Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପୋଲିସର ଭୁଲ୍ ତଦନ୍ତ ପାଇଁ ଜେଲ୍ ଯାଇଥିବା ବାପ-ପୁଅ ମୁକୁଳିଲେ ଜେଲ୍‌ରୁ

28/07/2019 at 4:10 PM

ବାରିପଦା ୨୮|୭: ପଦାରେ ପଡ଼ିଲା ବାଦାମ ପାହାଡ଼ ପୋଲିସର ପାରିବା ପଣିଆ । ପୋଲିସର ଭୁଲ୍ ତଦନ୍ତ ପାଇଁ ଜେଲ୍ ଯାଇଥିବା ବାପପୁଅ ଆଜି ଜେଲରୁ ମୁକୁଳିଛନ୍ତି । ମୟୂରଭଞ୍ଜ ଜିଲ୍ଲା ବାଦାମ ପାହାଡ଼ ଅଞ୍ଚଳର ମଙ୍ଗଲ ନାୟକ ଓ ତାଙ୍କ ପୁଅ ସଞ୍ଜୟଙ୍କୁ ବଧୂ ହତ୍ୟା ଅଭିଯୋଗରେ ଜେଲ୍ ପଠାଇଥିଲା ପୋଲିସ ।

ଗତ ଏପ୍ରିଲରେ ଏକ ଗଳିତ ଶବକୁ ତାଙ୍କ ବୋହୂର ଦର୍ଶାଇ ହତ୍ୟା ମାମଲା ରୁଜୁ କରିଥିଲା । କିନ୍ତୁ ଜୁଲାଇ ୧୭ରେ ବୋହୂ ରାୟମଣି ବାଙ୍କିରା ଫେରିବା ପରେ ସେ ବଞ୍ଚିଥିବା ଜଣାପଡିଥିଲା । କିନ୍ତୁ ତାଙ୍କୁ ଗଣମାଧ୍ୟମଠାରୁ ଲୁଚାଇ ପୋଲିସ ଘଟଣାକୁ ଚପାଇବାକୁ ପ୍ରୟାସ କରିଥିଲା । ଏନେଇ ନ୍ୟୁଜ୍ ୭ରେ ଖବର ପ୍ରସାରଣ ପରେ ପୋଲିସ ତତ୍ପରତା ଦେଖାଇ ରାୟମଣିଙ୍କୁ କୋର୍ଟରେ ହାଜର କରିଥିଲା । ଗତକାଲି ବୟାନ ରେକର୍ଡ ପରେ ଆଜି ଉଭୟ ଜେଲରୁ ମୁକୁଳିଛନ୍ତି ।

   Related Posts