ସୁବର୍ଣ୍ଣପୁର୧୦/୧୧- ଚକଡା ପୋକ ଉଜାଡିଦେଲା ସୁନାର ଫସଲ । ଜିଲ୍ଲା ପ୍ରଶାସନକୁ ଜଣାଇବା ସତ୍ତ୍ବେ କୌଣସି ପଦକ୍ଷେପ ନିଆଯାଇ ନାହିଁ। ଶେଷରେ ହତାଶ ହୋଇ ଧାନ ବିଲରେ ଚାଷୀ ନିଆଁ ଲଗାଇ ଦେଇଛନ୍ତି । ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ରାଣିସରର୍ଡା ପଞ୍ଚାୟତରେ ଦେଖିବାକୁ ମିଳିଛି ଏଭଳି ଦୃଶ୍ୟ ।
ଶହଶହ ଏକର ଧାନ ବିଲରେ ଚକଡା ଆତଙ୍କ ଯୋଗୁଁ ଚାଷୀ ମୁଣ୍ଡରେ ଚଢ଼କ ପଡିଛି । ଚଳିତ ବର୍ଷ ଭଲ ଅମଳର ଆଶା ନେଇ ଅନେକ ଚାଷୀ ଧାର କରଜ କରି ଧାନ ଚାଷ କରିଥିଲେ । ହେଲେ ଠିକଣା ସମୟରେ ଚକଡା ପୋକ ପ୍ରଭାବରେ ଧାନ ନଷ୍ଟ ହୋଇ ଯାଇଛି।
କୃଷି ବିଭାଗ ଅଧତ୍କାରୀଙ୍କ ପରାମର୍ଶରେ କୀଟନାଶକ ମଧ୍ୟ ପ୍ରୟୋଗ କରିଥିଲେ । କିନ୍ତୁ କିଛି ବି କାମ ଦେଲାନି । କୃଷି ବିଭାଗ ଅଧିକାରୀଙ୍କଠୁ ଆରମ୍ଭ କରି ପ୍ରଶାସନିକ ଅଧିକାରୀଙ୍କ ସହଯୋଗ ଲୋଡିଲେ ହେଲେ କାହାରିଠୁ ସନ୍ତୋଷଜନକ ଉତ୍ତର ନ ମିଳିବାରୁ ଶେଷରେ ହତାଶ ହୋଇ ଧାନଚାଷରେ ନିଆଁ ଲଗାଇ ଦେଇଛନ୍ତି ।ରାଣୀସର୍ଡା ପଞ୍ଚାୟତରେ ଫସଲ ଜାଳିଦେଲେ ଚାଷୀ।
