Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିଧବା ବୋହୂକୁ ଜାଳି ଦେଲା ଶ୍ୱଶୁର

15/09/2018 at 11:57 AM

ଝାରସୁଗୁଡା୧୫/୯: ଝାରସୁଗୁଡା ଜିଲ୍ଲା ଲଇକେରା ଥାନା ଅନ୍ତର୍ଗତ ଭାଲୁପତ୍ରା ଗାଁରେ ଘଟିଛି ଏକ ଅଭାବନୀୟ ଘଟଣା । ବିଧବା ବୋହୁକୁ କିରୋସିନ ଢାଳି ଜାଳି ଦେଇଛି ଶ୍ୱଶୁର । ବୋହୁକୁ ବୁର୍ଲା ସ୍ଥାନାନ୍ତରିତ ବେଳେ ବୋହୂର ମୃତ୍ୟୁ ହୋଇଯାଇଛି । ଭାଲୁପତ୍ରାରେ ରହୁଥିବା ବନମାଳି ରୋହୀଦାସର ପୁଅ ଶୁଖାରମ ରୋହୀଦାସ ସମ୍ବଲପୁର ସ୍ଥିତ ଶାସନ ଗାଁର ରୁକ୍ମଣୀ ରୋହିଦାସକୁ ବିବାହ କରିଥିଲେ । ଗତ ୪ମାସ ପୂର୍ବେ ଶୁଖାରମ ରୋହିଦାସର ମୃତ୍ୟୁ ହୋଇଥିଲା। ସ୍ବାମୀର ମୃତ୍ୟୁ ପରେ ରୁକ୍ମଣୀ ନିଜ ଶ୍ୱଶୁର ଘରେ ରହୁ ଥଲେ । ତେବେ ଶ୍ୱଶୁର ବନମାଳି ଓ ବୋହୁ ରୁକ୍ମଣୀଙ୍କ ମଧ୍ୟରେ ଜମି ଜୁମାକୁ ନେଇ ବିବାଦ ଦେଖାଦେଇଥିଲା ଏବଂ ଶଶୁର ବୋହୁକୁ ନିର୍ଯ୍ୟାତନା ମଧ୍ୟ ଦେଉଥିଲା । ଗତକାଲି ଉଭୟଙ୍କ ମଧ୍ୟରେ ବଚସା ହୋଇଥିଲା । ଶ୍ୱଶୁର ବନମାଳି ଉତ୍ତ୍ୟକ୍ତ ହୋଇ ଵୋହୁକୁ କିରାସିନି ଢାଳି ପୋଡି ଦେଇଥିଲା । ଗୁରୁତର ଅବସ୍ଥାରେ ବୋହୁକୁ ବୁର୍ଲା ସ୍ଥାନାନ୍ତର ବେଳେ ବାଟରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା । ଝାରସୁଗୁଡ଼ା ପୋଲିସକୁ ରୁକ୍ମଣୀ ମୃତ୍ୟୁକାଳୀନ ଜମାନ ବନ୍ଦୀ ଦେଇଛନ୍ତି । ଏ ନେଇ ମୃତକ ରୁକ୍ମଣୀର ପରିବାର ପକ୍ଷରୁ ଲଇକେରା ଥାନାରେ ଅଭିଯୋଗ ମଧ୍ୟ ହୋଇଛି। ଏହି ଅଭିଯୋଗ ଆଧାରରେ ଲଇକେରା ପୋଲିସ ଏକ ମାମଲା ରୁଜୁ କରି ତଦନ୍ତ ଚଳାଇଛି । ଆଜି ମୃତକର ଶବ ବ୍ୟବଚ୍ଛେଦ କରାଯାଇଛି ।

   Related Posts