Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟି-୨୦ ବିଶ୍ବକପର ଧମାକାଦାର ଆରମ୍ଭ : PNGକୁ ୧୦ ଓ୍ବିକେଟରେ ହରାଇଲା ଓମାନ, କମାଲକଲେ ଭାରତୀୟ ବଂଶୋଦ୍ଭବ ଜତୀନ୍ଦର ସିଂହ
  • ||
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ସହଯୋଗୀଙ୍କ ଘରେ ଭିଜିଲାନ୍ସ ଚଢ଼ାଉ, ଜବତ ହେଲା ୨୦ ଲକ୍ଷ
  • ||
  • ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ଉତପାତ୍‌ ଜାରି, ୨ ଅଣ-କାଶ୍ମୀରୀଙ୍କୁ ନିର୍ମମ ହତ୍ୟା
  • ||
  • ବିସିସିଆଇ ନୂତନ କୋଚ୍ ଏବଂ ସପୋର୍ଟିଂ ଷ୍ଟାଫ ପାଇଁ ମଗାଇଲା ଆବେଦନ, ଏମିତି ରହିଛି ସର୍ତ୍ତ
  • ||
  • ରାଜ୍ୟରେ ଆସନ୍ତା ୨୪ ଘଣ୍ଟା ମଧ୍ୟରେ ହେବ ବଜ୍ରପାତ, ୧୭ ଜିଲ୍ଲାକୁ ସତର୍କ ସୂଚନା
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||

୩୪ ଯାତ୍ରୀଙ୍କ ସହ ବସ୍ ହାଇଜ୍ୟାକ୍ : ଟ୍ରେସ ହୋଇପାରିନାହିଁ ବସ୍, ୟୁପି-ଏମପି ସୀମା ସିଲା

19/08/2020 at 11:31 AM

ଆଗ୍ରା ୧୯/୦୮ : କିସ୍ତି ନ ଦେଇଥିବାରୁ ଶ୍ରୀରାମ କମ୍ପାନୀର କର୍ମଚାରୀଙ୍କ ଦ୍ୱାରା ଯାତ୍ରୀଙ୍କ ସମେତ ବସ ଅପହରଣ କରାଯାଇଥିବା ମାମଲାରେ ନୂଆ ଖୁଲାସା ହୋଇଛି | ଅପହରଣ ହୋଇଥିବା ବସରେ ଥିବା ୩୪ ଯାତ୍ରୀଙ୍କୁ ବାଲାଜୀ ଟ୍ରାଭେଲସ କମ୍ପାନୀର ଏକ ବସ ଯୋଗେ ଝାନ୍ସୀ ପଠାଯାଇଛି ବୋଲି କୁହାଯାଉଛି | ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି | ଝାନ୍ସୀ ଡିଏମ ଆନ୍ଦ୍ରା ୱାମସି କହିଛନ୍ତି ଯେ ବସ ଏଯାଏଁ ଝାନ୍ସୀରେ ପହଞ୍ଚିନି | ଝାନ୍ସୀ-ମଧ୍ୟପ୍ରଦେଶ ସୀମାରେ ଘନଘନ ଚେକିଙ୍ଗ ଜାରି ରହିଛି | ସୀମାକୁ ସିଲ କରାଯାଇଛି | 

ଏହି ମାମଲାରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦେଶ ଦେଇଛନ୍ତି | ଅତିରିକ୍ତ ମୁଖ୍ୟ ଶାସନ ସଚିବ ଅବନିଶ ଅବସ୍ତି କହିଛନ୍ତି ଯେ ମାମଲାରେ ଆଗ୍ରା ଡିଏମ ଓ ଏସଏସପିଙ୍କୁ ଦୃଢ କାର୍ଯ୍ୟାନୁଷ୍ଠାନ କରିବାକୁ ନିର୍ଦେଶ ଦିଆଯାଇଛି | ଅବସ୍ତି କହିଛନ୍ତି ଯେ ଡିଏମ ଏବଂ ଏସଏସପିଙ୍କୁ ଏହି ମାମଲାରେ ରିପୋର୍ଟ ତଲବ କରିବାକୁ କୁହାଯାଇଛି | ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି ବୋଲି ସେ କହିଛନ୍ତି | ମଙ୍ଗଳବାର ରାତିରେ ବସ ମାଲିକଙ୍କ ମୃତ୍ୟୁ ହୋଇଛି | ବସ ମାଲିକଙ୍କ ପୁଅ ତାଙ୍କ ଅନ୍ତିମ ସଂସ୍କାରରେ ଲାଗିଛନ୍ତି |

ଏହି ମାମଲାରେ ବସ କଣ୍ଡକ୍ଟରଙ୍କ ବୟାନ ମଧ୍ୟ ନିଆଯାଇଛି | କଣ୍ଡକ୍ଟର ରାମ ବିଶାଳ ପଟେଲ କହିଛନ୍ତି ଯେ ଦୁଇଟି ଗାଡିରେ ଫାଇନାନ୍ସ କମ୍ପାନୀ କର୍ମଚାରୀ ଆସିଥିଲେ | ୮ଟି କିସ୍ତି ଦିଆହୋଇନି ବୋଲି ସେମାନେ କହୁଥିଲେ | ଏହାପରେ ସେ ବସ ନେଇ ଚାଲିଯାଇଥିଲେ |

ଫାଇନାନ୍ସ କମ୍ପାନୀର ଏହି ଦାଦାଗିରି ପରେ ପୋଲିସ ବିଭାଗରେ ଉତ୍ତେଜନା ଦେଖାଦେଇଛି | ପୋଲିସର କିଛି ଟିମ ବସକୁ ଖୋଜିବାରେ ଲାଗିଛନ୍ତି | ଏବେ ପର୍ଯ୍ୟନ୍ତ ବସର କୌଣସି ପତା ମିଳିନାହିଁ | ବସରେ ଥିବା ଯାତ୍ରୀ ନିଜ ନିଜ ଘରକୁ ଚାଲିଯାଇଥିବେ ବୋଲି ପୋଲିସ ଅଧିକାରୀ ଆଶଙ୍କା ଜାହିର କରିଛନ୍ତି | କିନ୍ତୁ ତାହା ସ୍ପଷ୍ଟ ହୋଇନାହିଁ | ଏସଏସପି କହିଛନ୍ତି ଯେ, ଫାଇନାନ୍ସ କମ୍ପାନୀର କର୍ମଚାରୀ UP75M 3516 ନମ୍ବର ବସକୁ ଓଭରଟେକ କରି ବସକୁ କବଜା କରି ନେଇଥିଲେ | ମାମଲାରେ ଏଫଆଇଆର ଲେଖାଯାଇଛି |

   Related Posts