Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||
  • ଶୀତ ଖେଳୁଛି ଲୁଚକାଳି : ଆଜି ବଢିବ ଥଣ୍ଡା, କିନ୍ତୁ କାଲି କମିଯିବ
  • ||
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||

୭ ଦିନରେ ଗଲାଣି ୪ କୃଷକଙ୍କ ଜୀବନ ତଥାପି ଜିଦ୍‌ରେ ଅଟଳ: ଆନ୍ଦୋଳନରେ ପ୍ରାଣ ହରାଇଥିବା କୃଷକଙ୍କ ପରିବାରକୁ କ୍ଷତିପୂରଣ ଦାବି

3/12/2020 at 12:30 PM

ନୂଆଦିଲ୍ଲୀ ୦୩/୧୨ : କୃଷି ଆଇନ ବିରୋଧରେ ଆନ୍ଦୋଳନ କରୁଥିବା କୃଷକ ପଛକୁ ହଟିବା ପାଇଁ ନାରାଜ। ବୁଧବାର ରାତିରେ ଜଣେ କୃଷକଙ୍କ ମୃତ୍ୟୁ ହୋଇଛି। ବହାଦୁରଗଡ଼ ସୀମାରେ ୬୦ ବର୍ଷ ବୟସ୍କ ଗୁରଜତ ସିଂହଙ୍କ ମୃତ୍ୟୁ ହୋଇଛି। ଗତ ୭ ଦିନ ମଧ୍ୟରେ ୪ ଚାଷୀଙ୍କ ଜୀବନ ଗଲାଣି। ଏହି ମାମଲାରେ ଭାରତୀୟ ଚାଷୀ ସଂଗଠନ ଏକତା ଉଗରାହାଂର ରାଜ୍ୟ ଉପାଧ୍ୟକ୍ଷ ଜୋଗୀନ୍ଦର ସିଂହ କହିଛନ୍ତି ଯେ ଗୁରଜତ ସିଂହଙ୍କ ଘର ବଛୋଆନାରେ ଏବଂ ସେ କୃଷି ଆଇନ ବିରୋଧୀ ଆନ୍ଦୋଳନରେ ସାମିଲ ହୋଇଥିଲେ ଓ ଖନୌରି ସୀମା ଦେଇ ଦିଲ୍ଲୀରେ ପହଞ୍ଚିଥିଲେ।

ନଭେମ୍ବର ୨୬ ତାରିଖରେ ହଠାତ ତାଙ୍କ ସ୍ୱାସ୍ଥ୍ୟ ବିଗିଡି ଯାଇଥିଲା। ତାଙ୍କୁ ଗୁରୁତର ଅବସ୍ଥାରେ ବହାଦୁରଗଡ଼ ନିଆଯାଇଥିଲା। ପ୍ରାଥମିକ ଉପଚାର ପରେ ତାଙ୍କୁ ହିସାର ଓ ପରେ ଟୋହାନା ଯିବା ବାଟରେ ତାଙ୍କର ମୃତ୍ୟୁ ହୋଇଥିଲା। ସେ କହିଛନ୍ତି ଯେ ଆନ୍ଦୋଳନରେ ଚାଷୀ ନିଜ ପ୍ରାଣ ବଳି ଦେଉଛନ୍ତି କିନ୍ତୁ ମୋଦି ସରକାର କିଛି ଶୁଣୁନାହାନ୍ତି। ଆନ୍ଦୋଳନରେ ପ୍ରାଣ ହରାଇଥିବା ଚାଷୀ ପରିବାରକୁ କ୍ଷତିପୂରଣ ଓ ପରିବାରର ଜଣେ ସଦସ୍ୟଙ୍କୁ ସରକାରୀ ଚାକିରୀ ଦେବାକୁ ସେ ଦାବି କରିଛନ୍ତି।

ନିଜ ଘର ଛାଡି, ଏହିଭଳି ଥଣ୍ଡାରେ ନିଜ ଜୀବନକୁ ଖାତିର ନ କରି ଚାଷୀ ଦିଲ୍ଲୀ ସୀମାରେ ଆନ୍ଦୋଳନ କରୁଛନ୍ତି। ଆନ୍ଦୋଳନରତ ଚାଷୀ ନିଜ ଜିଦରେ ଅଟଳ। ଚାଷୀ କହିଛନ୍ତି ଯେ ସେମାନେ ଲମ୍ବା ସଂଘର୍ଷ ପାଇଁ ପ୍ରସ୍ତୁତ। ତାଙ୍କ ଦବି ପୁରାଣ ନ ହେବ ଯାଏଁ ଚାଷୀ ପଛକୁ ହଟିବେନି ବୋଲି ସଫାସଫା କହିଛନ୍ତି। ମାସ ମାସ ଯାଏଁ ଯଦି ସେମାନଙ୍କୁ ରାସ୍ତାରେ ଜୀବନ ବିତାଇବାକୁ ପଡେ ତାହେଲେ ମଧ୍ୟ ରାଜି ଅଛନ୍ତି ବୋଲି କହିଛନ୍ତି। ଏଥିପାଇଁ ଚାଷୀ ରାସନରୁ ଆରମ୍ଭ କରି ଜରୁରୀ ଔଷଧ ଏବଂ ଅନ୍ୟାନ୍ୟ ଆବଶ୍ୟକୀୟ ସାମଗ୍ରୀ ସାଙ୍ଗରେ ଧରି ଆସିଛନ୍ତି।

   Related Posts