ସୁବର୍ଣ୍ଣପୁର ୧/୬: ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଥାନା ଅନ୍ତର୍ଗତ ଧୁଲଧୁଲା ଗାଁରେ ହତ୍ୟାକାଣ୍ଡ । ଗାଁର ରାଜକୁମାର ଲୁହାଙ୍କୁ କେହି ହତ୍ୟା କରିଥିବା ଅଭିଯୋଗ ହୋଇଛି । ଏଥି ସହିତ ତାଙ୍କ ବୋହୂ ଭୁମିସୁତା ଲୁହାଙ୍କ ଅବସ୍ଥା ଗୁରୁତର ହୋଇଛି । ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଉଲୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ଏହା ପରେ ଅବସ୍ଥା ସଂକଟାପନ୍ନ ହେବାରୁ ସୋନପୁର ସ୍ଥାନାନ୍ତର କରାଯାଇଛି ।
{"id":279420,"sizeSlug":"large"}ତେବେ କିଏ ଓ କାହିଁକି ହତ୍ୟା କରିଛି ତାହା ସ୍ପଷ୍ଟ ହୋଇ ନାହିଁ । ସକାଳୁ ଗାଁ ମୁଣ୍ଡରେ ନିଜ ପ୍ରଧାନମନ୍ତ୍ରୀ ଆବାସ ଘରେ ରାଜକୁମାର ଲୁହାଙ୍କ ମୃତଦେହ ପଡିଥିବାବେଳେ ତାଙ୍କ ବୋହୁ ଗୁରୁତର ଅବସ୍ଥାରେ ପଡିଥିବା ରାଜକୁମାରଙ୍କ ସ୍ତ୍ରୀ ଦେଖିଥିଲେ । ଭୁମିସୂତାଙ୍କ ସ୍ୱାମୀ ବାହାର ରାଜ୍ୟରେ ରହୁଛନ୍ତି । ତେବେ ଘଟଣା ସ୍ଥଳରେ ଉଲୁଣ୍ଡା ପୋଲିସ ପହଂଚି ଅଧିକ ଅନୁସନ୍ଧାନ କରୁଛି ।