ନୂଆଦିଲ୍ଲୀ ୦୬।୦୧ - ଫେବ୍ରୁଆରୀ ୮ ତାରିଖରେ ଦିଲ୍ଲୀ ବିଧାନସଭା ପାଇଁ ନିର୍ବାଚନ ଅନୁଷ୍ଠିତ ହେବ । ନିର୍ବାଚନ ଆୟୋଗ ଏ ବିଷୟରେ ୮ ତାରିଖରେ ଏକ ସାମ୍ବାଦିକ ସମ୍ମିଳନୀରେ ଘୋଷଣା କରିଛନ୍ତି । ୭୦ ଆସନ ବିଶିଷ୍ଟ ଦିଲ୍ଲୀ ବିଧାନ ସଭା ପାଇଁ ଫେବ୍ରୁଆରୀ ୮ ତାରିଖର ମତଦାନ ଅନୁଷ୍ଠିତ ହେବ । ୧୧ ତାରିଖରେ ମତ ଗଣନା କରାଯିବ ।
ଏଥର ତ୍ରିକୋଣୀୟ ଲଢେଇ ହେବ ବୋଲି ଆଶା କରାଯାଉଛି । ବିଜେପି , କଂଗ୍ରେ, ଓ ଏଏପି ମଧ୍ୟରେ କଡା ପ୍ରତିଦ୍ୱନ୍ଦୀତା ହୋଇପାରେ । ଗତ ଥର ଆମ ଆଦମୀ ପାର୍ଟି ସଂଖ୍ୟା ଗରିଷ୍ଠତା ହାସଲ କରିଥିଲା । ଅରବିନ୍ଦ କେଜ୍ରିଓ୍ୱାଲ ମୁଖ୍ୟମନ୍ତ୍ରୀ ଭାବେ ସପଥ ଗ୍ରହଣ କରିଥିଲେ ।
ବିଜ୍ଞପ୍ତି ପ୍ରକାଶ ଜାନୁଆୀ ୧୪ ମଙ୍ଗଳବାର
ନାମାଙ୍କନ ପତ୍ର ଦାଖଲ ଶେଷ ତାରିଖ ୨୧ ଜାନୁଆରୀ ମଙ୍ଗଳବାର
ନାମାଙ୍କନ ପତ୍ର ଯାଞ୍ଚ ୨୨ ଜାନୁଆରୀ
ମାତଦାନ ବା ଭୋଟିଂ - ୮ ଫେବ୍ରୁଆରୀ
ମତ ଗଣନା ୧୧ ଫେବ୍ରୁଆରୀ ମଙ୍ଗଳବାର
wp:core-embed/twitter {"url":"https://twitter.com/ANI/status/1214129757891117056?s=20","type":"rich","providerNameSlug":"twitter","className":""}ମୁଖ୍ୟ ନିର୍ବାଚନ ଆୟୁକ୍ତ ସୁନୀଲ ଆରୋରା ଏକ ସାମ୍ବାଦିକ ସମ୍ମିଳନୀ କରି ଏହି ସୂଚନା ଦେଇଛନ୍ତି । ଫେବ୍ରୁଆରୀ ୨୨ ତାରିଖରେ ଦିଲ୍ଲୀ ବିଧାନସଭାର କାର୍ଯ୍ୟକାଳ ଶେଷ ହେଉଛି ।
ପ୍ରାୟ ଦେଢ କୋଟି ମତଦାତାଙ୍କ ସୂଚୀ ଜାରି କରାଯାଇଛି । ଗତ ଲୋକସଭା ନିର୍ବାଚନ ପରେ ଦେଶର ରାଜଧାନୀରେ ଅଢେଇ ଲକ୍ଷ ଯୁବ ଭୋଟର ବଢିଥିବା ଅନୁମାନ କରାଯାଉଛି ।
୭୦ ଆସନ ବିଶିଷ୍ଟ ଦିଲ୍ଲୀ ବିଧାନସଭାରେ ଏବେ ଆମ୍ ଆଦମୀ ପାର୍ଟିର ୬୭ବିଧାୟକ ଥିବା ବେଳେ ବିଜେପିର ୩ ବିଧାୟକ ଅଛନ୍ତି । ଏବେ ଦିଲ୍ଲୀ ବିଧାନସଭାରେ କଂଗ୍ରେସ ବିଧାୟକ ଶୂନ୍ୟ ରହିଛି । ତେଣୁ ଆସନ୍ତା ନିର୍ବାଚନରେ ତିନି ପ୍ରମୂଖ ଦଳର ଦିଲ୍ଲୀ ବିଧାନସଭା ଉପରେ ନଜର ରହିବ ।
