Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

କୃଷି ସଚେତନତା ଉପରେ ସୋଆର କର୍ମଶାଳା, ଯୋଗଦେଲେ ୫୦ରୁ ଉର୍ଦ୍ଧ୍ୱ ଚାଷୀ ଓ କୃଷକ ଉତ୍ପାଦକ ସଂଘ

26/10/2021 at 8:06 PM

ଭୁବନେଶ୍ୱର, ୨୬।୧୦: କୃଷକମାନେ ମିଳିତ ଭାବେ କୃଷି କାର୍ଯ୍ୟ କରନ୍ତୁ । ଏକାଠି ଗୋଟିଏ ଉତ୍ପାଦ ଉପରେ କୃଷି ଅଧିକ ଫଳପ୍ରଦ ହେବ ଏବଂ ସେମାନଙ୍କର ଉତ୍ପାଦ ମଧ୍ୟ ଠିକ୍‌ ମୂଲ୍ୟରେ ଅଧିକ ଆକାରରେ ବିକ୍ରି ହୋଇପାରିବ ବୋଲି କହିଛନ୍ତି ଓରିଗୋର କମୋଡିଟିଜ୍‌ ଇଣ୍ଡିଆ ପ୍ରାଇଭେଟ୍‌ ଲିମିଟେଡ୍‌ର ଉପାଧ୍ୟକ୍ଷ ଶ୍ରୀ କ୍ରିଷ୍ଣା ବୀର ସିଂ । ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ କୃଷି ମହାବଦିଦ୍ୟାଳୟ ଲାଇଭଲିହୁଡ ଅଲଟରନେଟିଭ ଓ ସିଦ୍ଧ ଡେଭେଲପ୍‌ମେଂଟ ରିସର୍ଚ୍ଚ ଆଣ୍ଡ କନ୍‌ସଲ୍‌ଟାନ୍ସି ମିଳିତ ଆନୁକୂଲ୍ୟରେ ଆୟୋଜିତ କୃଷକ ସଚେତନତା କର୍ମଶାଳାରେ ମୁଖ୍ୟ ଅତିଥି ରୂପେ ଯୋଗ ଦେଇ ଶ୍ରୀ ସିଂ କୃଷକମାନଙ୍କ ଉଦ୍ଦେଶ୍ୟରେ ଏହି ବକ୍ତବ୍ୟ ରଖିଛନ୍ତି ।

ଏହି କର୍ମଶାଳାର ଉଦ୍‌ଘାଟନୀ ସଭାରେ ସୋଆ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଏଗ୍ରିକଲ୍‌ଚରାଲ୍‌ ସାଇନ୍‌ସେସର ଡିନ୍‌ ପ୍ରଫେସର ବିଜୟ କୁମାର ସାହୁ, ସ୍ନାତକତ୍ତୋର ଡିନ୍‌ ପ୍ରଫେସର ପ୍ରେମାନନ୍ଦ ମହାପାତ୍ର, ଛାତ୍ର ମଙ୍ଗଳ ଡିନ୍‌ ପ୍ରଫେସର ଜ୍ୟୋତି ରଞ୍ଜନ ଦାସ, ଆଡିସ୍‌ନାଲ୍‌ ଡିନ୍‌ (ରିସର୍ଚ୍ଚ) ଡ.ପ୍ରିୟବ୍ରତ ପଟ୍ଟନାୟକ, ଲାଇଭଲିହୁଡ ଅଲଟରନେଟିଭର ଅଧ୍ୟକ୍ଷ ଶ୍ରୀ ସମ୍ବିତ ତ୍ରିପାଠୀ ଏବଂ ଏସଡିଆରସିର ଅଧ୍ୟକ୍ଷ ଶ୍ରୀ ରତ୍ନାକର ପାଣିଗ୍ରାହୀ ଯୋଗ ଦେଇଥିଲେ ।

ଶ୍ରୀ ସମ୍ବିତ ତ୍ରିପାଠୀ ସମସ୍ତଙ୍କ ପରିଚୟ ପ୍ରଦାନ କରିବା ସହିତ ଚାଷୀମାନଙ୍କୁ ସେମାନଙ୍କର କୃଷିଜାତ ଦ୍ରବ୍ୟର ସଠିକ୍‌ ମୂଲ୍ୟ ପାଇବା ପାଇଁ ବଜାରର ସୁବିଧା ସୁଯୋଗ ବିଷୟରେ ଅବଗତ କରାଇଥିଲେ । ସଭାରେ ଚାଷୀଙ୍କୁ ଉପଯୁକ୍ତ ବଜାର ସହ ସଂଯୋଗୀକରଣର ମାଧ୍ୟମ ଉପରେ ଆଲୋକପାତ କରାଯିବା ସହ ଚାଷୀମାନଙ୍କର କୃଷି ସମ୍ବନ୍ଧୀୟ ସମସ୍ୟା ଉପରେ କୃଷି ମହାବିଦ୍ୟାଳୟର ବୈଜ୍ଞାନିକମାନେ ଆଲୋଚନା କରିଥିଲେ ।

ଏହି ସଭାର ଦ୍ୱିତୀୟାର୍ଦ୍ଧରେ ନାଫେଡର ଶାଖା ପ୍ରବନ୍ଧକ ଶ୍ରୀମତୀ ଭବ୍ୟା ଆନନ୍ଦ, ସହଭାଗୀ ବିକାଶ ଅଭିଯାନର ଅଧ୍ୟକ୍ଷ ଶ୍ରୀ ଜଗଦୀଶ ପ୍ରଧାନ ଯୋଗଦେଇ କୃଷକ ଉତ୍ପାଦକ ସଂଘର କାର୍ଯ୍ୟକାରିତା ଏବଂ ସଫଳତାର ଆଧାର ଉପରେ ସଂକ୍ଷିପ୍ତ ବିବରଣୀ ପ୍ରଦାନ କରିଥିଲେ । ଏହା ସହିତ ଇନ୍‌ଟେଲୋ ଲ୍ୟାବର କର୍ମକର୍ତ୍ତାମାନେ ଚାଷୀମାନଙ୍କୁ କୃଷିରେ ପ୍ରୟୋଗ ହୋଇପାରୁଥିବା କୃତ୍ରିମ ବୁଦ୍ଧିମତା ବିଷୟରେ ଅବଗତ କରାଇଥିଲେ । କୃଷକମାନେ ସ୍ଥାନୀୟ ଅଂଚଳରେ ବ୍ୟବହାର କରାଯାଉଥିବା ପଦାର୍ଥ ଅଧିକ ଉତ୍ପାଦନ କଲେ ସେମାନଙ୍କର ରୋଜଗାର ବଢ଼ିବା ସହ ବଜାରର ଚାହିଦା ମଧ୍ୟ ମେଂଟାଇହେବ ବୋଲି ଉପସ୍ଥିତ ଅତିଥିମାନେ ମତ ପ୍ରକାଶ କରିଥିଲେ ।

ଏହି ସଭାରେ ୫୦ରୁ ଉର୍ଦ୍ଧ୍ୱ ଚାଷୀ ଓ କୃଷକ ଉତ୍ପାଦକ ସଂଘର ପରିଚାଳକମାନେ ଯୋଗ ଦେଇ ଆଲୋଚନାରେ ଭାଗ ନେଇଥିଲେ । ଏହି କର୍ମଶାଳାରେ କୃଷି ମହାହବିଦ୍ୟାଲୟର ସମସ୍ତ ବିଭାଗୀୟ ମୁଖ୍ୟ ଯଥା ଡ. ଜଗମୋହନଲାଲ ଗୁଲାଟି, ଡ. ଦୀନବନ୍ଧୁ ଜେନା, ଡ.ଅଜୟ ପଟ୍ଟନାୟକ, ଡ. ବିଜୟ କୁମାର ମିଶ୍ର, ଡ. କାର୍ତ୍ତିକ ଚନ୍ଦ୍ର ସାହୁ, ଡ. ରବୀନ୍ଦ୍ର କୁମାର ରାଜ, ଡ. ହୃଦାନନ୍ଦ ଅତିବୁଦ୍ଧୀ, ଡ. ଶିଶିରକାନ୍ତ ବେହେରା, ଡ.ମନମୋହନ ଦଳବେହେରା, ଡ. ସୁରେନ୍ଦ୍ର ନାୟକ ଓ ଡ. ନିରଞ୍ଜନ ନାୟକ ଉପସ୍ଥିତ ଥିଲେ । କୃଷି ମହାବିଦ୍ୟାଳୟ ତରଫରୁ ଡ. ଶୁଭପ୍ରଦ ଦାଶ ଏବଂ ଡ. ଅଂଶୁମାନ ଜେନା ଓ ଲାଇଭଲିହୁଡ ଅଲଟରନେଟିଭ ତରଫରୁ ଶ୍ରୀ ସନ୍ଦୀପ ସାମଲ ଏହି କାର୍ଯ୍ୟକ୍ରମ ପରିଚାଳନା କରିଥିଲେ ।

   Related Posts