Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ଟ୍ରାଭେଲ୍ସ ବିଲ୍ ମାମଲାରେ ପାଠକ ବାପା-ପୁଅଙ୍କୁ ହାଇକୋର୍ଟରୁ ମିଳିଲା ଜାମିନ
  • ||
  • ଚଣ୍ଡିଖୋଲ : ପେଟ୍ରୋଲ ପମ୍ପ୍ କର୍ମଚାରୀଙ୍କୁ ଗୁଳିମାଡ, ଦୁଇ ଆହତ
  • ||
  • ଚଣ୍ଡିଖୋଲ : ପୃଥକ ପୃଥକ ଦୁର୍ଘଟଣାରେ ଦୁଇ ମୃତ, ଜଣେ ଗୁରୁତର
  • ||
  • ଭୁବନେଶ୍ବର : ବିଧାନସଭା ବାଚସ୍ପତିଙ୍କ ସହ ମନ୍ତ୍ରୀ ଓ ବିଧାୟକ ନେଲେ କରୋନା ଟିକା
  • ||
  • କଟକ : ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା, CBI ତଦନ୍ତ ଶିଥିଳତା ମାମଲାରେ ପୂର୍ଣ୍ଣଚ୍ଛେଦ ଟାଣିଲେ ହାଇକୋର୍ଟ
  • ||
  • ବଲାଙ୍ଗୀର : ବସ୍ ଧକ୍କାରେ ଶିକ୍ଷକଙ୍କ ମୃତ୍ୟୁ, NH ଅବରୋଧ କଲେ ସ୍ଥାନୀୟ ଲୋକ
  • ||
  • ବୌଦ୍ଧ : ସମ୍ପତ୍ତି ପାଇଁ ଭାଇ ହେଲା ବଇରୀ, ରକ୍ତ ସମ୍ପର୍କକୁ ଭୁଲି ମାରି ପୋଡିଦେଲେ ସାନ ଭାଇକୁ
  • ||
  • ନୟାଗଡ : ଗ୍ରାମବାସୀଙ୍କ ମାଡରେ ଲୁଟେରା ମୃତ ! ଚେନ୍ ଲୁଟ୍ ଉଦ୍ୟମ ବେଳେ ଧରି ଛେଚିଥିଲେ ଲୋକେ
  • ||
  • ମଣ୍ଡିରେ ବିକ୍ରି ହେଉନି ଧାନ, ପ୍ରତିବାଦରେ ରାସ୍ତାରୋକ କଲେ ଚାଷୀ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୬ ଛୁଇଁଲା ମୃତକଙ୍କ ସଂଖ୍ୟା
  • ||

ଛାତ୍ରଛାତ୍ରୀଙ୍କ ଭିତରେ ସୃଜନଶୀଳତାକୁ ପ୍ରୋତ୍ସାହନ ଦେବା ଲାଗି ସିଡିଏ ଡିଏଭିରେ ‘ଫେଷ୍ଟ ୟୁରେକା’

23/11/2019 at 4:18 PM

କଟକ ୨୩।୧୧: ସ୍କୁଲ୍ ଛାତ୍ରଛାତ୍ରୀଙ୍କ ଭିତରେ ସୃଜନଶୀଳତା ଓ କିଛି ନୂଆ କରି ଦେଖାଇବାର ପ୍ରୟାସକୁ ପ୍ରୋତ୍ସାହନ ଦେବା ପାଇଁ କଟକ ସିଡିଏ ଡିଏଭିରେ ଆୟୋଜିତ ହୋଇଯାଇଛି ‘ଫେଷ୍ଟ ୟୁରେକା’ । ଆଗାମୀପିଢିର ଦେଶ ଉଦ୍ଭାବନକୁ ନେଇ ଆଗକୁ ବଢିବ । ତେଣୁ ଏବେଠୁ ପିଲାଙ୍କ ଭିତରେ ଏହିପରି ପ୍ରତିଯୋଗିତା ମାଧ୍ୟମରେ ଉଦ୍ଭାବନର ଭାବନା ଜାଗ୍ରତ କରିବା ଆବଶ୍ୟକ ବୋଲି ଉତ୍ସବର ମୁଖ୍ୟ ଅତିଥି କହିଛନ୍ତି । ଆଜିର ଏହି ‘ଫେଷ୍ଟ ୟୁରେକା’ରେ ୫ଶହ ୧୨ଟି ପ୍ରକଳ୍ପ ପ୍ରଦର୍ଶିତ ହେବା ସହ ମୋଟ୍ ୧୬ଶହ ୭୩ ଜଣ ପ୍ରତିଯୋଗି ଭାଗ ନେଇଥିଲେ ।

କଟକ ସିଡିଏ ଡିଏଭିରେ ଆରମ୍ଭ ହେଲା ‘ଫେଷ୍ଟ ୟୁରେକା-୨୦୧୯’ । ସିଡିଏ ଡିଏଭିର ମ୍ୟାନେଜିଂ କମିଟି ଚେୟାରମ୍ୟାନ ଜେନେରାଲ ବସନ୍ତ କୁମାର ସାହୁ ଏହାର ଉଦ୍‌ଘାଟନ କରିଥିଲେ । କଟକ ଧାନ ଗବେଷଣା କେନ୍ଦ୍ରର ପ୍ରିନସିପାଲ ସାଇଣ୍ଟିଷ୍ଟ ଡକ୍ଟର ପଦ୍ମିନୀ ସ୍ୱାଇଁ ଏଥିରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।

ଦେଶର ଶିକ୍ଷା ବ୍ୟବସ୍ଥାକୁ ଆଗକୁ ନେବାକୁ ହେଲେ ପିଲାମାନଙ୍କ ଭିତରେ ସୃଜନଶୀଳତା ବଢାଇବା ଓ ଉଦ୍‌ଭାବନ ପ୍ରତି ଆକୃଷ୍ଟ କରିବା ଆବଶ୍ୟକ । ତେଣୁ ଏପରି ଫେଷ୍ଟର ଆୟୋଜନ ଏ ଦିଗରେ ମୁଖ୍ୟ ଭୂମିକା ଗ୍ରହଣ କରିବ ବୋଲି ଅତିଥିମାନେ ମତ ଦେଇଛନ୍ତି ।

ଏହି ‘ଫେଷ୍ଟ ୟୁରେକା’ରେ ୧୬ଶହ ୭୩ ଜଣ ପ୍ରତିଯୋଗୀ ୫୧୨ଟି ପ୍ରକଳ୍ପ ପ୍ରଦର୍ଶିତ କରିଥିଲେ । ସାହିତ୍ୟଠାରୁ ଆରମ୍ଭ କରି ଧର୍ମ, ଗଣିତ, ସାମାଜିକ ବିଜ୍ଞାନ, ଯୋଗ, ସଙ୍ଗୀତ, ନୃତ୍ୟ ଓ ବିଜ୍ଞାନ ବିଭାଗରେ ଏହିସବୁ ପ୍ରକଳ୍ପ ପ୍ରଦର୍ଶିତ ହୋଇଥିଲା ।

ତେବେ ଜାତୀୟ ସ୍ତରରେ ପୁରସ୍କାର ପାଇଥିବା ନବମ ଶ୍ରେଣୀ ଛାତ୍ରୀ ଅନ୍ବେଶା ପଣ୍ଡାଙ୍କ ପ୍ରକଳ୍ପ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା । ଆକାଶରେ ହଠାତ୍ କୌଣସି ଯାତ୍ରିବାହୀ ବିମାନର କକ୍‌ପିଟ୍ ରେ ଅଗ୍ନିକାଣ୍ଡ ବା ବିସ୍ଫୋରଣ ହେଲା ଯାତ୍ରୀମାନେ କିପରି ସୁରକ୍ଷିତ ରହିପାରିବେ, ତାକୁ ନେଇ ଅନ୍ବେଶା ଏହି ପ୍ରକଳ୍ପଟି କରିଛନ୍ତି ।

ଏହି ଅବସରରେ ମହାତ୍ମା ଗାନ୍ଧିଙ୍କ ଜୀବନକୁ ନେଇ ଏକ ସୁନ୍ଦର ପ୍ରଦର୍ଶନୀର ମଧ୍ୟ ଆୟୋଜନ କରାଯାଇଥିଲା ।

   Related Posts