Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||
  • ଭୁବନେଶ୍ବର : ସାଲିଆ ସାହିରୁ ୫ଶହ ଲିଟରରୁ ଅଧିକ ଦେଶୀ ମଦ ଜବତ, ୯ ଅଭିଯୁକ୍ତ ଗିରଫ
  • ||

ସୁପ୍ରିମକୋର୍ଟଙ୍କ ଦ୍ଵାରା ଗଠିତ କମିଟିକୁ ଖାରଜ କଲେ କୃଷକ ସଂଗଠନ, କହିଲେ- ଏଥିରେ ଥିବା ସମସ୍ତ ସଦସ୍ୟ ସରକାରଙ୍କ ସମର୍ଥକ

12/01/2021 at 6:23 PM

ନୂଆଦିଲ୍ଲୀ ୧୨।୦୧: ତିନି କୃଷି ଆଇନ ବିରୋଧରେ ଏକ ମାସରୁ ଅଧିକ ସମୟ ହେବ ଦିଲ୍ଲୀ ସୀମାରେ ଆନ୍ଦୋଳନ କରୁଥିବା କୃଷକ ଏହି ମାମଲାରେ ସୁପ୍ରିମକୋର୍ଟଙ୍କ ପକ୍ଷରୁ ଆସିଥିବା ନିଷ୍ପତ୍ତିକୁ ନେଇ ବିଚାର ବିମର୍ଶ ଚଳାଇଛନ୍ତି। ସୁପ୍ରିମକୋର୍ଟ ସମସ୍ୟାର ସମାଧାନ ପାଇଁ ଚାରି ସଦସ୍ୟ ବିଶିଷ୍ଟ କମିଟି ଗଠନ କରିଛନ୍ତି। କିନ୍ତୁ କୃଷକ ସଂଗଠନ ସୁପ୍ରିମକୋର୍ଟଙ୍କ ଏହି ନିଷ୍ପତ୍ତିକୁ ମାନିବାକୁ ମନା କରି ଦେଇଛନ୍ତି। ସଂଗଠନର କହିବା କଥା ସର୍ବୋଚ୍ଚ ନ୍ୟାୟାଳୟଙ୍କ କମିଟିରେ ସମସ୍ତ ଲୋକ ସରକାରଙ୍କ ସମର୍ଥକ। ତେଣୁ ସଂଗଠନ କମିଟି ସାମ୍ନାକୁ ଯିବେ ନାହିଁ। କୃଷକ ସଂଗଠନ ଉକ୍ତ କମିଟିକୁ ଖାରଜ କରିଛନ୍ତି।

କ୍ରାନ୍ତିକାରୀ କିଷାନ ୟୁନିୟନର ପ୍ରମୁଖ ଦର୍ଶନ ପାଲ କହିଛନ୍ତି ଆମେ ଗତକାଲି ବିଳମ୍ବିତ ରାତ୍ରିରେ ବିଜ୍ଞପ୍ତି ଜାରି କରି କହିଥିଲେ ଯେ ଆମେ ମଧ୍ୟସ୍ଥତା ଲାଗି ସୁପ୍ରିମକୋର୍ଟଙ୍କ କମିଟି ଗଠନ ପ୍ରସ୍ତାବକୁ ସ୍ଵୀକାର କରିବେ ନାହିଁ। ଆମେ ଆତ୍ମ ବିଶ୍ଵାସର ସହ କହି ପାରିବୁ ଯେ, କେନ୍ଦ୍ର ନିଜ କାନ୍ଧରୁ ଭାର ହଟାଇବା ଲାଗି ସୁପ୍ରିମକୋର୍ଟଙ୍କ ଜରିଆରେ କମିଟି ଗଠନ କରିଛି।

କୃଷକ ନେତା ରାକେଶ ଟିକାୟତ କହିଛନ୍ତି ଦେଶର କୃଷକ ନ୍ୟାୟାଳୟଙ୍କ ନିଷ୍ପତ୍ତିରେ ନିରାଶ। ଅଶୋକ ଗୁଲାଟିଙ୍କ ଅଧ୍ୟକ୍ଷତାରେ କମିଟି ଗଠିତ ହୋଇଛି। ଗୁଲାଟି ହିଁ କୃଷି ଆଇନ ସୁପାରିସ କରିଥିଲେ ବୋଲି ଟିକାୟତ କହିଛନ୍ତି।

ରାକେଶ ଟିକାୟତ ଟ୍ଵିଟ୍ କରିଛନ୍ତି ଯେ, ମାନନୀୟ ସର୍ବୋଚ୍ଚ ନ୍ୟାୟାଳୟ ଦ୍ଵାରା ଗଠିତ କମିଟିର ସମସ୍ତ ସଦସ୍ୟ ଖୋଲା ବଜାର ବ୍ୟବସ୍ଥା କିମ୍ଵା ଆଇନର ସମର୍ଥକ ଅଟନ୍ତି। ଅଶୋକ ଗୁଲାଟିଙ୍କ ଅଧ୍ୟକ୍ଷତାରେ ଗଠିତ କମିଟି ହିଁ ଏହି ଆଇନ୍‌ ଲାଗୁ କରିବାକୁ ସୁପାରିସ୍ କରିଥିଲା। ତେଣୁ ଦେଶର କୃଷକ ଏହି ନିଷ୍ପତ୍ତିରେ ନିରାଶ ଅଛନ୍ତି।

ରାକେଶ ଟିକାୟତ କହିଛନ୍ତି କୃଷକଙ୍କ ଦାବି ନୂତନ କୃଷି ଆଇନ ରଦ୍ଦ କରାଯାଉ ଏବଂ ସର୍ବନିମ୍ନ ସହାୟକ ମୂଲ୍ୟ ପାଇଁ ଆଇନ ତିଆରି ହେଉ। ଯେ ପର୍ଯ୍ୟନ୍ତ ଏହି ଦାବି ପୂରଣ ନହୋଇଛି ସେ ପର୍ଯ୍ୟନ୍ତ ଆନ୍ଦୋଳନ ଜାରି ରହିବ। ସର୍ବୋଚ୍ଚ ନ୍ୟାୟାଳୟଙ୍କ ଆଦେଶ ଉପରେ ବିଚାର ବିମର୍ଶ କରି ଆସନ୍ତାକାଲି କୃଷକ ମୋର୍ଚ୍ଚା ଆଗାମୀ ରଣନୀତି ଘୋଷଣା କରିବ।

   Related Posts