ମୁମ୍ବାଇ ୩୦/୬: ସୈତାନ ବାପ ! ନିଜ ପିଲାଙ୍କୁ ସ୍ନେହବୋଳା ଆଇସ୍କ୍ରିମ୍ ବଦଳରେ ଖାଇବାକୁ ଦେଲା ମୂଷା ବିଷ ମିଶା ଆଇସକ୍ରିମ୍। ଘରୋଇ କଳିକୁ ନେଇ ପିଲାମାନଙ୍କୁ ବିଷ ଖାଇବାକୁ ଦେଲା ବାପ । ବିଷାକ୍ତ ଆଇସକ୍ରିମ୍ ଖାଇ ୩ ପିଲାଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଯାଇଛି। ବାକି ଦୁଇ ଶିଶୁ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି।
ଅଭିଯୁକ୍ତ ବାପକୁ ପୋଲିସ ଗିରଫ କରି ତଦନ୍ତ ଚଳାଇଛି। ବାପା ଆଇସକ୍ରିମ୍ ଆଣିଥିବା ଖୁସୀରେ ପିଲାମାନେ ବିଷ ଖାଇଥିଲେ। ଏଥିରେ ୫ ବର୍ଷର ଅଲିଶାନ ଅଲି ମହମ୍ମଦର ମୃତ୍ୟୁ ହୋଇଥିବା ବେଳେ ଅନ୍ୟ ଦୁଇ ପିଲା ୭ ବର୍ଷର ଅଲୀନା ଏବଂ ୨ ବର୍ଷୀୟ ଅରମାନ ଗୁରୁତର ଅବସ୍ଥାରେ ହସ୍ପିଟାଲରେ ଚିକିତ୍ସାଧୀନ ଅଛନ୍ତି।
ଗତ ଶୁକ୍ରବାର ଘରୋଇ କଳିକୁ କେନ୍ଦ୍ର କରି ଅଭିଯୁକ୍ତ ଆଇସକ୍ରିମରେ ମୂଷା ମରା ମିଷ ମିଶାଇଥିବା ପୋଲିସ କହିଛି । ତେବେ ଏହା ପଛର ପ୍ରକୃତ କାରଣ କଣ ସେନେଇ ପୋଲିସ ତଦନ୍ତ କରୁଛି ।
ଘଟଣା ସମ୍ପର୍କରେ ଅଭିଯୁକ୍ତର ସ୍ତ୍ରୀ ଥାନାରେ ଅଭିଯୋଗ କରିଥିଲେ। ଏଭଳି ଅମାନବୀୟ ଘଟଣା ମୁମ୍ବାଇର ମାନଖୁର୍ଦରେ ଘଟିଛି। ସେପଟେ ଏନେଇ ଅଭିଯୋଗ ପାଇବା ପରେ ପୋଲିସ ମାମାଲା ରୁଜୁ କରିବା ସହ ଅଭିଯୁକ୍ତ ମହମ୍ମଦ ଅଲ୍ଲୀ ନୈଶାଦକୁ ଗିରଫ କରିଛି। ଏହା ସହ ଅଧିକ ତଦନ୍ତ କରୁଛି ପୋଲିସ ।