Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ନାମୀ ହସ୍ପିଟାଲରେ ଡାକ୍ତର ଥିବା ମହିଳାଙ୍କ ସନ୍ଦେହଜନକ ମୃତ୍ୟୁ, ସ୍ୱାମୀଙ୍କ ବିରୋଧରେ ଆସିଲା ଗଞ୍ଜେଇ ଖାଉଥିବାର ଅଭିଯୋଗ

25/11/2019 at 6:47 PM

ଗୁରୁଗ୍ରାମ :  ସ୍ଥାନୀୟ ଏକ ନାମୀ ହସ୍ପିଟାଲରେ ଡାକ୍ତର ଥିବା ଜନୈକା ମହିଳାଙ୍କ ସନ୍ଦେହଜନକ ପରିସ୍ଥିତିରେ ମୃତ୍ୟୁ ହୋଇଛି। ମୃତ ମହିଳାଙ୍କୁ ପୋଲିସ ଡାକ୍ତର ସୋନମ ମୋର ନାମରେ ଚିହ୍ନଟ କରିଛି। ସେ ନିଜ ଫ୍ଲାଟରେ ଡ୍ରଗ୍ ନେଇ ଆତ୍ମହତ୍ୟା କରିଥିବା ଅନୁମାନ କରାଯାଉଛି। ତେବେ ମୃତ ମହିଳାଙ୍କ ପରିବାର ଲୋକେ ତାଙ୍କୁ ଆତ୍ମହତ୍ୟା ଲାଗି ବାଧ୍ୟ କରାଯାଇଥିବା ଅଭିଯୋଗ ଆଣିଛନ୍ତି। ପୋଲିସ ଏବେ ମାମଲାର ଯାଞ୍ଚ କରୁଛି।

ପୋଲିସ ସୂଚନା ଅନୁସାରେ ମୃତ ମହିଳା ଡାକ୍ତର ସୋନମଙ୍କ ସହ ତାଙ୍କ ସ୍ୱାମୀ ଡା. ଶିଖର ମୋରଙ୍କର ଗତ କିଛିମାସ ହେଲା ସମ୍ପର୍କ ଭଲ ନଥିଲା। ସ୍ୱାମୀଙ୍କ ପରିବାର ଲୋକେ ତାଙ୍କ ସହ ମାରପିଟ କରିଥିଲେ ଓ ଘଟଣାକୁ ନେଇ ସୋନମ ମାନସିକ ଅଶାନ୍ତି ମଧ୍ୟ ଦେଇ ଗତିକରୁଥିଲେ। ସେ ଫୋର୍ଟିସ ହସ୍ପିଟାଲରେ କାର୍ଯ୍ୟ କରୁଥିଲେ। ତେବେ ଆତ୍ମହତ୍ୟା କରିବାର ପ୍ରାୟ ୧୮ ଦିନ ପୂର୍ବରୁ ସେ ଚାକିରୀରୁ ଇସ୍ତଫା ଦେଇ ଘରେ ଏକାକୀ ରହୁଥିଲେ।

ଡା.ସୋନମ ଗତ ଅକ୍ଟୋବର ମାସରୁ ସେକ୍ଟର-୪୩ସ୍ଥିତ ୧୨୦୮ ନମ୍ବର ଘରର ତଳମହଲାକୁ ଭଡାରେ ନେଇ ରହୁଥିଲେ। ତେବେ ନିକଟରେ ସେ ଇଞ୍ଜକ୍ସନରେ ନିଶା ନେଇ ଆତ୍ମହତ୍ୟା କରିଛନ୍ତି। ସୋନମ ୨୦୧୮ ମସିହାରେ କୋଲକାତା ନିବାସୀ ଡା. ଶିଖର ମୋରଙ୍କୁ ବିବାହ କରିଥିଲେ। ସୋନମଙ୍କ ପିତାଙ୍କ ଅଭିଯୋଗ ଅନୁସାରେ ଡାକ୍ତର ମୋର ଗଞ୍ଜେଇ ଅଭ୍ୟସ୍ତ ଥିଲେ ଓ ଏହି ନିଶା ଯୋଗୁ ସେ ସୋନମକୁ ବି ନିଶା କରିବାକୁ ବାଧ୍ୟ କରୁଥିଲେ। ଏଣୁ ସୋନମ ଗଞ୍ଜେଇ ନିଶାରେ ଅଭ୍ୟସ୍ତ ହେବା ଯୋଗୁ ଅସୁସ୍ଥ ହୋଇ ଏମସ୍ ରେ ଭର୍ତ୍ତି ହେବା ପରେ ଘଟଣା ଜଣାପଡିଥିଲା।

ଗତ ଏପ୍ରିଲ ମାସର ଏହି ଘଟଣା ପରେ ଶିଖର ଓ ସୋନମଙ୍କ ପରିବାରରେ ବିବାଦ ହୋଇଥିଲା। ଶିଖରଙ୍କ ମା ସୋନମଙ୍କୁ ମାରପିଟ କରିଥିଲେ ଓ ଶେଷରେ ଶିଖର ସୋନମଙ୍କ ସହ ରହିବେନି ବୋଲି ମନା କରିଦେଇଥିଲେ। ସେତେବେଳେ ସୋନମ ଫୋର୍ଟିସ ହସ୍ପିଟାଲରେ କାର୍ଯ୍ୟ କରୁଥିଲେ ଏଣୁ ସେ ଗୁରୁଗ୍ରାମରେ ଏକାକୀ ରହିବାକୁ ଲାଗିଥିଲେ। ପରିବାର ଲୋକଙ୍କ ଅଭିଯୋଗ ଆଧାରରେ ପୋଲିସ ସୁଶାନ୍ତ ଲୋକ ଥାନାରେ ଆତ୍ମହତ୍ୟା ଲାଗି ଉସକାଇବା ଅଭିଯୋଗରେ ମାମଲା ରୁଜୁ କରି ଏବେ ତଦନ୍ତ ଜାରି ରଖିଛି।

   Related Posts