Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ଦେଶବାସୀଙ୍କୁ ଚାଷୀଙ୍କ ଆହ୍ୱାନ! ଡିସେମ୍ବର ୨୩ରେ ଓଳିଏ ରଖନ୍ତୁ ଉପବାସ, ୨୭ ତାରିଖ ‘ମନକି ବାତ୍‌’ରେ ଘରେ ବଜାନ୍ତୁ ଥାଳି

20/12/2020 at 9:44 PM

ନୂଆଦିଲ୍ଲୀ ୨୦।୧୨: ଚାଷୀଙ୍କ ଆନ୍ଦୋଳନ ରବିବାର ୨୫ତମ ଦିବସରେ ପହଞ୍ଚିଛି। ସଂଶୋଧିତ କୃଷି ଆଇନ ପ୍ରତ୍ୟାହାର ଦାବିରେ ଚାଷୀମାନେ ଅସହ୍ୟ ଶୀତ ସତ୍ତ୍ୱେ ଦିଲ୍ଲୀର ବିଭିନ୍ନ ପ୍ରବେଶମାର୍ଗ ଅବରୋଧ କରି ଆନ୍ଦୋଳନରେ ଅଡି ରହିଛନ୍ତି। ଏଥିରେ ସରକାର ଚାଷୀଙ୍କ ଦାବି ଶୁଣୁନଥିବାରୁ ଚାଷୀମାନେ ରବିବାର  ୭ ଦିନିଆ କାର୍ଯ୍ୟକ୍ରମ ସ୍ଥିର କରିଛନ୍ତି। ଡିସେମ୍ବର ୨୧ ସୋମବାର ଆରମ୍ଭ ହେଉଥିବା ସପ୍ତାହ ୨୭ ତାରିଖରେ ଶେଷ ହେବ।  ପ୍ରଧାନମନ୍ତ୍ରୀ ତାଙ୍କର ବର୍ଷର ଶେଷ ବେତାର କାର୍ଯ୍ୟକ୍ରମ ‘ମନକି ବାତ୍‌’ରେ ଦେଶବାସୀଙ୍କୁ ସମ୍ବୋଧିତ କରିବେ।  ଏହି କାର୍ଯ୍ୟକ୍ରମ କାଳରେ ଘରେ ଥାଳି ବଜେଇବାକୁ ଚାଷୀମାନେ ଦେଶବାସୀଙ୍କୁ ନିବେଦନ କରିଛନ୍ତି।

ଚାଷୀଙ୍କ ସପ୍ତାହ ବ୍ୟାପୀ କାର୍ଯ୍ୟକ୍ରମ ଆରମ୍ଭ ପୂର୍ବରୁ ଆନ୍ଦୋଳନରେ ପ୍ରାଣବଳୀ ଦେଇଥିବା ଚାଷୀଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି। ଦିବଙ୍ଗତ ଚାଷୀଙ୍କୁ ଶହିଦ ମାନ୍ୟତା ଦେବାକୁ ଭାରତୀୟ କିଷାନ ୟୁନିୟନ (ବିକେୟୁ) କେନ୍ଦ୍ର ସରକାରଙ୍କ ନିକଟରେ ଦାବି କରିଛି। ସେହିପରି କାର୍ଯ୍ୟକ୍ରମ ଆରମ୍ଭ ଦିନ ସୋମବାର ଚାଷୀମାନେ ୨୪ ଘଣ୍ଟିଆ କ୍ରମିକ ଅନଶନ କରିବେ ବୋଲି ଘୋଷଣା କରିଛନ୍ତି।  

ଏହି କ୍ରମରେ ଚାଷୀମାନେ ଡିସେମ୍ବର ୨୩ ତାରିଖକୁ ‘କିଷାନ ଦିବସ’ ଭାବେ ପାଳନ କରିବେ ବୋଲି ଘୋଷଣା କରିଥିବା ବେଳେ ସେଦିନ ଲୋକଙ୍କୁ  ଚାଷୀଙ୍କ ଲାଗି ଗୋଟିଏ ଓଳା ଉପବାସ କରିବାକୁ କୃଷକ ନେତା ରାକେଶ ଟିକୈତ ନିବେଦନ କରିଛନ୍ତି। ସେହିପରି କୃଷକନେତା ଜଗଜିତ ସିଂଡାଲେୱାଲା ୨୭ ଡିସେମ୍ବର ମନକି ବାତ କାର୍ଯ୍ୟକ୍ରମ ବେଳେ ଲୋକଙ୍କୁ ଘରେ ଥାଳି ବାଡେଇବାକୁ କହିଛନ୍ତି।

   Related Posts