Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ରାଜ୍ୟରେ ସୁସ୍ଥ ହେଲେ ଆଉ ୧୭୪୦ ଆକ୍ରାନ୍ତ
  • ||
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||

କିଛି ଘଣ୍ଟାପରେ ଫାଶୀରେ ଝୁଲିବେ ନିର୍ଭୟା ଦୋଷୀ,କିନ୍ତୁ ଜାଣନ୍ତୁ କିପରି ଚାପରେ ଅଛନ୍ତି ତିହାର କର୍ତ୍ତୃପକ୍ଷ

19/03/2020 at 8:29 PM

ନୂଆଦିଲ୍ଲୀ ୧୯।୩: ସମସ୍ତ ଆଇନଗତ ବିକଳ୍ପ ଶେଷ ହେବା ପରେ ନିର୍ଭୟା ଗଣ ଦୁଷ୍କର୍ମ ଓ ହତ୍ୟା ଅପରାଧୀଙ୍କ ଜୀବନର ଆଉ ମାତ୍ର କିଛି ଘଣ୍ଟା ବାକି। କୋର୍ଟଙ୍କ ଡେଥ୍ ୱାରେଣ୍ଟ ଅନୁସାରେ ମାର୍ଚ୍ଚ୨୦ ତାରିଖ ଶୁକ୍ରବାର ସକାଳ ୫ଟାରୁ ୬ଟା ମଧ୍ୟରେ ୪ ଅପରାଧୀଙ୍କୁ ଫାଶୀଖୁଣ୍ଟରେ ଝୁଲାଯିବ। ଦୋଷୀଙ୍କ ଦଣ୍ଡ ଟାଳିବା ଲାଗି ସେମାନଙ୍କ ଓକିଲ ଗୁରୁବାର ଦିନ ତମାମ ଯେତେବେଳେ କୋର୍ଟରେ ଲଢୁଥିଲେ ସେତେବେଳେ ଅପରାଧୀଙ୍କ ଦଣ୍ଡବିଧାନ ଲାଗି ତିହାର କର୍ତ୍ତୃପକ୍ଷ ଜେଲରେ ସେମାନଙ୍କ ପ୍ରସ୍ତୁତି ଚୂଡାନ୍ତ କରିଛନ୍ତି। 

ମିଳିଥିବା ସୂଚନା ଅନୁସାରେ ଦୋଷୀଙ୍କ ଦଣ୍ଡବିଧାନ ଲାଗି ଜେଲରେ ଗୁରୁବାର ଶେଷ ଡମି ଟ୍ରାୟଲ ସରିଛି। ସେହିପରି ସମ୍ପୂର୍ଣ୍ଣ ପ୍ରକ୍ରିୟାରେ ଯେଉଁ ଅଫିସରମାନେ ରହିବେ ସେମାନଙ୍କୁ ଶୁକ୍ରବାର ପ୍ରତ୍ୟୁଷ ସୁଧା ଜେଲ ପହଞ୍ଚିବା ଲାଗି ଆଦେଶ ଜାରି ହୋଇଥିବା ବେଳେ ଦଣ୍ଡବିଧାନ ପ୍ରକ୍ରିୟା ଶେଷ ହେବାମାତ୍ରେ ଘାତକକୁ ସୁରକ୍ଷିତ ମିରଟ ପଠାଇବାର ବି ବ୍ୟବସ୍ଥା ସରିଥିବା ଜେଲ ମହାନିରୀକ୍ଷକ ରାଜକୁମାରଙ୍କ ସୂତ୍ରରୁ ଜଣାପଡିଛି।  ତିହାରରେ ମୃତ୍ୟୁଦଣ୍ଡବିଧାନ କିଛି ନୂଆ କଥା ନୁହେଁ। ହେଲେବି କୋର୍ଟଙ୍କ ଆଦେଶ ପାଳନ ଏକ ଗୁରୁତ୍ୱପୂର୍ଣ୍ଣ ବ୍ୟାପାର ବୋଲି କହିଛନ୍ତି ମହାନିରୀକ୍ଷକ।

ଡେଥ୍ ୱାରେଣ୍ଟ କାର୍ଯ୍ୟକାରୀ କରିବା ଲାଗି ଫାଶୀଘରେ କେଉଁମାନେ ରହିବେ ତାହା ଚୂଡାନ୍ତ ହୋଇଥିବା ବେଳେ ସୁରକ୍ଷା କର୍ମୀଙ୍କ ସୂଚୀ ମଧ୍ୟ ପ୍ରସ୍ତୁତ ହୋଇଗଲାଣି। ସେହିପରି କେଉଁ ସୁରକ୍ଷା କର୍ମୀ କେଉଁ କୈଦୀଙ୍କୁ କେଉଁ ସେଲରୁ କେତେବେଳେ କାଢିବେ ଓ କେଉଁ ରାସ୍ତାରେ ଆଣି ଫାଶୀଘରେ ପହଞ୍ଚାଇବେ ତାର ମଧ୍ୟ ରେକି ହୋଇଛି। ତେବେ ତମାମ କାର୍ଯ୍ୟକ୍ରମର ସୂଚନା କେବଳ ଜେଲ ସୁପରିଣ୍ଟେଣ୍ଡେଣ୍ଟ, ଡେପୁଟି ସୁପରିଣ୍ଟେଣ୍ଡେଣ୍ଟ, ଜେଲ ମହାନିର୍ଦ୍ଦେଶକ ସନ୍ଦୀପ ଗୋୟଲଙ୍କ ମଧ୍ୟରେ ଗୋପନ ରହିଛି।

ଦଣ୍ଡବିଧାନ ବେଳେ ଉପସ୍ଥିତ ଡାକ୍ତର ୪ ଜଣଙ୍କୁ ମୃତ ଘୋଷିତ କରିବେ। ପରେ ସେମାନଙ୍କ ଶବକୁ ତିହାର ଜେଲ ନିକଟରେ ଥିବା ଦିନଦୟାଲ ହସ୍ପିଟାଲ ଶବ ଗୃହକୁ ପଠାଯିବ। ସେଠାରେ ୪ ଜଣଙ୍କ ଶବକୁ ବିଧି ବିଜ୍ଞାନ ବିଶେଷଜ୍ଞ (ଫରେନସିକ୍ ସାଇନ୍ସ ଏକ୍ସପର୍ଟ) ବ୍ୟବଚ୍ଛେଦ କରିବେ। ପରେ ପରିବାର ଲୋକଙ୍କୁ ଶବ ହସ୍ତାନ୍ତରଣ କରାଯିବ। ଯଦି କାହା ପରିବାର ଶବ ଗ୍ରହଣ ଲାଗି ରାଜି ନ ହେବେ ସେ ନେଇ ମଧ୍ୟ ବ୍ୟବସ୍ଥା କରିସାରିଛନ୍ତି ତିହାର କର୍ତ୍ତୃପକ୍ଷ।

   Related Posts