କେନ୍ଦୁଝର, ୦୨|୦୩ :  ଝିଅର ବେକରେ ଲୁହା ଶିକୁଳି ବାନ୍ଧିଲା ବାପା । ନବମ ଶ୍ରେଣୀରେ ପଢୁଥିବା ଝିଅର ବେକକୁ ଲୁହା ଶିକୁଳିରେ ବାନ୍ଧି ତାଲା ପକାଇ ଘରେ ରଖିଲା ଜନ୍ମଦାତା । କେନ୍ଦୁଝର ସଦର ଥାନା ବରଦାପାଳ ଗାଁରେ ଏଭଳି ଏକ ଅଭାବନୀୟ ଘଟଣା ସାମ୍ନାକୁ ଆସିଛି  ।

ସୂଚନାନୁସାରେ, ଗାଁର ଜାମଦା ମାଝିଙ୍କ ଝିଅ କୁସୁମିତ ମାନସିକ ଭାରସାମ୍ୟ ହରାଇ ବାରମ୍ଵାର ଘର ଛାଡି କୁଆଡେ ଚାଲିଯାଉଥିଲେ । ଝିଅଟି ଘରୁ ବାରମ୍ଵାର ଚାଲିଯାଉଥିବାରୁ ବାପା ଚିନ୍ତାରେ ପଡିଯାଇଥିଲେ । ଶେଷରେ ବାଧ୍ୟ ହୋଇ ବାପା ଜାମଦା ଝିଅର ବେକକ ଶିକୁଳିରେ ବାନ୍ଧି ପକାଇଥିଲେ।

ଖବର ପାଇ ତୁରୁମୁଙ୍ଗାରୁ CWC ଓ ପୋଲିସ ଝିଅକୁ ଉଦ୍ଧାର କରି ଘର ଲୋକଙ୍କୁ ହସ୍ତାନ୍ତର କରାଯାଇଥିଲା । ସୋମବାର ମଧ୍ୟ କୁସୁମିତ ଘରୁ ଚାଲିଯାଇଥିବା ବେଳେ ଗାଁ ଲୋକେ ତାଙ୍କୁ ଉଦ୍ଧାର କରି ଜାମଦା ମାଝିଙ୍କ ଜିମା ଦେଇଥିଲେ । ଶେଷରେ ଜାମଦା ବାଧ୍ୟ ହୋଇ କୁସୁମିତକୁ ଶିକୁଳିରେ ବାନ୍ଧି ତାଲା ପକାଇ ରଖିଛନ୍ତି ।