Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରାଟ ବାହିନୀ ଚିତ୍‌ପଟାଙ୍ଗ, ଭାରତକୁ ୫୧ ରନରେ ହରାଇ ସିରିଜ୍ ହାତେଇଲା ଅଷ୍ଟ୍ରେଲିଆ
  • ||
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||
  • ଭୁବନେଶ୍ୱର : ବିଜେଡିରୁ ବହିଷ୍କୃତ ହେଲେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ
  • ||

ଜାମ୍ମୁ-କାଶ୍ମୀରରେ ପୁଣି ଥରେ ଧାରା ୩୭୦ ପାଇଁ ବିରୋଧୀଙ୍କ ମେଣ୍ଟ ଗଠନ, ଫାରୁକ କହିଲେ- ଆମେ ବିଜେପି ବିରୋଧୀ, ଦେଶ ବିରୋଧୀ ନୁହେଁ

24/10/2020 at 5:44 PM

ଶ୍ରୀନଗର ୨୪।୧୦: ଜାମ୍ମୁ-କାଶ୍ମୀରରେ ଅନୁଚ୍ଛେଦ ୩୭୦କୁ ପୁନର୍ବାର ଲାଗୁ କରିବା ଏବଂ ଧାରା ୩୫ଏ ପୁନର୍ବାର ହାସଲ କରିବା ପାଇଁ କାଶ୍ମୀରର ସମସ୍ତ ବିରୋଧୀ ଦଳ ଏକଜୁଟ ହୋଇଛନ୍ତି। ଶନିବାର ଗୁପକର ଘୋଷଣା ପାଇଁ ଗଠିତ ‘ପିପୁଲ୍ସ ଆଲିୟାନ୍ସ’ର  ବୈଠକ ପିଡିପି ମୁଖ୍ୟ ମେହବୁବା ମୁଫତିଙ୍କ ଘରେ ଅନୁଷ୍ଠିତ ହୋଇଛି। ଏହି ବୈଠକରେ ନ୍ୟାସନାଲ କନଫରେନ୍ସ, ପିଡିପି ବ୍ୟତୀତ କାଶ୍ମୀରର ଅନ୍ୟ ପାର୍ଟିର ନେତା ମଧ୍ୟ ସାମିଲ ଥିଲେ। ବୈଠକରେ ଫାରୁକ ଅବଦୁଲ୍ଲାଙ୍କୁ ପିପୁଲ୍ସ ଆଲିୟାନ୍ସ ଫର ଡିକ୍ଲାରେସନର ସଭାପତି ଓ ମେହବୁବା ମୁଫତିଙ୍କୁ ଉପ ସଭାପତି ଘୋଷଣା କରାଯାଇଛି।  ବୈଠକରେ ଫାରୁକ ଅବଦୁଲ୍ଲା କହିଛନ୍ତି, ଆମେ ଦେଶ ବିଜେପି ବିରୋଧୀ, ଦେଶୀ ବିରୋଧୀ ନୁହଁ।

ଗଣମାଧ୍ୟମକୁ ସମ୍ବୋଧିତ କରି ଅବଦୁଲ୍ଲା କହିଛନ୍ତି, ଏହା ଏକ ଦେଶ ବିରୋଧୀ ଜମାତ ନୁହେଁ, ଆମର ଉଦ୍ଦେଶ୍ୟ ଜାମ୍ମୁ-କାଶ୍ମୀର ଓ ଲଦାଖର ଲୋକଙ୍କୁ ସେମାନଙ୍କର ଅଧିକାର ସୁନିଶ୍ଚିତ କରିବା ରହିଛି। ଧର୍ମ ନାମରେ ବିଭାଜନର ହେଉଥିବା ପ୍ରୟାସ ବିଫଳ ହେବ ଏବଂ ଏହା ଏକ ଧାର୍ମିକ ଲଢେଇ ନୁହେଁ ବୋଲି ଫାରୁକ କହିଛନ୍ତି।

ଏହି ମେଣ୍ଟର ମୁଖପାତ୍ର ସଜାଦ ଲୋନ ଘୋଷଣା କରିଛନ୍ତି, ତତ୍କାଳୀନ ଜାମ୍ମୁ-କାଶ୍ମୀରର ପତାକା ମେଣ୍ଟର ପ୍ରତୀକ ହେବ ଏବଂ ନଭେମ୍ବର ୧୭ରେ ଶ୍ରୀନଗରରେ ଏକ ସମ୍ମିଳନୀ ଆୟୋଜନ ହେବ। ଏହା ପରେ ଦୁଇ ସପ୍ତାହ ଭିତରେ ଆଉ ଏକ ବୈଠକ ହେବ।

ସଜାଦ ଲୋନ କହିଛନ୍ତି ଗୋଟିଏ ମାସ ଭିତରେ ଆଉ ଏକ ଦସ୍ତାବିଜ ପ୍ରସ୍ତୁତ କରାଯିବ। ଯାହା  ଜରିଆରେ ଆମେ ସେହି ମିଥ୍ୟା ଉପରେ ତଥ୍ୟ ପ୍ରସ୍ତୁତ କରିବୁ ଯାହା ଜାମ୍ମୁ-କାଶ୍ମୀର ସହିତ ପୂରା ଦେଶରେ ପ୍ରଚାର କରାଯାଉଛି। ଏହା ଜାମ୍ମୁ-କାଶ୍ମୀରର ଲୋକଙ୍କ ପାଇଁ ଶ୍ରଦ୍ଧାଞ୍ଜଳୀ ହେବ, ଯାହାଙ୍କ ବଦନାମ କରାଯାଉଛି।

   Related Posts