Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ଭୁବନେଶ୍ବରରେ ଗାଡ଼ି ପାର୍କିଂ ନେଇ ହଣାକଟା: ଯୁବକଙ୍କୁ ଧାରୁଆ ଅସ୍ତ୍ରରେ ହାଣିଲେ ଦୁର୍ବୃତ୍ତ

6/03/2020 at 7:48 AM

ଭୁବନେଶ୍ୱର ୬/୩: ରାଜଧାନୀରେ ଘଟିଛି ଅଭାବନୀୟ ଘଟଣା। ଗାଡ଼ି ପାର୍କିଂକୁ ନେଇ ଜଣେ ଯୁବକଙ୍କୁ ମରାଣନ୍ତକ ଆକ୍ରମଣ ହୋଇଛି । ୪ ଜଣ ଯୁବକ ପାର୍କିଂରେ ନିୟୋଜିତ ଥିବା ଯୁବକଙ୍କୁ ଧାରୁଆ ଅସ୍ତ୍ରରେ ହାଣି ପକାଇଛନ୍ତି । ଗୁରୁତର ଆହତ ଯୁବକ ଚିକୁ ଗୌଡ଼ଙ୍କୁ ପୁଲିସ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଛି । ଏହି ଆକ୍ରମଣର ମୁଖ୍ୟ ଅଭିଯୁକ୍ତ ସାଲିଆସାହି ଏକାମ୍ରବିହାରର ରାଜା ଓରଫ ରାଜେଶ ନାୟକକୁ ପୁଲିସ ଗିରଫ କରିଛି । ରାଜାର ଅନ୍ୟ ୩ ସହଯୋଗୀ ଫେରାର୍‌ ହୋଇ ଯାଇଛନ୍ତି ।

ପୁଲିସ ସୂଚନା ଅନୁଯାୟୀ, ନୂଆପଲ୍ଲୀ ଆଇଆରସି ଭିଲେଜରେ ଥିବା ମେଗାମାର୍ଟ ସମ୍ମୁଖ ପାର୍କିଂ ସ୍ଥାନରେ ଚିକୁ ନିୟୋଜିତ ଥିଲେ । ଗତକାଲି ସନ୍ଧ୍ୟାରେ ସେଠାରେ ପାର୍କିଂ କରା ଯାଉଥିବା ଗାଡ଼ିକୁ ଉପଯୁକ୍ତ ସ୍ଥାନରେ ରଖିବାକୁ ସେ ଲୋକଙ୍କୁ ବୁଝାଉଥିଲେ । ଏହି ସମୟରେ ରାଜା ଓ ତାଙ୍କର ୩ ସହଯୋଗୀ ୨ଟି ବାଇକ୍‌ରେ ସେଠାରେ ପହଞ୍ଚିଥିଲେ । ସେମାନେ ମେଗାମାର୍ଟ ସମ୍ମୁଖ ରାସ୍ତା ଉପରେ ବାଇକ୍‌ ରଖୁଥିଲେ । ଚିକୁ ସେମାନଙ୍କୁ ବାରଣ କରିବାରୁ ଉତ୍‌କ୍ଷିପ୍ତ ହୋଇ ରାଜେଶ ଓ ତାଙ୍କ ସହଯୋଗୀମାନେ ଏକ ଧାରୁଆ ଅସ୍ତ୍ରରେ ଚିକୁଙ୍କୁ ଆକ୍ରମଣ କରିଥିଲେ । ଫଳରେ ଚିକୁଙ୍କ ମୁଣ୍ଡ ସମେତ କାନ୍ଧରେ ଚୋଟ ବାଜିଥିଲା ।

ଖବରପାଇ ନୂଆପଲ୍ଲୀ ଥାନା ପୁଲିସ ପହଞ୍ଚି ଚିକୁଙ୍କୁ ହସ୍ପିଟାଲରେ ଭର୍ତ୍ତି କରିଥିଲା । ପାର୍କିଂ ଦାୟିତ୍ୱ ନେଇଥିବା ରାଜେଶ କୁମାର ଦାସଙ୍କ ଅଭିଯୋଗକୁ ଭିତ୍ତିକରି ପୁଲିସ ଏକ ମାମଲା ରୁଜୁ କରିଥିଲା । ଏହି ମାମଲାର ମୁଖ୍ୟ ଅଭିଯୁକ୍ତ ରାଜାଙ୍କୁ ପୁଲିସ ରାତାରାତି ଗିରଫ କରି ଆଜି କୋର୍ଟ ଚାଲାଣ କରିଥିଲା । ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ ହାଜତକୁ ପଠାଇ ଦିଆଯାଇଛି । ରାଜାଙ୍କ ଅନ୍ୟ ୩ ସହଯୋଗୀ ଫେରାର୍‌ ହୋଇ ଯାଇଛନ୍ତି । ସେମାନଙ୍କୁ ଗିରଫ କରିବା ପାଇଁ ପୁଲିସ ବିଭିନ୍ନ ସ୍ଥାନରେ ଚଢ଼ଉ ଚଳାଇଛି ।

   Related Posts