ନୂଆଦିଲ୍ଲୀ ୫।୧: ସରକାରଙ୍କ ସହ ସପ୍ତମ ପର୍ଯ୍ୟୟ ଆଲୋଚନା ବିଫଳ ହେବା ପରେ ଚାଷୀ ପ୍ରତିକ୍ରିୟାଶୀଳ ହୋଇଉଠିଛନ୍ତି। ଏନେଇ ସ୍ୱରାଜ ପାର୍ଟି ନେତା ଯୋଗେନ୍ଦ୍ର ଯାଦବ ମଙ୍ଗଳବାର ରାଜଧାନୀରେ ଏକ ସାମ୍ବାଦିକ ସମ୍ମିଳନୀ କରିଥିବା ବେଳେ ୪ ଜାନୁୟାରୀକୁ ସରକାରଙ୍କ ସଂଶୋଧିତ କୃଷି ଆଇନକୁ ୭ ମାସ ପୂରଣ ହୋଇଥିବା କହିଛନ୍ତି। ଯୋଗକୁ ଆଇନ ବାତିଲ ଲାଗି ସେହିଦିନ ଚାଷୀଙ୍କ ସହ ସରକାରଙ୍କ ସପ୍ତମ ପର୍ଯ୍ୟାୟ ବୈଠକ ବିନା କୌଣସି ନିଷ୍କର୍ଷରେ ସମାପ୍ତ ହେବା ଦୁର୍ଭାଗ୍ୟଜନକ ।
ସରକାରଙ୍କ ସହ ଏପର୍ଯ୍ୟନ୍ତ ଆଲୋଚନାରୁ ଯାହା ସ୍ପଷ୍ଟ ବୁଝାପଡୁଛି ତାହା ହେଉଛି ଯଦି ଚାଷୀ ଆଇନ ପ୍ରତ୍ୟାହାର ଚାହୁଁଛନ୍ତି ତେବେ ଆନ୍ଦୋଳନକୁ ଆହୁରି ବ୍ୟାପକ କରନ୍ତୁ। ଚାଷୀମାନେ ଏବେ ସେହି ରାସ୍ତା ଅବଲମ୍ବନ କରିବେ ବୋଲି ଯାଦବ କହିଛନ୍ତି। ଏଥିପାଇଁ ଜାନୁୟାରୀ ୭ ତାରିଖ ପୂର୍ବାହ୍ନ ୧୧ଟାରେ ଦିଲ୍ଲୀ ଚତୁପାର୍ଶ୍ୱରେ ଚାଷୀଙ୍କ ଟ୍ରାକ୍ଟର ପରେଡ ବାହାରିବ ବୋଲି କହିଛନ୍ତି।
ଚାଷୀଙ୍କ ଟ୍ରାକ୍ଟର ରାଲି ୱେଷ୍ଟର୍ଣ୍ଣ ଏକ୍ସପ୍ରେସ୍ ୱେରେ ବାହାରିବ ଏବଂ ରେବାସନ ଓ ଗାଜିପୁର ପଟକୁ ଯିବ ବୋଲି ଯାଦବ କହିଛନ୍ତି। ଜାନୁୟାରୀ ୯ ତାରିଖରେ ସାର ଛୋଟୁ ରାମଙ୍କ ଶ୍ରାଦ୍ଧବାର୍ଷିକ ପାଳନ କରାଯିବ। ଚାଷୀଙ୍କୁ ଏପିଏମସି ଦେଇଥିବା ଛୋଟୁ ରାମଙ୍କୁ ଚାଷୀ ଶ୍ରଦ୍ଧାଞ୍ଜଳି ଦେବେ। ଜାନୁୟାରୀ ୧୩ ତାରିଖରେ ଲୋହରୀ ଏଥିରେ କେନ୍ଦ୍ର ସରକାରଙ୍କ କୃଷି ଆଇନକୁ ପୋଡାଯିବ ବୋଲି କହିଛନ୍ତି ଯାଦବ।
