Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ପାରିବାରିକ କଳହରୁ ବାପାକୁ କାଠ ଫାଳିଆରେ ପିଟି ପିଟି ମାରିଦେଲା ପୁଅ

27/02/2020 at 7:58 AM

ଭୁବନେଶ୍ବର ୨।୨: ବାପାକୁ କାଠ ଫାଳିଆରେ ପିଟି ମାରିଲା ପୁଅ । ପାରିବାରିକ କଳହକୁ ନେଇ ଭୁବନେଶ୍ବର ଚନ୍ଦ୍ରଶେଖରପୁର ଥାନା ଶୈଳଶ୍ରୀ ବିହାର ସାହୁ ବସ୍ତିରେ ଏକ ହତ୍ୟାକାଣ୍ଡ ଘଟିଛି । ଗତକାଲି ରାତିରେ ଏହି ହତ୍ୟାକାଣ୍ଡ ଘଟିଛି । 

ସୂଚନାଯୋଗ୍ୟ ଯେ, ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଅଞ୍ଚଳର ବିଜୟ ସ୍ବାଇଁ ପରିବାର ସହ ଶୈଳଶ୍ରୀ ବିହାର ସାହୁବସ୍ତିରେ ରହୁଥିଲେ । ବାପା ବିଜୟ ଦିନମଜୁରିଆ ଭାବେ କାମ କରୁଥିବା ବେଳେ ପୁଅ କୁନା ରୋଷେୟା ଭାବେ କାମ କରୁଥିଲା । ପ୍ରତିଦିନ କୁନା ଘରକୁ ନିଶାସକ୍ତ ଅବସ୍ଥାରେ ଫେରି ଅଶାନ୍ତି ସୃଷ୍ଟି କରୁଥିଲା । ଗତକାଲି ରାତିରେ ସେ ନିଶାସକ୍ତ ଅବସ୍ଥାରେ ଘରକୁ ଫେରି ପାଟିତୁଣ୍ଡ କରିଥିଲା । ଏପରିକି ଶୋଇବା ଘରେ ବାନ୍ତି କରିଥିଲା । ବାପା ବିଜୟ ଓ ମା’ ମାନୁ ସ୍ବାଇଁ ତାଙ୍କୁ ବାରଣ କରିବା ସହ ବାହାରକୁ ଯିବାକୁ କହିଥିଲେ ।

ଏଥିରେ ସେ ଉତକ୍ଷିପ୍ତ ହୋଇ ବାପା-ମା’ଙ୍କୁ ଗାଳିଗୁଲଜ କରିଥିଲା କୁନା । ପରେ ବାପା-ପୁଅ ମଧ୍ୟରେ ପାଟିତୁଣ୍ଡ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ପୁଅ ଏକ କାଠ ଫାଳିଆରେ ବାପାଙ୍କୁ ଆକ୍ରମଣ କରିଥିଲା । ଫଳରେ ବିଜୟଙ୍କ କାନମୁଣ୍ଡାରେ ଶକ୍ତ ଆଘାତ ଲାଗିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା ।

ଖବରପାଇ ପୋଲିସ ପହଞ୍ଚି ଶବ ଜବତ କରିବା ସହ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ପୁଅ କୁନା ଫେରାର ହେବା ପୂର୍ବରୁ ପୋଲିସ ତାକୁ ଗିରଫ କରିଛି । ସେହିପରି ଘଟଣାରେ ପୋଲିସ କୁନାର ମା’ ଓ ଉଉଣୀକୁ ଜେରା କରୁଛି ।

ଅପରପକ୍ଷରେ ଅଭିଯୁକ୍ତ କୁନାର ଭଉଣୀ ଘଟଣା ପଛରେ ମା’ ମାନୁର ହାତ ଥିବା ଅଭିଯୋଗ କରିଛି । ମାନୁ ହେଉଛି ସେମାନଙ୍କର ସାବତ ମା’ । ବାପା ସାବତ ମା’ର କଥାରେ ଭାଇ-ଭଉଣୀକୁ ନିର୍ଯାତନା ଦେଉଥିଲେ । ଏପରିକି ବିଜୟଙ୍କୁ ମଧ୍ୟ ମାନୁ ମାରଧର କରୁଥିବା ସେ ଅଭିଯୋଗ କରିଛନ୍ତି । ଗତକାଲି କୁନା ଘରକୁ ମଦ ପିଇ ଫେରିଥିବାର ସୁଯୋଗ ନେଇ ମା’ ବାପାକୁ ହତ୍ୟା କରି ତାଙ୍କ ଭାଇକୁ ଫସାଇ ଦେଇଥିବା ସେ କହିଛନ୍ତି । ଏନେଇ ମାନୁଙ୍କ ପ୍ରତିକ୍ରିୟା ମିଳିପାରି ନାହିଁ । 

   Related Posts