମଧ୍ୟରେ ଗତିକରୁଛି ।

ଏକ ଖବରକାଗଜକୁ ଦେଇଥିବା ସାକ୍ଷାତକାରରେ ନିର୍ମଲା ସୀତାରମଣ କହିଛନ୍ତି, ଅର୍ଥବ୍ୟବସ୍ଥା ଭିନ୍ନ ପ୍ରକାରର ଚ୍ୟାଲେଞ୍ଜର ସାମ୍ନା କରୁଛି । କରୋନା ସଙ୍କଟ କେବେ ସମାପ୍ତ ହେବ ଏ ସମ୍ବନ୍ଧରେ କିଛି ସ୍ପଷ୍ଟ ଭାବେ କୁହାଯାଇପାରିବ ନାହିଁ । ଖାସ୍ କରି କି ଏହାର କୌଣସି ଟିକା ଯେପର୍ଯ୍ୟନ୍ତ ଆସିନାହିଁ । ୬ମାସରେ ବାସ୍ତବରେ ଚ୍ୟାଲେଞ୍ଜ କମ୍ ହୋଇନାହିଁ । ବରଂ ଚ୍ୟାଲେଞ୍ଜର ମାର୍ଗ ବଦଳିଯାଇଛି । ସମସ୍ୟାର ସମାଧାନ ପାଇଁ ମନ୍ତ୍ରଣାଳୟ ସେ ଦିଗରେ କାର୍ଯ୍ୟ ଜାରି ରଖିଛି ।

ସେ କହିଛନ୍ତି ଯେ, କରୋନା ସଂକ୍ରମଣ ମାମଲା ହ୍ରାସ ପାଇଛି ଏବଂ ମୃତ୍ୟୁ ହାର ମଧ୍ୟ ହ୍ରାସ ପାଇଛି । କାରଣ ଲୋକଙ୍କ ମଧ୍ୟରେ ଜାଗୃକତା ବୃଦ୍ଧି ପାଇଛି । ମାତ୍ର କୋଭିଡ୍ ୧୯ ଏବେ ବି ଚିନ୍ତାଜନକ ବିଷୟ ହୋଇଛି । ଏଥିରେ କୌଣସି ପରିବର୍ତ୍ତନ ହୋଇନାହିଁ ।

କରୋନାର ସମ୍ପୂର୍ଣ୍ଣ ପ୍ରବାବଶାଳୀ ଔଷଧ ଏପର୍ଯ୍ୟନ୍ତ ଆସିନାହିଁ । କରୋନା ସମାପ୍ତ ହେବାର କୌଣସି ନିର୍ଦ୍ଧିଷ୍ଟ ତାରିଖ ନିଶ୍ଚିତ ହୋଇନାହିଁ । କେତେକ ସ୍ଥାନରେ ଲୋକ ସୁସ୍ଥ ହେବା ପରେ ପୁଣି ସଂକ୍ରମିତ ହେଉଛନ୍ତି ।

   Related Posts