ori homes
raja reels contest
raja reels contest
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ହାରୁଛି କରୋନା, ୨୪ ଘଣ୍ଟାରେ ବାହାରିଲେ ୯ କୋଭିଡ୍ ପଜିଟିଭ୍
  • ||

ବୋତଲରେ ବିକ୍ରି ହେଉଥିବା ପାଣି ନଳକୂଅ ପାଣିଠାରୁ ଅଧିକ ସ୍ବଚ୍ଛ ନୁହେଁ, କେବଳ ଅତ୍ୟଧିକ ସ୍ବାସ୍ଥ୍ୟ ସଚେତନତା ଓ ମୃତ୍ୟୁଭୟର ଫାଇଦା ନେଇ ବୋତଲ ପାଣି ବ୍ୟବସାୟ ଚାଲିଛି : ଅଧ୍ୟୟନ

26/10/2018 at 6:12 PM

ଟରୋଣ୍ଟୋ ୨୬|୧୦: ବଜାରରେ ବିକ୍ରି ହେଉଥିବା ବୋତଲ ପାଣି ସ୍ବଚ୍ଛତା ଦୃଷ୍ଟିରୁ ଅଧିକ ଲାଭ ପ୍ରଦ ନୁହେଁ । କେବଳ ଲୋକଙ୍କ ସ୍ବାସ୍ଥ୍ୟ ସଚେତନତା ଏବଂ ମୃତ୍ୟୁ ପ୍ରତି ଅତ୍ୟଧିକ ଭୟ ଯୋଗୁଁ ଏହି ବୋତଲ ପାଣି ବ୍ୟବସାୟ ଚାଲିଛି  । କାନାଡାର ୟୁନିଭରସିଟି ଅଫ୍ ଓ୍ବାଟରଲୁରେ ହୋଇଥିବା ଏକ ଅଧ୍ୟୟନରୁ ଏହା ଜଣାପଡିଛି । ଅଧ୍ୟୟନ କରିଥିବା ବୈଜ୍ଞାନିକମାନେ କହିଛନ୍ତି ଯେ, ଲୋକମାନେ ଜାଣିଛନ୍ତି ଯେ ବିକ୍ରି କରାଯାଉଥିବା ପାଣି ବୋତଲରୁ ସେମାନଙ୍କୁ କିଛି ଲାଭ ମିଳୁନାହିଁ । ମାତ୍ର ମୃତ୍ୟୁର ଭୟ ଲୋକଙ୍କୁ ବକ୍ରି ହେଉଥିବା ପାଣି ବୋତଲ କିଣିବାକୁ ବାଧ୍ୟ କରିଥାଏ ।ବିକ୍ରି ହେଉଥିବା ପାଣି ବୋତଲର ପ୍ରଚାର ମନୁଷ୍ୟର ମନୋବୈଜ୍ଞାନିକ ସମ୍ବେଦନଶୀଳତାକୁ ଟାର୍ଗେଟ କରିଥାଏ । ଯାହା ବୋତଲ ପାଣି କିଣିବା ଏବଂ ବ୍ୟବହାର କରିବା ପାଇଁ ବାଧ୍ୟ କରିଥାଏ ।

କାନାଡାର ୟୁନିଭରସିଟି ଅଫ୍ ଓ୍ବାଟରଲୁରେ ଅଧ୍ୟୟନ କରୁଥିବା ଷ୍ଟିଫନ କୋଟ୍ କହିଛନ୍ତି ଯେ, ବିକ୍ରି ହେଉଥିବା ପାଣି ବୋତଲର ପ୍ରଚାରକ ଆମର ସବୁଠୁ ବଡ ଭୟ ସହ ଖେଳିଥାନ୍ତି। ମୃତ୍ୟୁର ଭୟ ଆମକୁ ଆମକୁ ବିପଦରେ ପଡିବାରୁ ରକ୍ଷା କରିଥାଏ । କିଛି ଲୋକଙ୍କୁ ବିକ୍ରି କରାଯାଉଥିବା ପାଣି ସୁରକ୍ଷିତ ଏବଂ ଶୁଦ୍ଧ ଲାଗିଥାଏ । କାହିଁକି ନା ସେମାନଙ୍କୁ ମୃତ୍ୟୁର ଭୟ ଅଧିକ ଥାଏ ।

ଅଧ୍ୟୟନରେ ଏହା କୁହାଯାଇଛି ଯେ, ଯେତେବେଳେ ଆମକୁ ନଳକୂପ ଜରିଆରେ ଶୁଦ୍ଧ ପାଣି ମିଳୁଛି ତେବେ ଆମେ ବିକ୍ରି ହେଉଥିବା ପାଣି ପ୍ରତି କାହିଁକି ଆକର୍ଷିତ ହୋଇଥାଉ । କାହିଁକି ନା ବିଜ୍ଞାପନ ମାଧ୍ୟମରେ ଆମ ମନରେ ଏଭଳି ଭ୍ରାନ୍ତ ଧାରଣା ଭର୍ତ୍ତି କରିଦିଆଯାଇଥାଏ ଯେ ବିକ୍ରି କରାଯାଉଥିବା ପାଣି ହିଁ ସୁଦ୍ଧ । ଏଭଳି ବିଜ୍ଞାପନ ସବୁ ସାଧାରଣତଃ ଏଭଳି ଉପଭୋକ୍ତାମାନଙ୍କୁ ଟାର୍ଗେଟ କରାଯାଇଥାଏ ଯେଉଁମାନେ ସ୍ବାସ୍ଥ୍ୟ, ପ୍ରସିଦ୍ଧି, ଆଧିପତ୍ୟ, ପରିବେଶ ଆଦିକୁ ଗୁରୁତ୍ବ ଦେଇଥାନ୍ତି ।

ଲୋକଙ୍କୁ ନଳକୂପ ପାଣି ଆଡକୁ ଆକର୍ଷିତ କରିବା ଲାଗି ନୂଆ ବିଜ୍ଞାପନ ଓ ଉପାୟ ଉପରେ ଧ୍ୟାନ ଦେବାପାଇଁ ଏହି ଅଧ୍ୟୟନରେ ପରାମର୍ଶ ଦିଆଯାଇଛି ।ଫଳରେ  ପାଣି କମ୍ପାନୀମମାନଙ୍କ ବ୍ୟବସାୟ କ୍ଷତିଗ୍ରସ୍ତ ହେବ ।

   Related Posts