Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ପ୍ରଭାବ: ୨୪ ଘଣ୍ଟାରେ ସୁସ୍ଥ ହୋଇ ଘରକୁ ଫେରିଲେ ୬୪୮ ସଂକ୍ରମିତ
  • ||
  • ଲଭ୍‌ ଜିହାଦ ଉପରେ ଅଧ୍ୟାଦେଶ ପାରିତ କଲା ୟୁପି କ୍ୟାବିନେଟ୍‌, ଧୋକା-ଧମକ ଦେଇ ଧର୍ମ ପରିବର୍ତ୍ତନ କରାଇଲେ ୧୦ ବର୍ଷ ଜେଲ୍‌
  • ||
  • ଅତ୍ୟଧିକ କାମର ବୋଝ ସହିନପାରି ଆଖି ବୁଜିଲେ ବାପା: ଉପର ଅଧିକାରୀଙ୍କ ବିରୋଧରେ ସଂଗୀନ ଅଭିଯୋଗ ଆଣିଲେ ଝିଅ, କହିଲେ…
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||
  • ୨ ବାରହା ଶିକାରୀ ଗରିଫ: ମାଂସ ଭାଗବଣ୍ଟା ବେଳେ ମାଡି ବସିଲେ ବନ ବିଭାଗର କର୍ମଚାରୀ
  • ||
  • କରୋନାରେ ଜୀବନ ହାରିଥିବା ଠିକାଦାରଙ୍କୁ ଆର୍ଥିକ ସହାୟତା ଦେଲା ଠିକାଦାର ସଂଘ
  • ||
  • ୧୦ ଡଲାରରୁ କମ୍‌ ମୂଲ୍ୟରେ ମିଳିବ ଋଷ କରୋନା ଭ୍ୟାକ୍‌ସିନ Sputnik V, ଜାନୁଆରୀରୁ ଆରମ୍ଭ ହେବ ଡେଲିଭରି
  • ||
  • ହାଇଓ୍ବା ଧକ୍କାରେ ଜଣେ ଶିଶୁଙ୍କ ସମେତ ୬ ଜଣଙ୍କ ମୃତ୍ୟୁ: ଚାଲି ଚାଲି ଯିବା ବେଳେ ପଛରୁ ମାଡିଗଲା
  • ||
  • ଭୁବନେଶ୍ୱର : ପୁରୀ ହାଜତ ମୃତ୍ୟୁ ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ
  • ||
  • ଯୋଜନାବଦ୍ଧ ଲୁଟ୍ : ସାଙ୍ଗଙ୍କୁ ଲଗାଇ ଡକାୟତି କରାଇଥିଲା IIFL କର୍ମଚାରୀ ଲାଲା ଅମ୍ରିତ ରାୟ
  • ||

ମା’କୁ ମାରି ପୋତିଦେଲା ଦୁର୍ବୁତ୍ତ, ଦୁର୍ଘଟଣାରେ ଚାଲିଗଲେ ବାପା : ୩ ବର୍ଷର ଶିଶୁ ମୁଣ୍ଡରେ ଛିଡିପଡିଲା ଆକାଶ

1/07/2020 at 2:28 PM

ବାଲିଆପାଳ ୦୧।୦୭ : ରବିବାର ଦିନ ମା’ ଦୁଷ୍କର୍ମ ପରେ ହତ୍ୟାର ଶିକାର ହେଲେ । ଖବର ପାଇ ଦୂରରେ ଥିବା ବାପା ବାଇକ୍‌ରେ ଘରକୁ ଫେରୁଥିବା ବେଳେ ଦୁର୍ଘଟଣାର ସମ୍ମୁଖୀନ ହୋଇଥିଲେ । ଗୁରୁତର ଅବସ୍ଥାରେ ତାଙ୍କୁ ଚିକିତ୍ସା ପାଇଁ କଟକ ପଠାଯାଇଥିଲା । ସେଠାରେ କୋମାରେ ଥିବାବେଳେ ମଙ୍ଗଳବାର ଦିନ ତାଙ୍କର ମୃତ୍ୟୁ ହୋଇଯାଇଛି । ଏହି ଦମ୍ପତିଙ୍କର ଏକ ୩ ବର୍ଷର ପୁଅ ସାଇଶଙ୍କର ଏବେ ବେସାହାରା । ତିନି ଦିନ ହେଲା ମା’ଙ୍କୁ ଖୋଜି ନପାଇ ବିକଳ ହୋଇ କାନ୍ଦୁଛି । ଏଭଳି ଦୁଃଖଦ ଘଟଣା ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି କରିଛି ।

ରବିବାର ଦିନ ଘର ପାଖ ପାନବରଜକୁ ସକାଳ ୮ଟାରୁ ପାଣି ଦେବାକୁ ଯାଇ ବାଲେଶ୍ୱର ଜିଲ୍ଲା ବାଲିଆପାଳ ବ୍ଲକ ଚୌମୁଖ ଗ୍ରାମର ଜନ୍ମେଜୟ ପାତ୍ରଙ୍କ ପତ୍ନୀ ସୋନାଲୀ (୨୪) ମଧ୍ୟାହ୍ନ ୨ଟା ପର୍ଯ୍ୟନ୍ତ ଘରକୁ ଫେରି ନଥିଲେ । ଶାଶୂ ଶାନ୍ତିଲତାଙ୍କୁ କହିଯାଇଥିଲେ ଆସିଲେ ଭାତ ରାନ୍ଧିବି । ମାତ୍ର ବିଳମ୍ବ ହେବାରୁ ଶାଶୂ ଶାନ୍ତିଲତା ପଡ଼ୋଶୀ କେତେ ଜଣ ମହିଳାଙ୍କ ସହ ତାଙ୍କୁ ଖୋଜାଖୋଜି କରିବାକୁ ପାନବରଜ ପାଖକୁ ଯାଇଥିଲେ । ଗୋଟିଏ ସ୍ଥାନରେ ବାଲି ଉଚ୍ଚ ହୋଇଥିବା ଦେଖି ଶାଶୂଙ୍କ ମନରେ ସନ୍ଦେହ ହେଲା । ବାଲି ଆଡ଼େଇ ଦେଖିବାରୁ ପ୍ରଥମେ ସୋନାଲୀଙ୍କ ଗୋଡ଼ ଦୁଇଟି ଦେଖା ଯାଇଥିଲା । ଗୋଡ଼ ଟାଣିବାରୁ ବାଲି ଭିତରୁ ମୃତଦେହ ବାହାରିଥିଲା । ଦେହ ଗରମ ଥିବାରୁ କାଳେ ବଞ୍ଚିଥିବ ଭାବି ଖୋଜିବାକୁ ଯାଇଥିବା ମହିଳାମାନେ ତାଙ୍କ ମୁହଁକୁ ପାଣି ଚିଞ୍ଚିଥିଲେ । ହେଲେ ସେତେବେଳକୁ ତାଙ୍କର ମୃତ୍ୟୁ ହୋଇଯାଇଥିଲା ।

ପାରିପାର୍ଶ୍ୱିକ ସ୍ଥିତି ତଥା ଲୋକଙ୍କ ଅଭିଯୋଗକୁ ଭିତ୍ତି କରି ତଦନ୍ତରେ ଯାଇଥିବା ପୁଲିସ ଗ୍ରାମର ମହେଶ୍ୱର ବେହେରା ଓରଫ ଧୂଳିଆକୁ ଥାନାକୁ ଆଣି ପଚରାଉଚରା କରିବା ପରେ ସେ ସୋନାଲୀଙ୍କୁ ବଳାତ୍କାର ପରେ ହତ୍ୟା କରିଥିବା ସ୍ୱୀକାର କରିଥିଲା । ସେପଟେ ଖବର ପାଇ ପେଶାରେ ଟ୍ରାକ୍ଟର ଡ୍ରାଇଭର ସୋନାଲୀଙ୍କ ସ୍ୱାମୀ ଜନ୍ମେଜୟ ପାତ୍ର ନିଜର କାର୍ଯ୍ୟସ୍ଥଳୀ ବାଲେଶ୍ୱର ସଦର ବ୍ଲକ ନଳବାହାରରୁ ବାଇକ୍‌ରେ ଘରକୁ ଫେରୁଥିବା ବେଳେ ଲଙ୍ଗଳେଶ୍ୱର ନିକଟରେ ସଡ଼କ ଦୁର୍ଘଟଣାରେ ଗୁରୁତର ହୋଇଥିଲେ । ସ୍ଥାନୀୟ ଲୋକେ ତାଙ୍କୁ ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ପଠାଇଥିଲେ । ସେଠାରୁ ତାଙ୍କୁ କଟକ ପଠାଯାଇଥିଲା । ମଙ୍ଗଳବାର ଜନ୍ମେଜୟଙ୍କର ସେଠାରେ ମୃତ୍ୟୁ ହୋଇଯାଇଛି । ସୋମବାର ରାତିରେ ବାଲେଶ୍ୱରଠାରେ ସୋନାଲୀ ମୃତଦେହ ବ୍ୟବଚ୍ଛେଦ କରାଯାଇଛି । ବ୍ୟବଚ୍ଛେଦ ରିପୋର୍ଟ ଆସିନଥିଲେ ମଧ୍ୟ ମୃତ୍ୟୁବେଳକୁ ସୋନାଲୀ ଗର୍ଭବତୀ ଥିବା ପରିବାର ଲୋକେ କହିଛନ୍ତି । ଏଭଳି ନାରକୀୟ କାଣ୍ଡ ଘଟାଇଥିବା ମହେଶ୍ୱରକୁ ଫାଶୀ ଦେବା ପାଇଁ ଅଞ୍ଚଳବାସୀ ଦାବି କରିଛନ୍ତି । କିନ୍ତୁ କଥା ଆସି ଏଠି ପହଞ୍ଚିଯାଇଛି ଯେ, ୩ବର୍ଷର ଶିଶୁ ଟିଏ ନିଜ ମାଆ ଓ ବାପାଙ୍କୁ ହରାଇ ଏବେ ବେସାହାରା । ନିଜ ବାପା ଓ ମାଆଙ୍କୁ ହରାଇବା କଥା , ସେ ଜାଣିନାହିଁ ।

   Related Posts