ଟିକମଗଡ଼୨୩/୮: ରଶି ଲଗାଇ ଗୋଟିଏ ପରିବାର ୫ ଜଣଙ୍କ ଆତ୍ମହତ୍ୟା। ଟିକମଗଡ଼ ମଧ୍ୟ ପ୍ରଦେଶର ଟିକମଗଡ଼ରେ ଏକ ହୃଦୟ ବିଦାରକ ଘଟଣା ଘଟିଛି । ଗୋଟିଏ ପରିବାରର ୫ଜଣ ସଦସ୍ୟଙ୍କ ମୃତ୍ୟୁ ଘଟଣାରେ ସ୍ଥାନୀୟ ଅଞ୍ଚଳରେ ଆଲୋଡନ ସୃଷ୍ଟି ହୋଇଛି। ପୁଲିସର ସୂଚନା ମୁତାବକ ଏହି ମାମଲା ଆତ୍ମହତ୍ୟା ବୋଲି ଜଣାପଡିଛି ।
ଘଟଣାଟି ଟିକମଗଡ଼ ଜିଲ୍ଲାର ଖରଗାପୁର ଅଞ୍ଚଳର ଅଟେ। ଗୋଟିଏ ପରିବାରର ଏହି ୫ଜଣ ଏକା ସାଥିରେ ଏଭଳି କାମ କରିବା ଲୋକଙ୍କୁ ଆଶ୍ଚର୍ଯ୍ୟ କରିଛି। ମିଳିଥିବା ସୂଚନା ମୁତାବକ, ମୃତକଙ୍କ ମଧ୍ୟରେ ଧର୍ମଦାସ ସୋନୀ (୬୨) , ପୂନା ସୋନୀ ( ୫୫, ଧର୍ମଦାସ ସୋନୀଙ୍କ ସ୍ତ୍ରୀ ) , ମନୋହର ସୋନୀ (୨୭ , ଧର୍ମଦାସ ସୋନଙ୍କ ପୁଅ ) , ସୋନମ ସୋନୀ (୨୫, ମନୋହର ସୋନୀଙ୍କ ସ୍ତ୍ରୀ) ଓ ସାନିଧ୍ୟ ସୋନୀ ( ୪) । ୪ବର୍ଷର ପିଲାଙ୍କୁ ବୋଧହୁଏ ରଶିରେ ଲଟକା ଯାଇଛି । ପୁଲିସ୍ ଏହି ମାମଲାରେ ତଦନ୍ତ ଆରମ୍ଭ କରିଦେଇଛି । ଏବେ ପ୍ରକୃତ ଘଟଣା କଣ ସମସ୍ତେ ଜାଣିବାକୁ ଅପେକ୍ଷା କରିଛନ୍ତି ।