ନୂଆଦିଲ୍ଲୀ ୨୨/୦୬: ୧୯୯୩ ରେ ଆସିଥିବା 'ତ୍ରିରଙ୍ଗା' ସେ ସମୟର ଏକ ସୁପରହିଟ୍ ଫିଲ୍ମ ଥିଲା । ଏହି ଫିଲ୍ମରେ ମୁଖ୍ୟ ଭୂମିକାରେ ରାଜ କୁମାର, ନାନା ପାଟେକର, ମମତା କୁଲକର୍ଣ୍ଣି ଏବଂ ଭର୍ସା ଉସଗାଓଁକାର ପ୍ରମୁଖ ଅଭିନୟ କରିଥିଲେ। ନିର୍ମାତା-ନିର୍ଦ୍ଦେଶକ ମେହୁଲ କୁମାରଙ୍କ ପାଇଁ ଏହାର ଷ୍ଟାରକାଷ୍ଟ ସହିତ କାମ କରିବା ସହଜ ନଥିଲା।
ପ୍ରଥମେ ନାନା ପାଟେକର ଏହି ଫିଲ୍ମ ପାଇଁ ମନା କରିଦେଇଥିଲେ। ଏକ ଇଣ୍ଟରଭ୍ୟୁରେ ମେହୁଲ କୁମାର ଏହା ପ୍ରକାଶ କରିଛନ୍ତି। ମେହୁଲ କହିଛନ୍ତି ଯେ ନାନାଙ୍କୁ ଅପ୍ରୋଚ୍ କରିବା ମାତ୍ରେ ଫିଲ୍ମକୁ ମନାନକରିଦେଇଥିଲେ । ସେ କହିଥିଲେ ଯେ ସେ 'କମରସିଆଲ୍ ଫିଲ୍ମ' କରିବେ ନାହିଁ ଏବଂ ଏହିପରି ଅଫରକୁ ପ୍ରତ୍ୟାଖ୍ୟାନ କରିଦେଲେ।
ମେହୁଲ ତଥାପି ତାଙ୍କୁ ଫିଲ୍ମ କରିବାକୁ ଅନୁରୋଧ କରିଥିଲେ ଏବଂ ସ୍କ୍ରିପ୍ଟ ପଢିବାପରେ ନାନା ଏହି ଫିଲ୍ମରେ ରାଜି ହୋଇଥିଲେ। ତେବେ ଫିଲ୍ମ କରିବା ପୂର୍ବରୁ ସେ ଏକ ସର୍ତ୍ତ ରଖିଥିଲେ ଯେ ଯଦି ରାଜ କୁମାର ଫିଲ୍ମରେ ହସ୍ତକ୍ଷେପ କରନ୍ତି ତେବେ ସେ ତୁରନ୍ତ ସେଟ ଛାଡିବେ। ଏହା ପରେ ମେହୁଲ ତାଙ୍କୁ ଆଶ୍ୱାସନା ଦେଇଥିଲେ ଯେ ରାଜ କୁମାର ଫିଲ୍ମର କାହାଣୀରେ ହସ୍ତକ୍ଷେପ କରିବେ ନାହିଁ।
ଅନ୍ୟପକ୍ଷରେ, ଯେତେବେଳେ ମେହୁଲ ରାଜ କୁମାରଙ୍କୁ କହିଥିଲେ ଯେ ତାଙ୍କ ସହ ଅଭିନେତା ନାନା ପାଟେକର ଅଛନ୍ତି, ସେ କାହିଁକି ନାନାଙ୍କୁ ସାଇନ୍ କରିଛନ୍ତି ବୋଲି ପଚାରିଥିଲେ। ରାଜକୁମାର ଆହୁରି କହିଛନ୍ତି ଯେ ସେ ଶୁଣିଛନ୍ତି ଯେ ସେଟରେ ନାନାଙ୍କ ଆଚରଣ ଭଲ ନୁହେଁ ଏବଂ ସେ ଦୁର୍ବ୍ୟବହାର କରନ୍ତି।
ମେହୁଲ କହିଛନ୍ତି ଯେ ସେଟରେ କୌଣସି ଟେନସନ ନଥିଲା। ସୁଟିଂ ସମୟରେ ନାନା ଏବଂ ରାଜ କୁମାର ମୁହାଁମୁହିଁ ହୋଇଥିଲେ ମଧ୍ୟ ପରସ୍ପର ସହ କଥା ହୋଇନଥିଲେ। ତେବେ ଫିଲ୍ମରେ ଏକ ଗୀତର ସୁଟିଂ ସମୟରେ ଦୁହେଁ ପରସ୍ପର ସହ କଥା ହେବା ଆରମ୍ଭ କରିଥିଲେ।
