ଯାଜପୁର ୨୨|୬: ଅଳ୍ପ କିଛିଦିନ ତଳେ ଜିଲ୍ଲା ପ୍ରଶାସନ କୋମଳମତି ନାବାଳିକାଙ୍କ ପାଇଁ ଆରମ୍ଭ କରିଥିଲା ପରି ରଥ । ସେମାନେ କିପରି କୌଣସି ପ୍ରକାର ନିର୍ଯ୍ୟାତନାର ଶିକାର ନହେବେ , ସେମାନଙ୍କର ଭବିଷ୍ୟତ ଆଲୋକମୟ ହେବ ସେଥିପାଇଁ ରାଜ୍ୟ ସରକାରଙ୍କର ପରୀ ଯୋଜନା କାର୍ଯ୍ୟକ୍ରମ ଜିଲ୍ଲାର ପ୍ରତେକ ସ୍ଥାନରେ ଆୟୋଜନ କରାଯାଇଥିଲା । ପରିରଥ ବୁଲାଇବା ସହ ବିଭିନ୍ନ ଲୋକକଳା ମାଧ୍ୟମରେ ପ୍ରଚାର ଓ ପ୍ରସାର କରିଥିଲେ ।
{"id":125664}ହେଲେ ଏହି ଯୋଜନା କେତେଦୂର ସଫଳ ହୋଇଛି ତାହାର ସ୍ପଷ୍ଟ ଉଦାହରଣ ଦେଖିବାକୁ ମିଳିଛି ଯାଜପୁର ଜିଲ୍ଲା ବିଂଝାରପୁର ବ୍ଲକର ରୁଦ୍ରପୁର ଗାଁରେ । ଏଠାରେ ଖୋଦ ବାପା ବନିଛି ସଇତାନ । ଭୁଲିଯାଇଛି ବାପ ଝିଅର ପବିତ୍ର ସମ୍ପର୍କକୁ । ସଇତାନ ବାପ ନିଜର ଚଉଦ ବର୍ଷ ନାବାଳିକା ଝିଅର ଇଜ୍ଜତ ସହ ବାରମ୍ବାର ଖେଳ ଖେଳିବାର ସଙ୍ଗିନ ଅଭିଯୋଗ ଆଣିଛନ୍ତି ନାବାଳିକା ପୀଡ଼ିତା ।
{"id":125667}ବିଞ୍ଝାରପୁର ଥାନା ଅନ୍ତର୍ଗତ ରୁଦ୍ରପୁର ଗ୍ରାମରେ ଘଟିଛି ଏହି ଅଭାବନୀୟ ଘଟଣା । ଯାହା ସାରା ଜିଲାରେ ଚାଞ୍ଚଲ୍ୟ ସୃଷ୍ଟି କରିଛି । ୧୪ ବର୍ଷର ନାବାଳିକା ଝିଅକୁ ବାରମ୍ବାର ଦୁଷ୍କର୍ମ କରିବା ସହ ଶାରୀରିକ ନିର୍ଯ୍ୟାତନା ଦେବା ଭଳି ସଙ୍ଗିନୀ ଅଭିଯୋଗ ଆଣିଛନ୍ତି ପୀଡ଼ିତା । ଏହା ପୁଣି ଆଜି କିମ୍ବା କାଳିର ଘଟଣା ନୁହଁ , ଦୀର୍ଘ ୬ ମାସ ଧରି ଅଭିଯୁକ୍ତ ବାପା ପୀଡ଼ିତା କୁ ଦେଇଚାଲିଛି ଏପରି ନିର୍ଯ୍ୟାତନା । ଏଥିପାଇଁ ଗ୍ରାମରେ ମଧ୍ୟ ଥରେ ନ୍ୟାୟ ନିଶାପ ବସିସାରିଛି । ହେଲେ ଫଳ ଶୂନ , ରାକ୍ଷସ ବାପ ପାଖରୁ ବର୍ତୀ ପାରିନାହାନ୍ତି ନିରୀହ ପୀଡ଼ିତା । ଏଭଳି ବର୍ବର କାଣ୍ଡକୁ ବିରୋଧ କରିବାରୁ ପୀଡ଼ିତାଙ୍କ ମାଙ୍କୁ ମାରି ଲହୁ ଲୁହାଣ କରିଛି ଅଭିଯୁକ୍ତ ବାପ । ଶେଷରେ ନିର୍ଯ୍ୟାତନା ସହ୍ୟ ନକରିପାରି ଗତ ୧୭ ରିଖରେ ବିଞ୍ଝାର ପୁର ଥାନାରେ ସଇତାନ ବାପା ବିରୋଧ ଅଭିଯୋଗ ଆଣିଛନ୍ତି ପୀଡ଼ିତା ।
{"id":125665}ଏପଟରେ ଏଭଳି ଅଭିଯୋଗ ହେବା ପରେ ବିଂଝାରପୁର ଥାନା ଅଧିକାରୀଙ୍କର ଭୂମିକା ଆସିଛି ସନ୍ଧେହ ଘେରକୁ । ଅଭିଯୋଗ ପରେବି ଥାନା ଅଧିକାରୀ ଅଭିଯୁକ୍ତ ଶିବ ଚରଣ ବେହେରାକୁ ଥାନାକୁ ଆଣିଥିଲେ ମଧ୍ୟ କୌଣସି ତଦନ୍ତ ଆଗକୁ ବଢିନଥିଲା । ଏପଟରେ ପୀଡ଼ିତା ବାରମ୍ବାର ଥାନାକୁ ଦୌଡି ନିରାଶ ହେଇଥିଲେ । ଯାଜପୁର ଏସଡ଼ିପିଓ ଉପେନ୍ଦ୍ର ଜେନା ଏହି ଖବର ପାଇବା ପରେ ଯାଇ ତଦନ୍ତ ଆଗକୁ ବଢିଥିଲା । ଅଭିଯୁକ୍ତକୁ ଗିରଫ କରି ମେଡିକାଲ ଟେଷ୍ଟ କରାଯାଇଥିଲା । ଅଭିଯୁକ୍ତକୁ କୋର୍ଟ ଚାଲାଣ କରି ଅଧିକ ତଦନ୍ତ ଚଳାଇଛନ୍ତି ଯାଜପୁର ଏସଡ଼ିପିଓ ।
{"id":125666}ଏଭଳି ସାଂଘାତିକ ଘଟଣା ର ଥାନାରେ ଅଭିଯୋଗ ପରେ ବି ଥାନା ଅଧିକାରୀ ଶିବଚରଣ ବେହେରାଙ୍କର ନୀରବତା ସାଧାରଣରେ ବଡ ପ୍ରଶ୍ନବାଚୀ ସୃଷ୍ଟି କରିଛି । ଏହି ଘଟଣାକୁ ନେଇ ଗଣମାଧ୍ୟମ ବଂଝାରପୁର ଥାନା ଅଧିକାରୀଙ୍କ ଠାରୁ ପ୍ରତିକ୍ରିୟା ନବାକୁ ଚାହିଁଥିଲେ ମଧ୍ୟ ଥାନା ଅଧିକାରୀ ପ୍ରତିକ୍ରିୟା ଦବାକୁ ସିଧାସଳଖ ମନାକରିଥିଲେ । କଣ ଥିଲା କାରଣ , କେଉଁ କାରଣ ପାଇଁ ଗଣମାଧ୍ୟମକୁ ପ୍ରତିକ୍ରିୟା ଦେବାକୁ ମନାକରିଥିଲେ ? ତାହା ନିଶ୍ଚିତ ଭାବରେ ତଦନ୍ତସାପେକ୍ଷ ।
କୋମଳମତି ଝିଅଟିଏ ଯଦି ନିଜ ପରିବାର ମଧ୍ୟରେ, ଏପରିକି ନିଜର ବାପା ପାଖରେ ସୁରକ୍ଷିତ ନୁହେଁ ତେବେ , ତେବେ ତାକୁ କିଏ ଦବ ସୁରକ୍ଷା ।