Thursday, December 13, 2018

News7

Prameya News7, News7 Odia, Odisha Latest News, Odisha Current Headlines, Odisha News Online

ଖୋଲା ଆକାଶ ତଳେ ଧାନ ଧରି ବସିଛନ୍ତି ଚାଷୀ, ମିଲର୍ସଙ୍କ ଦେଖା ମିଳୁନି

ସମ୍ବଲପୁର ୦୭|୧୨: ଖୋଲା ଆକାଶ ତଳେ ଧାନ ଧରି ବସିଛନ୍ତି ଚାଷୀ । ହେଲେ ମିଲର୍ସଙ୍କ ଦେଖାମିଳୁନି । ଗତ କିଛି ଦିନ ଧରି ଶୀତ କାକରରେ ମଣ୍ଡି ବାହାରେ ଚାଷୀ ଧାନ ଜଗି ବସିଛନ୍ତି । ସମ୍ବଲପୁର କୁଚିଣ୍ଡାରେ ଦେଖିବାକୁ ମିଳିଛି ଏମିତି ଦୃଶ୍ୟ । ଏଫ୍ଏକ୍ୟୁ ମାନର ଆଳରେ ଚାଷୀଙ୍କ ଠାରୁ ଧାନ କିଣାଯାଉନାହିଁ। ସେପଟେ କଳାହାଣ୍ଡିରେ ଦେଖିବାକୁ ମିଳିଛି ମିଲରଙ୍କ ମର୍ଜି । ଅମଳ ଧାନ ବିକ୍ରି ପାଇଁ ମଣ୍ଡିକୁଆସିଥିଲେ ଚାଷୀ । ଭାବିଥିଲେ ଧାନ ବିକ୍ରି ହେଲେ ହାତକୁଦି ପଇସା ଆସିବ । ହେଲେ ମିଲର ପୂରାଇଛନ୍ତି କେଁ । ନିଜ କଷ୍ଟ ଅର୍ଜିତ ଫସଲକୁ ଶୀତ କାକରରେ ଜଗି, ପଡ଼ିରହୁଛନ୍ତି ଚାଷୀ । ସରକାରୀ ଘୋଷଣାର ମାସକପରେ ତ ମଣ୍ଡି ଖୋଳିଲା । ଏଣେ ଏଫଏକ୍ୟୁ ମାନର ଧାନରୁ କ୍ବିଣ୍ଟାଲ ପିଛା ୨ରୁ ୫ କେଜି କାଟିନେବାକୁ ଅଡ଼ି ବସିଛନ୍ତି ମିଲର । ତେଣୁ ମଣ୍ଡିରୁ ଧାନଉଠିପାରୁନାହିଁ । ରାୟଗଡ଼ାରେ ବି ଚାଷୀ ସମାନ ଦୁର୍ଦ୍ଦଶାରଶିକାର । ଚଳିତ ବର୍ଷ ମିଲର ସିଧାସଳଖ ଧାନ ନକିଣିବାକୁ ନିଷ୍ପତ୍ତି ନେଇଛନ୍ତି । ମିଲର ସଂଘର ଅଭିଯୋଗହେଲା ଏଥର ବି ଧାନ କିଣା ଟାର୍ଗେଟ୍ ରେ ଜାଲିଆତି ହୋଇଛି । ଚଳିତ ବର୍ଷ କୋଉ ମିଲର କେତେ ଧାନ କିଣିବେବର୍ତ୍ତମାନ ସୁଦ୍ଧା ତାହାର ତାଲିକା ଯୋଗାଣ ବିଭାଗ ପ୍ରଦାନ କରିନି । କୋଉ ମଣ୍ଡିରୁ କୋଉ ମିଲର ଧାନକିଣିବେ ତାହା ବି ଅବଗତ କରାଯାଇନି । ଫଳରେ ମିଲର ଅସହଯୋଗ କରୁଛନ୍ତି, ଆଉ ଏପଟେ ଚାଷୀ ମୁଣ୍ଡରେ ଚଡ଼କପଡ଼ିଛି ।

131 Views

   You May Also Like