Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେରଳରେ ଭୀଷଣ ବର୍ଷା: ୫ ଜିଲ୍ଲାରେ ବନ୍ୟା ପରିସ୍ଥିତି, ଭୂସ୍ଖଳନରେ ଜଣେ ମୃତ, ୧୨ ନିଖୋଜ
  • ||
  • ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ଡେଙ୍ଗୁ, ସ୍ବାସ୍ଥ୍ୟବସ୍ଥାରେ ଆସୁଛି ସୁଧାର
  • ||
  • କାମେଶ୍ୱର ମନ୍ଦିରରୁ ଚୋରି, ଦାନବାକ୍ସ ଭାଙ୍ଗି ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୫୮ କୋଭିଡ୍ ପଜିଟିଭ୍
  • ||
  • ନବୀନ @ ୭୬, ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦୀ
  • ||
  • ୭୬ ବର୍ଷରେ ପାଦ ଦେଲେ ନବୀନ, କରୋନା ମହାମାରୀ ପାଇଁ ପାଳିବେନି ଜନ୍ମଦିନ
  • ||
  • ଶାରଦୀୟ ଦୁର୍ଗାପୂଜା ଶେଷ, ଶନିବାର ଧରାପୃଷ୍ଠରୁ ବିଦାୟ ନେବେ ମା
  • ||
  • ହାଟରୁ ଫେରୁଥିବା ବେଳେ ବୃଦ୍ଧାଙ୍କୁ ଗଣଦୁଷ୍କର୍ମ, ଘରେ ଛାଡିଦେବେ କହି ଇଜ୍ଜତ ଲୁଟିଲେ ୮ ସଇତାନ
  • ||
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

କେନ୍ଦ୍ର ଅର୍ଥମନ୍ତ୍ରୀଙ୍କ କରୋନା ପ୍ୟାକେଜ୍ ଘୋଷଣା : କୋଭିଡ ପ୍ରଭାବିତ ସେକ୍ଟରମାନଙ୍କୁ ୧.୧ ଲକ୍ଷ କୋଟି ଟଙ୍କାର ଲୋନ୍ ଗ୍ୟାରେଣ୍ଟି, ୨୫ ଲକ୍ଷ କ୍ଷୁଦ୍ର ବ୍ୟବସାୟୀଙ୍କକୁ ୧.୨୫ ଲକ୍ଷ ଋଣ

28/06/2021 at 4:30 PM

ନୂଆଦିଲ୍ଲୀ ୨୮/୦୬ :  ଦେଶରେ କରୋନା ସଂକ୍ରମଣ ମଧ୍ୟରେ ବଡ ଘୋଷଣା କରିଛନ୍ତି କେନ୍ଦ୍ର ସରକାର । କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ କରୋନାରେ ପ୍ରଭାବିତ ସେକ୍ଟରମାନଙ୍କ ପାଇଁ ୧.୧ ଲକ୍ଷ କୋଟି ଟଙ୍କାର ଋଣ ଗ୍ୟାରେଣ୍ଟି ସ୍କିମ୍ ଘୋଷଣା କରିଛନ୍ତି । ଏହି ଯୋଜନା ଆଧାରରେ ସ୍ବାସ୍ଥ୍ୟ କ୍ଷେତ୍ରକୁ ସର୍ବାଧିକ ୫୦ ହଜାର କୋଟି ଟଙ୍କାର ସହାୟତା ଘୋଷଣା କରାଯାଇଥିବା ବେଳେ ଅନ୍ୟ ସେକ୍ଟରମାନଙ୍କ ପାଇଁ ୬୦ ହଜାର କୋଟି ଟଙ୍କାର ପ୍ୟାକେଜ୍ ଘୋଷଣା କରାଯାଇଛି ।


ଏହା ସହିତ ୭.୯୫ ପ୍ରତିଶତ ସୁଧରେ ୧୦୦ କୋଟି ଟଙ୍କା ପର୍ଯ୍ୟନ୍ତ ଲୋନ ଦିଆଯିବାକୁ  ଘୋଷଣା କରାଯାଇଛି । ସେହିଭଳି ଅନ୍ୟ ସେକ୍ଟରମାନଙ୍କ ପାଇଁ ୮.୨୫ ପ୍ରତିଶତ ସୁଧ ହାରରେ ଋଣ ଯୋଗାଇଦିଆଯିବ । ଏହାସହିତ ଟ୍ରାଭେଲ ଏଜେନ୍ସିମାନଙ୍କୁ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଏବଂ ପର୍ଯ୍ୟଟକ ଗାଇଡମାନଙ୍କୁ ୧ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ମିଳିବ ଯେଉଁଥି​‌ରେ ଉପକୃତ ହେବେ ଦେଶର ୧୧ ହଜାର ଟୁରିଷ୍ଟ ଗାଇଡ୍ ।     

ଦେଶର ୨୫ ଲକ୍ଷ କ୍ଷୁଦ୍ର ବ୍ୟବସାୟୀଙ୍କ ପାଇଁ ୧.୨୫ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ସୁବିଧା ଯୋଗାଇଦେବେ କେନ୍ଦ୍ର ସରକାର । ଏହାସହିତ ଦେଶରେ ନଭେମ୍ବର ମାସ ଯାଏଁ ଜାରି ରହିବ ଗରିବ ଅନ୍ନ କଲ୍ୟାଣ ଯୋଜନା । ଦେଶରେ କରୋନା ସଂକ୍ରମଣ ପ୍ରତିବନ୍ଧକ ହଟାଯିବାପରେ ବିଦେଶରୁ ଭାରତ ଆସିବାକୁ ଥିବା ପ୍ରଥମ ୫ ଲକ୍ଷ ଯାତ୍ରୀଙ୍କ ପାଇଁ ଭିସା ଫିସ୍ ଛାଡ କରାଯିବ । ଏହି ସ୍କିମ୍ ୨୦୨୨ ମସିହା ମାର୍ଚ୍ଚ ୩୧ ଯାଏଁ ଲାଗୁ ରହିବ । ଏଥିପାଇଁ କେନ୍ଦ୍ର ସରକାର ଖର୍ଚ୍ଚ କରିବେ ୧୦୦ କୋଟି ଟଙ୍କା । ଏହି ଯୋଜନାରେ ଜଣେ ଯାତ୍ରୀ କେବଳ ଥରେ ହିଁ ଏହି ସୁବିଧା ପାଇପାରିବେ ।

ଦେଶରେ ମେଡିକାଲ ସୁବିଧା ବୃଦ୍ଧି କରାଯିବାକୁ ଘୋଷଣା କରିଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । ସ୍ବାସ୍ଥ୍ୟ ସେବାକୁ ଆହୁରି ବ୍ୟାପକ କରାଯାଇ ଦେଶର ଜନସାଧରଣଙ୍କୁ ଉନ୍ନତମାନର ସ୍ବାସ୍ଥ୍ୟ ସେବା ଯୋଗାଇ ଦିଆଯିବ ।

   Related Posts