Friday, August 23, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ନିଜ ପୂତ୍ରବଧୂକୁ ବାରମ୍ବାର ଦୁଷ୍କର୍ମ ଉଦ୍ୟମ ଅଭିଯୋଗରେ ୭୨ ବର୍ଷ ବୟସ୍କ ଶ୍ବଶୁର ଗିରଫ, ଦୁଷ୍କର୍ମ ଉଦ୍ୟମର ଷ୍ଟିଙ୍ଗ୍ ଅପରେସନ କରି ଥାନାରେ କ୍ଲିପିଂ ଦାଖଲ କରିଥିଲେ ବୋହୂ

ପିପିଲି ୧୩|୮:  ନିଜ ପୂତ୍ରବଧୂକୁ ବାରମ୍ବାର ଦୁଷ୍କର୍ମ ଉଦ୍ୟମ କରିବା ଅଭିଯୋଗରେ ୭୨ବର୍ଷ ବୟସ୍କ ଶ୍ବଶୁରରକୁ ପିପିଲି ପୋଲିସ ଗିରଫ କରି କୋର୍ଟ ଚାଲାଣ କରିଛି । ରବିବାର ବିଳମ୍ବିତ ସନ୍ଧ୍ୟାରେ ଶ୍ବଶୁରଙ୍କ କଳାକାରନାମାର ଷ୍ଟିଙ୍ଗ୍ ଭିଡିଓ ସହ ବୋହୂ ପିପିଲି ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପିପିଲି ପୋଲିସ ଶ୍ବଶୁରକୁ ଅଟକ ରଖିଥିଲା । ସମଗ୍ର ଘଟଣାଟି ଏହିପରି…

ପୁରୀ ଜିଲ୍ଲା ପିପିଲି ବ୍ଲକରେ ଏଭଳି ଘଟଣା ଘଟିଛି । ୧୧ ବର୍ଷର ପୁଅ ଏବଂ ୭୨ ବର୍ଷ ଶ୍ବଶୁରଙ୍କ ସହ ଏହି ମହିଳା ଜଣଙ୍କ ରୁହନ୍ତି । ବିବାହର କିଛି ବର୍ଷ ପରେ ଚାଲିଥିଲା ଯୌତୁକ ନିର୍ଯାତନା । ୮ ବର୍ଷ ତଳେ ଘର ଛାଡ଼ି ଚାଲିଯାଇ ଭୁବନେଶ୍ବରରେ ସ୍ବାମୀ ରହିଲେ । ଶାଶୁ ଯାଇ ରହିଲେ ସାନପୁଅ ପାଖରେ। ଏକାକୀର ସୁଯୋଗ ନେଇ ବୋହୂ ଉପରେ ଲୋଲୁପ ଦୃଷ୍ଟି ପକାଇଛି ଶ୍ବଶୁର । ଏ ଘଟଣା ଘର ଲୋକଙ୍କୁ ଜଣାଇଲେ ମଧ୍ୟ କେହି ତାଙ୍କ କଥା ବିଶ୍ବାସ କଲେନି । ଏପରିକି ସ୍ବାମୀ ବି ବିଶ୍ବାସକୁ ନେଲେନି। ବରଂ ଓଲଟା ଧମକଚମକ ଦେଲେ। ଶେଷରେ ବାଧ୍ୟ ହୋଇ ପିପିଲି ଥାନାରେ ଶ୍ବଶୁରଙ୍କ ବିରୋଧରେ ଏତଲା ଦେଲେ ନିର୍ଯାତିତା ବୋହୁ ।

ନିଇତି ରାତିରେ ବୋହୂର ବେଡରୁମ୍‌ରେ ପଶି ପାଶବିକ ଅତ୍ୟାଚାର କରିବାକୁ ଉଦ୍ୟମ କରୁଛି ଏହି କାମାନ୍ଧ ଶ୍ବଶୁର। ଏମିତି ଏକ ଜଣେ ପାପି ଶ୍ବଶୁରର କଳଙ୍କିତ କାର୍ଯ୍ୟକଳାପର ମୁଖା ଖୋଲିଦେଇଛନ୍ତି ଅତିଷ୍ଠ ହୋଇପଡ଼ିଥିବା ବୋହୁ । ଶ୍ବଶୁରର ଖରାପ ଚରିତ୍ରକୁ ଭିଡିଓ ସୁଟିଂ କରି ପଦାରେ ପକାଇଦେଇଛନ୍ତି । ଅଭିଯୁକ୍ତ ଶ୍ବଶୁରର ଅତି କଦର୍ଯ୍ୟ କାରନାମା ସମ୍ପର୍କରେ କହିହେବନି କି ସେ ଚିତ୍ର ବି ଦେଖାଇହେବନି । କିନ୍ତୁ ସେ ଚିତ୍ର ବୟାନ କରୁଛି କେତେ ଘୃଣ୍ୟ ହୋଇପାରେ ମଣିଷ। ନିଜ ମାନ ସମ୍ମାନକୁ ଭୁଲିଯାଇ ପାରେ । ଘରକୁ ଝିଅ ବୋଲି କରି ଆଣିଥିବା ବୋହୂକୁ ବି ଦୁଷ୍କର୍ମ ଉଦ୍ୟମ କରିପାରେ।  ଏ ନେଇ ମାମଲା ଥାନାରେ ପହଞ୍ଚିଥିଲା । ଏ ହେଉଛି ସେହି ଏଫଆଇଆର କପି ଯେଉଁଥିରେ ସେ ଶ୍ବଶୁର ବିରୋଧରେ ଲେଖିବାକୁ ବାଧ୍ୟ ହୋଇଥିଲେ । ଅଭିଯୋଗ ଆଧାରରେ ଶ୍ବଶୁରଙ୍କୁ ଗିରଫ କରିଛି ପୋଲିସ ।

607 Views

   ସମ୍ବନ୍ଧିତ ଖବର