Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଷ୍ଟେଟ୍ ବ୍ୟାଙ୍କ ଉପରେ କୋଟିଏ ଟଙ୍କାର ଫାଇନ ଲଗାଇଲେ ରିଜର୍ଭ ବ୍ୟାଙ୍କ, ସବୁଠୁ ବଡ ବ୍ୟାଙ୍କ ବିରୋଧରେ ଋଣ ନିୟମ ଉଲ୍ଲଙ୍ଘନ ଅଭିଯୋଗ
  • ||
  • ଶ୍ରେୟସ ଆୟରଙ୍କ ଉପରେ ମୁମ୍ବାଇ ଇଣ୍ଡିଆନ୍ସର ନଜର, ରାହୁଲ ଓ ଧାଓ୍ୱନ ବି ବଦଳାଇବେ ଟିମ୍ !
  • ||
  • ରାଜ୍ୟରେ ଆଉ ୩ ଜଣ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୬କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୬୪ କରୋନା ସଂକ୍ରମିତ, ୧୦୪୮୪୯୨ରେ ପହଞ୍ଚିଲା ସଂଖ୍ୟା
  • ||
  • ଜରୁରୀକାଳିନ ପରିସ୍ଥିତି ଘୋଷଣା କଲେ ଗଭର୍ଣ୍ଣର : କରୋନା ସଂକ୍ରମଣ ବଢିବା ପରେ କଟକଣା କଡାକଡି
  • ||
  • ୧୮ କେଜିର ବଜ୍ରକାପ୍ତା ଉଦ୍ଧାର, ଡିଲ୍ ବେଳେ ଧରିଲା ବନ ବିଭାଗ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୪୬୫ ମୃତ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଓଡିଶା ଉପକୂଳରେ ମାଡ ହେବ ବାତ୍ୟା ! ଡିସେମ୍ବର ୩ରୁ ୬ ଯାଏଁ ପ୍ରବଳ ବର୍ଷା
  • ||

ଲଗାଣ ବର୍ଷାରେ ଚାଷୀ ବେହାଲ: ପାଚିଲା ଧାନ ଉପରେ ମାଡିଲା ପାଣି, ପୁଣି ୧୭ରୁ ବଢିବ ବର୍ଷା, ଫସଲ ଅମଳ ହେବ କେମିତି ?

13/11/2021 at 8:45 PM

ଭୁବନେଶ୍ଵର ୧୩।୧୧: ଲଗାଣ ବର୍ଷା ରାଜ୍ୟର ଚାଷୀଙ୍କୁ ବେହାଲ କରି ଦେଇଛି। ଦକ୍ଷିଣ ଓ ଉପକୂଳ ଜିଲ୍ଲାର ଚାଷ ସବୁଠୁ ବେଶୀ ପ୍ରଭାବିତ ହୋଇଛି । ଅମଳ ସମୟରେ ଜମିରେ ବର୍ଷା ପାଣି ଠିଆ ହୋଇଛି । ଆଖି ସାମ୍ନାରେ ଫସଲ ଉଜୁଡିବା ଦେଖି ଚାଷୀ  ଏବେ ଚିନ୍ତାରେ ।  ଏଣେ ଆସନ୍ତାକାଲି ପାଇଁ ପ୍ରବଳ ବର୍ଷା ନେଇ ୭ ଜିଲ୍ଲାକୁ ଓ୍ବେଲୋ ଓ୍ବାର୍ଣିଂ ଜାରି କରିଛି ପାଣିପାଗ ବିଭାଗ।  ଏପଟେ ଦକ୍ଷିଣ ଆଣ୍ଡାମାନ ସାଗରରେ ଆଉ ଏକ ଲଘୁଚାପ ସୃଷ୍ଟି ହେଉଛି, ଯାହାଫଳରେ ୧୭ରୁ ପୁଣି ବର୍ଷା ବଢିବ ।

ରାଜ୍ୟରୁ ମୌସୁମି ଫେରିଗଲାଣି ତଥାପି ଲଗାଣ ବର୍ଷାରେ ବେହାଲ ସ୍ଥିତି। କେଉଁଠି  ଚାଷ ଜମିରେ ପାଣି ମାଡିଯାଇଛି,  କେଉଁଠି ଘର  ଭିତରେ ପାଣି ଲହଡି ମାରୁଛି । ରାଜ୍ୟର ଅନେକ ସ୍ଥାନରେ ଏମିତି ଅବସ୍ଥା। ଖାସ କରି ଦକ୍ଷିଣ ଏବଂ ଉପକୂଳ ଓଡିଶାରେ ଚାଷୀ ଉପରେ ଚଡ଼କ ପଡିଛି । ଗଞ୍ଜାମ ଓ ଗଜପତି ଜିଲ୍ଲାରେ ଶହ ଶହ ଏକର ଚାଷ ଜମିରେ ପାଣି ମାଡି ଯାଇଛି । କେଉଁଠି ଧାନ କଟା ହୋଇ ପଡିଛି, କେଉଁଠି ପାଚିଲା ଧାନ କ୍ଷେତ  । ଏସବୁ ପାଣି ତଳେ ଏକାକାର ହୋଇ ଯାଇଛି । ଧାନ ଠାରୁ ପନିପରିବା ଚାଷ ମଧ୍ୟ କ୍ଷତିଗ୍ରସ୍ତ ହୋଇଛି। ଶୀତ ଦିନିଆ ପନିପରିବା ଫସଲ ମଧ୍ୟ ନଷ୍ଟ ହେବାର ଆଶଙ୍କା ବଢି ଯାଇଛି ।

ଲଗାଣ ବର୍ଷାରେ ସାଧାରଣ ଜନଜୀବନ ଅସ୍ତବ୍ୟସ୍ତ । ବ୍ରହ୍ମପୁର ସହରର ଅନେକ ତଳି ଅଞ୍ଚଳ ଜଳବନ୍ଦୀ । କାହା ଘର ଭିତରେ ପାଣି ପଶିଛି ତ ଆଉ କେଉଁଠି ରାସ୍ତା ଉପରେ ଚାଲୁଛି ଆଣ୍ଠୁଏ ପାଣି।  ପୁରୀ ବଡ଼ ଦାଣ୍ଡରେ ଲହଡି ମାରୁଛି ବର୍ଷା ପାଣି । ଅନେକ ସ୍ଥାନରେ ରାସ୍ତାଘାଟରେ ପାଣି ଚାଲୁଛି । ଗତ ୨୪ ଘଣ୍ଟା ମଧ୍ୟରେ ଗଞ୍ଜାମରେ ୧୭୦.୬ ମିଲିମିଟର ଏବଂ ପୁରୀରେ ୧୨୪ ମିଲିମିଟର ବର୍ଷା ରେକର୍ଡ କରାଯାଇଛି ।

ନିମ୍ନଚାପ ରେଖା ପ୍ରଭାବରେ ବର୍ଷା ହେଉଥିବା ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର କହିଛି । ତମିଲନାଡୁରୁ ପଶ୍ଚିମବଙ୍ଗ ପର୍ଯ୍ୟନ୍ତ ଥିବା ଏହି ନିମ୍ମଚାପ ରେଖା ପ୍ରଭାବରେ ରାଜ୍ୟରେ ବର୍ଷା ହୋଇଛି । ଆସନ୍ତାକାଲି ପାଇଁ ୭ ଜିଲ୍ଲା ଖୋର୍ଦ୍ଧା , ପୁରୀ, ଗଞ୍ଜାମ, ଗଜପତି, କଟକ, ନୟାଗଡ଼, ଜଗତସିଂହପୁରରେ ପ୍ରବଳ ବର୍ଷା ହେବାର ସମ୍ଭାବନା ଥିବାରୁ ୟେଲୋ ୱାର୍ଣ୍ଣିଂ ଜାରି କରାଯାଇଛି। ସେପଟେ ଦକ୍ଷିଣ ଆଣ୍ଡମାନ ସାଗରରେ ଏକ ଲଘୁଚାପ ସୃଷ୍ଟି ହୋଇଛି । । ଆସନ୍ତା ୧୫ ତାରିଖ ସୁଦ୍ଧା ଏହା ଅବପାତର ରୂପ ନେବ । ଅଧିକ ଘନୀଭୂତ ହୋଇ ୧୮ ତାରିଖ ସୁଦ୍ଧା ଆନ୍ଧ୍ର ଉପକୂଳ ଅତିକ୍ରମ କରିବ। ଏହାର ପ୍ରଭାବରେ ଆସନ୍ତା ୧୭ତାରିଖରୁ ପୁଣି ବର୍ଷା ବଢିବ । ଯାହା ବେଡି ଉପରେ କୋରଡା ମାଡ ଭଳି ।

ବର୍ଷା ଯୋଗୁଁ ଆସନ୍ତା ସପ୍ତାହେ ପର୍ଯ୍ୟନ୍ତ ଶୀତ କମ ଅନୁଭବ ହେବ । ରାତି ତାପମାତ୍ରା ୩ ରୁ ୪ ଡିଗ୍ରୀ ପର୍ଯ୍ୟନ୍ତ ବୃଦ୍ଧି ପାଇଛି । ତେବେ ବର୍ଷା ଛାଡିବା ପରେ ଶୀତ ବଢିବ ବୋଲି ଆକଳନ କରାଯାଉଛି ।

   Related Posts