Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜୀବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||

ବଳି ନା’ ଦୁର୍ଘଟଣା : ବାପାର ଚାପୁଡା ମାଡରେ ଝିଅର ମୃତ୍ୟୁ, ଗାଁ ଲୋକଙ୍କ ଅଭିଯୋଗ ଗୁପ୍ତଧନ ପାଇଁ ବଳି

28/11/2020 at 4:31 PM

ଜୟପୁର ୨୮।୧୧: ମହଙ୍ଗା ପଡିଲା ନିଖୋଜ ଅଭିଯୋଗର ମିଛ ନାଟକ । ଅଭିଯୋଗକାରୀ ହିଁ ବାହାରିଲା ହତ୍ୟାକାରୀ । ଆଉ ନିଜ ଝିଅକୁ ହତ୍ୟା କରି ନିଖୋଜ ଅଭିଯୋଗ ଆଣିଥିବା ସୈତାନ ବାପା ବାଙ୍ଗୁରୁ ପାଙ୍ଗୀ ଓ ତାର ସହଯୋଗୀ ଶ୍ୟାମ ସୁନ୍ଦର ବିଶ୍ବାଳକୁ ଶେଷରେ ବାନ୍ଧିଲା ପୋଲିସ । ଏମିତି ଘଟଣା ଦେଖିବାକୁ ମିଳିଛି କୋରାପୁଟ ଜିଲ୍ଲା ପଟ୍ଟାଙ୍ଗି ବ୍ଲକର ଟାଉପଦର ଗାଁରେ ।

ସୂଚନାଯୋଗ୍ୟ ଯେ, ଗତ ୨୧ ତାରିଖ ଦିନ ନିଜ ୬ ବର୍ଷର ଝିଅ ନିଖୋଜ ହୋଇଯାଇଥିବା ଦର୍ଶାଇ ଟାଉପଦର ଗାଁର ବାଙ୍ଗୁରୁ ପାଙ୍ଗୀ ପଟ୍ଟାଙ୍ଗି ଥାନାରେ ୨୪ ତାରିଖ ଦିନ ଅଭିଯୋଗ କରିଥିଲା । ଘଟଣାକୁ ଗମ୍ଭୀରତାର ସହ ନେଇ ପୋଲିସ ତଦନ୍ତ ଆରମ୍ଭ କରିଥିଲା । ମାତ୍ର ଅଭିଯୋଗକାରୀ ବାପା ଦେଉଥିବା ବୟାନରେ ପୋଲିସକୁ ସନ୍ଦେହ ହୋଇଥିଲା । ଆଉ ଶେଷରେ ନିଜର ସମସ୍ତ ଦୋଷ ମାନିଥିଲା ଏହି ସୈତାନ ବାପା । ଝିଅ ପାଠ ନପଢିବାରୁ ତାର କାନ ମୁଣ୍ଡାକୁ ଶକ୍ତ ଚାପୁଡ଼ା ମାରିଥିଲା । ଆଉ ଏଥିରେ ଝିଅର ମୃତ୍ୟୁ ହେବାରୁ ଭୟରେ ନିଜ ସହଯୋଗୀ ଶ୍ୟାମ ସୁନ୍ଦର ସହ ମିଶି ଭୈରବ ମନ୍ଦିର ନିକଟରେ ବସ୍ତାରେ ଭର୍ତ୍ତି କରି ଝିଅର ଶବକୁ ପୋତିଦେଇଥିବା  ସ୍ବୀକାର କରିଥିଲା । ପୋଲିସ ମୃତଦେହକୁ ମାଟିରୁ ବାହାର କରି ଶବ ବ୍ୟବଚ୍ଛେଦ ପାଇଁ ପଠାଇଛି ।

ଅନ୍ୟପଟେ ବାଙ୍ଗୁରୁ ଝିଅ ପାଠ ନ ପଢିବା ନେଇ ନୁହଁ ବରଂ ପୋତା ଗୁପ୍ତ ଧନ ପାଇବା ଆଶାରେ ବଳି ଦେଇଥିବା ଅଭିଯୋଗ କରିଛନ୍ତି ଗ୍ରାମବାସୀ । ଏପରିକି ବାଙ୍ଗୁରୁର ସ୍ତ୍ରୀ ମଧ୍ୟ ସହାୟତା କରିଥିବା ଅଭିଯୋଗ ହୋଇଛି । ଗାଁ ଲୋକଙ୍କ କହିବା ଅନୁସାରେ ବାଙ୍ଗୁରୁ କିଛି ଦିନ ହେଲା ଅଧିକ ଟଙ୍କା ପାଇବା ଆଶାରେ ପୁରୁଣା ହନୁମାନ ପଇସା ଖୋଜୁଥିଲା । ଏପରିକି ପୋତା ଗୁପ୍ତ ଧନ ସନ୍ଧାନ ମଧ୍ୟ କରୁଥିଲା । ଏସବୁ ଅଭିଯୋଗକୁ ସତ ସାବ୍ୟସ୍ତ କରିବା ଦିଗରେ ନେଉଛି ଭୈରବୀ ମନ୍ଦିର ନିକଟରୁ ମାଟି ତଳୁ ଶବ ଉଦ୍ଧାର ହେବା । ଝିଅର ଆଖିରୁ ଓ ପାଟିରୁ ରକ୍ତ ବୋହୁଥିବାରୁ ବଳି ଉଦ୍ଦେଶ୍ୟରେ ଜିଭ କାଟିବା ପରେ ଆଖି ତାଡି ହତ୍ୟା କରାଯାଇ ବଳି ଦେବା ପରେ ପୋତା ଯାଇଥିବା ଅଭିଯୋଗ ହେଉଛି ।

   Related Posts