Prameya News7

Prameya News7, News7 Odia, Odisha Latest News, Odisha Current Headlines, Odisha News Online

୧୧ ମାସ ପରେ ଗିରଫ ହେଲା କାମୁକ ବାପା, ନିଜ ଝିଅ ସହ ଦୁଷ୍କର୍ମ କରି କରାଇଥିଲା ଗର୍ଭପାତ

25/08/2019 at 3:35 PM

ଅଜମେର ୨୫|୮: ନିଜ ନାବାଳିକା ଝିଅକୁ ଦୁଷ୍କର୍ମ କରିବା ଏବଂ ଗର୍ଭପାତ କରାଇଥିବା କାମୁକ ବାପାକୁ ପୋଲିସ ଗିରଫ କରିଛି । ପୋଲିସ ସଂପୃକ୍ତ ବ୍ୟକ୍ତିକୁ ଦୀର୍ଘ ୧୧ମାସ ପରେ ଗିରଫ କରିଛି । ପରିବାରଲୋକ ଘଟଣାକୁ ଚପାଇବାକୁ ଚେଷ୍ଟା କରୁଥିବାରୁ ତଦନ୍ତରେ ପୋଲିସକୁ ସମସ୍ୟାର ସମ୍ମୁଖୀନ ହେବାକୁ ପଡିଥିଲା ।

ଶେଷରେ ପୋଲିସ ଅଭିଯୁକ୍ତ ବାପାକୁ ପୋକ୍ସୋ ଆକ୍ଟ ଆଧାରରେ ଗିରଫ କରିଛି । ବେଆଇନ ଭାବେ ନାବାଳିକାଙ୍କ ଗର୍ଭପାତ କରାଇବା ଅଭିଯୋଗରେ ଡାକ୍ତରଙ୍କ ବିରୋଧରେ ପୋଲିସ କଡା କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଘଟଣାରେ ଅଧିକ ତଦନ୍ତ ଜାରି ରଖିଛି ପୋଲିସ ।

ସୂଚନା ଅନୁସାରେ ରାଜସ୍ଥାନ ଗେଗଲ ଥାନା ଅଞ୍ଚଳରେ ଗତ ବର୍ଷ ଅକ୍ଟୋବର ମାସରେ ନିଜ ନାବାଳିକା ଝିଅ ସହ ଦୁଷ୍କର୍ମ କରିଥିଲା ବାପା । ଫଳରେ ନାବାଳିକା ଜଣଙ୍କ ଗର୍ଭବତୀ ହୋଇଥିଲେ । ପରିବାରଲୋକ ଘଟଣାକୁ ଚପାଇବା ପାଇଁ ନାବାଳିକାଙ୍କର ଗର୍ଭପାତ ମଧ୍ୟ କରାଇଦେଇଥିଲେ । ତିନି ମାସ ପର୍ଯ୍ୟନ୍ତ ଦୁଷ୍କର୍ମ ନେଇ ଘଟଣା ସାମ୍ନାକୁ ଆସିନଥିଲା । ଥାନାରେ ମାମଲା ରୁଜୁ ହୋଇନଥିଲା ।

ଯେତେବେଳେ ଘଟଣା ଖବରକାଗଜରେ ଆସିଥିଲା ସେତେବେଳେ ଗୃହ ବିଭାଗ ଏବଂ ପୋଲିସ ପକ୍ଷରୁ ତତ୍ପରତା ଦେଖାଦେଇଥିଲା । ମୁଖ୍ୟ ସଚିବ ଏ ଘଟଣାରେ ପୋଲିସ ଅଧୀକ୍ଷକଙ୍କୁ ଯାଞ୍ଚ କରିବା ପାଇଁ ନିର୍ଦ୍ଦେଶ ଦେଇଥିଲେ । ଫଳରେ ଗେଗଲ ଥାନା ପୋଲିସ ସକ୍ରିୟ ହୋଇଉଠିଥିଲା । ଅଭିଯୁକ୍ତ ବାପାକୁ ଖୋଜିବାରେ ଲାଗିପଡିଥିଲା ପୋଲିସ । ମାତ୍ର ଅଭିଯୁକ୍ତଙ୍କ ପରିବାରଲୋକ କଥାକୁ ଚପାଇବାକୁ ଚେଷ୍ଟା କରିୁଥିଲେ । ଯାହାଫଳରେ ପୋଲିସକୁ ଅଭିଯୁକ୍ତର ସନ୍ଧାନ କରିବାରେ ସମସ୍ୟା ହେଉଥିଲା ।  ଶେଷରେ ୧୧ମାସ ପରେ ପୋଲିସ ଅଭିଯୁକ୍ତ ବାପାକୁ ଗିରଫ କରିଛି ।

   Related Posts