Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||

କାନାଡା ଉପରେ ଭାରତ ଖପ୍ପା : ଜଷ୍ଟିନ୍ ଟ୍ରୁଡୋଙ୍କ ବୟାନକୁ ନେଇ ବିଦେଶ ମନ୍ତ୍ରାଳୟର ତୀବ୍ର ପ୍ରତିକ୍ରିୟା, ଆଭ୍ୟନ୍ତରୀଣ ମାମଲାରେ ମୁଣ୍ଡ ପୁରାଅନି

4/12/2020 at 4:57 PM

ନୂଆଦିଲ୍ଲୀ ୦୪/୧୨ : କାନାଡାର ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡୋ ଚାଷୀ ଆନ୍ଦୋଳନକୁ ନେଇ ଦେଇଥିବା ଟିପ୍ପଣୀକୁ କଡା ନିନ୍ଦା କରିଛି ଭାରତ । ଶୁକ୍ରବାର ନୂଆଦିଲ୍ଲୀ ସ୍ଥିତ କାନାଡା ଉଚ୍ଚାୟୁକ୍ତଙ୍କୁ ଏ ବାବଦରେ ତାଗିଦ କରିଛି ବିଦେଶ ମନ୍ତ୍ରାଳୟ । ଭାରତୀୟ ବିଦେଶ ମନ୍ତ୍ରାଳୟ କହିଛି ଯେ, ଚାଷୀଙ୍କ ମୁଦ୍ଦାକୁ ନେଇ କାନାଡା ନେତାମାନଙ୍କର ଟିପ୍ପଣୀ ଆଦୌ ଗ୍ରହଣୀୟ ନୁହେଁ ଏବଂ ସେମାନେ ଭାରତର ଆଭ୍ୟନ୍ତରୀଣ ମାମଲା​‌ରେ ଅସ୍ତକ୍ଷେପ କରିବା ଉଚିତ ନୁହେଁ ।  

ବିଦେଶ ମନ୍ତ୍ରାଳୟ ଉଚ୍ଚାୟୁକ୍ତଙ୍କୁ କହିଛି ଯେ, ଚାଷୀଙ୍କ ମୁଦ୍ଦାରେ କାନାଡା ପ୍ରଧାନମନ୍ତ୍ରୀ, କିଛି କ୍ୟାବିନେଟ୍ ମନ୍ତ୍ରୀ ଏବଂ ସାଂସଦଙ୍କ ଟିପ୍ପଣୀ ଆମର ଆଭ୍ୟନ୍ତରୀଣ ମାମଲାରେ ହସ୍ତକ୍ଷେପ କରୁଛି । ଏହାକୁ ଆଦୌ ସ୍ବୀକାର କରାଯିବ ନାହିଁ । ଯଦି ଆଗକୁ ଏଭଳି ଟିପ୍ପଣୀ ଜାରି ରହିବ ତେବେ ଭାରତ ଏବଂ କାନାଡା ମଧ୍ୟରେ ଥିବା ସମ୍ପର୍କ ଉପରେ ପ୍ରଭାବ ପଡିବ ।

କନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଭାରତରେ ଜାରି ରହିଥିବା ଚାଷୀ ଆନ୍ଦୋଳନକୁ ନେଇ ଟିପ୍ପଣୀ ଦେଇଥିଲେ । ସେ କହିଥିଲେ ଯେ, ଶାନ୍ତିପୂର୍ଣ୍ଣ ପ୍ରଦର୍ଶନକାରୀଙ୍କ ରକ୍ଷା ପାଇଁ କାନାଡା ସର୍ବଦା ଛିଡା ହୋଇଛି । ସେ ତାଙ୍କ ବୟାନରେ ଚାଷୀଙ୍କୁ ସମର୍ଥନ କରିବା ସହିତ ଭାରତରେ ସ୍ଥିତି ଚିନ୍ତାଜନକ ଥିବା କହିଥିଲେ ।

ଗୁରୁ ନାନକ ଦେବଙ୍କ ୫୫୧ ତମ ଜନ୍ମ ଜୟନ୍ତୀ ଉପଲକ୍ଷେ ଅନଲାଇନ କାର୍ଯ୍ୟକ୍ରମ ଜରିଆରେ ଜଷ୍ଟିନ୍ ଟ୍ରଡୋ କହିଥିଲେ, ଭାରତରେ ଚାଷୀମାନଙ୍କ ଦ୍ବାରା ଆନ୍ଦୋଳନ କରାଯାଉଥିବା ଖବର ଆସିଛି । ସ୍ଥିତି ଚିନ୍ତାଜନକ, ଆମେ ମାନେ ଆମ ପରିବାର ଏବଂ ବନ୍ଧୁ ପରିଜନଙ୍କୁ ନେଇ ଚିନ୍ତାରେ ଅଛୁ । , ଶାନ୍ତିପୂର୍ଣ୍ଣ ପ୍ରଦର୍ଶନକାରୀଙ୍କ ରକ୍ଷା ପାଇଁ କାନାଡା ସର୍ବଦା ଛିଡା ହୋଇଛି ବୋଲି ସେ ତାଙ୍କ ବୟାନରେ କହିଥିଲେ ଯାହାକୁ ନେଇ ଭାରତର ବିଦେଶ ମନ୍ତ୍ରାଳୟ ତୀବ୍ର ପ୍ରତିକ୍ରିୟା ପ୍ରକାଶ କରିଛି ।

   Related Posts