Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ହାଇଦ୍ରାବାଦ : ପାଠ ପଢୁନଥିଲା ବୋଲି ୧୦ ବର୍ଷର ପୁଅକୁ ଜିଅନ୍ତା ଜାଳିଦେଲା ବାପା, ପୋଡିଯାଇଛି ଶରୀରର ୬୫ ଭାଗ
  • ||
  • ବଡବିଲ : ନର୍ଭେରାମ ଖଣି କାର୍ଯ୍ୟାଳୟରେ ଆୟକର ଚଢାଉ, ବିଭିନ୍ନ କାଗଜପତ୍ରର ଯାଞ୍ଚ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୨ ଛୁଇଁଲା ମୃତକଙ୍କ ସଂଖ୍ୟା
  • ||

ଚାଷୀ ଆନ୍ଦୋଳନକୁ ନେଇ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପ୍ରତିକ୍ରିୟା: କହିଲେ ଆନ୍ଦୋଳନରେ ପୁରା ଦେଶ ସାମିଲ ନାହିଁ, କୃଷି ଆଇନ ସହିତ ଅଛନ୍ତି ଚାଷୀ

12/12/2020 at 9:45 PM

ନୂଆଦିଲ୍ଲୀ ୧୨/୧୨ : ଦିଲ୍ଲୀ ସୀମାରେ ବିଗତ ୨ ସପ୍ତାହ ଧରି ପଞ୍ଜାବ, ହରିୟାଣା ସମେତ ଅନ୍ୟ କିଛି ରାଜ୍ୟର ଚାଷୀମାନଙ୍କ ଆନ୍ଦୋଳନ ଜାରି ରହିଛି । ଚାଷୀ ସଂଗଠନ ଲଗାତାର ଭାବେ କେନ୍ଦ୍ର ସରକାରଙ୍କ ଦ୍ବାରା ଅଣାଯାଇଥିବା ୩ଟି ଆଇନକୁ ଫେରାଇନେବା ପାଇଁ ଦାବି କରୁଛନ୍ତି । ଏହି ଧାରଣା ପ୍ରଦର୍ଶନ ମଧ୍ୟରେ କେନ୍ଦ୍ର ସରକାର ଏବଂ ଚାଷୀ ସଂଗଠନ ମଧ୍ୟରେ ପ୍ରାୟ ୬ ଥର ଆଲୋଚନା ହୋଇସାରିଲାଣି । କିନ୍ତୁ ଏଯାଏଁ କୌଣସି ଫଳାଫଳ ବାହାରି ପାରିନାହିଁ । ସେପଟେ କେନ୍ଦ୍ର ସରକାର ବାରମ୍ବାର କହି ଆସୁଛନ୍ତି ଯେ, ଏହି ବିଲ କୃଷକମାନଙ୍କ ହିତ ପାଇଁ ପ୍ରସ୍ତାବିତ ଯାଇଛି ।  

ଏହି କ୍ରମରେ ଏକ କାର୍ଯ୍ୟକ୍ରମରେ କେନ୍ଦ୍ର ପେଟ୍ରୋଲିୟମ ଏବଂ ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଏହି ଆନ୍ଦୋଳନରେ ପୁରା ଦେଶର ଚାଷୀମାନେ ସାମିଲ ନାହାନ୍ତି । ସେ ଦାବି କରିଛନ୍ତି ଯେ, ଦେଶର ଚାଷୀମାନେ କୃଷି ଆଇନ ସହିତ ଅଛନ୍ତି । ଚାଷୀମାନଙ୍କ ଆୟକୁ ଦ୍ବିଗୁଣିତ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ବିସ୍ତୃତ ଯୋଜନା କାର୍ଯ୍ୟକାରୀ କରିଛନ୍ତି । ନୂଆ ଆଇନକୁ ନେଇ ଚାଷୀମାନେ ଭ୍ରମରେ ଅଛନ୍ତି ଏହାକୁ ଆମେ ମାନୁନାହୁଁ ।

ଧର୍ମେନ୍ଦ୍ର ପ୍ରଧାନ କହିଛନ୍ତି, ସରକାରଙ୍କର ଏ ନେଇ କୌଣସି ଅହଂ ଭାବ ନାହିଁ । ଆମେ ଖୋଲାଖୋଲି ଭାବେ ସମସ୍ତ ପ୍ରସ୍ତାବ ଉପ​‌ରେ ଆଲୋଚନା କରିବା ପାଇଁ ପ୍ରସ୍ତୁତ ଅଛୁ । ଯଦି ନୂଆ ଆଇନରେ କିଛି ତ୍ରୁଟି ରହୁଛି ତେବେ ଆମେ ଏହାକୁ ସଂଶୋଧନ କରିବା ପାଇଁ ପ୍ରସ୍ତୁତ ଅଛୁ ବୋଲି ଧର୍ମେନ୍ଦ୍ର କହିଛନ୍ତି ।

 ସେ ସରକାରଙ୍କ ଦ୍ବାରା ଦିଆଯାଇଥିବା ପ୍ରସ୍ତାବକୁ ନେଇ ପ୍ରଶ୍ନ କରିଛନ୍ତି ଯେ, ଯଦି ଚାଷୀମାନଙ୍କ ଉଦ୍ୟୋଗରେ ଉତ୍ପାଦନର ଏକ ନିର୍ଦ୍ଧାରିତ ମୂଲ୍ୟ ପାଇଁ ଯୋଜନା ହେଉଛି ତେବେ ଏଥିରେ ବିରୋଧ କାହିଁକି ? ସେ ଆହୁରି ମଧ୍ୟ କହିଛନ୍ତି ଯେ, ଚାଷୀମାନଙ୍କ ପାଇଁ ଶୀତଳ ଭଣ୍ଡାର, ଆଧୁନିକ ବଜାର ବ୍ୟବସ୍ଥା, ଭଲ ରାସ୍ତା, ଅଧିକ ନିବେଶ ହେବା ଦରକାର ନୁହେଁ କି? କେବଳ ବିରୋଧିମାନେ ଚାଷୀମାନଙ୍କୁ ଭ୍ରମିତ କରୁଛନ୍ତି ବୋଲି ଧର୍ମେନ୍ଦ୍ର ପ୍ରଧାନ କହିଛନ୍ତି ।  

   Related Posts