Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

୨୯’ରେ ସରକାରଙ୍କ ସହ ସସର୍ତ୍ତ ଆଲୋଚନା କରିବାକୁ ପ୍ରସ୍ତୁତ ଚାଷୀ, ୩୦’ରେ ଟ୍ରାକ୍ଟର ରାଲି ପାଇଁ ଆହ୍ବାନ

26/12/2020 at 8:01 PM

ନୂଆଦିଲ୍ଲୀ ୨୬/୧୨: ଦିଲ୍ଳୀ ବର୍ଡରରେ ନୂଆ କୃଷି ନିୟମ ବିରୋଧରେ ହଜାର ହଜାର କୃଷକ ୩୧ ଦିନ ହେଲା ଗର୍ଜୁଛନ୍ତି। ଗୋଟିଏ ଜିଦ, ସରକାର ନୂଆ କୃଷି ନିୟମ ପ୍ରତ୍ୟାହାର କରିନିଅ। ଏହା ଉପରେ ବାରମ୍ବାର ବୈଠକ ପରେ ବି କୌଣସି ନିଷ୍କର୍ଶ ବାହାରି ପାରିନାହିଁ। ପୁଣିଥରେ ଆଲୋଚନା ପାଇଁ ନିକଟରେ ସରକାର କୃଷକ ସଂଗଠନଙ୍କୁ ପତ୍ର ଲେଖିଥିଲେ। ଏହାର ଜବାବରେ ସରକାରଙ୍କ ସହ ଆଲୋଚନା କରିବାକୁ ୨୯ ତାରିଖ ଦିନ ଧାର୍ଯ୍ୟ କରିଛନ୍ତି କୃଷକ ସଂଗଠନ। ବୈଠକ ପାଇଁ ସରକାରଙ୍କୁ ପ୍ରସ୍ତାବ ଦେବା ସହ ନିଜର ୪ ଦାବି ମଧ୍ୟ ପଠାଇଥିବା ଜଣାପଡ଼ିଛି।

ଡିସେମ୍ବର ୨୯ ସକାଳ ୧୧ରେ ଆଗାମୀ ବୈଠକ ସରକାର ଡାକନ୍ତୁ ବୋଲି ସଂଯୁକ୍ତ କୃଷକ ସଂଗଠନ ପ୍ରସ୍ତାବ ଦେଇଛନ୍ତି। ଏହା ସହ ଆଲୋଚନା ପାଇଁ କୃଷି ମନ୍ତ୍ରାଳୟ ପକ୍ଷରୁ ପଠାଯାଇଥିବା ଚିଠିର ଜବାବରେ କୃଷକ ସଂଗଠନ କହିଛନ୍ତି, ‘ଏହି ଚିଠିରେ ବି ସରକାର ଗତ ବୈଠକର ତଥ୍ୟ ଲୋକଙ୍କୁ ଲୁଚାଇ ଭୁଆଁ ବୁଲାଇବାକୁ ଚେଷ୍ଟା କରିଛନ୍ତି। ଆମେ ପ୍ରତି ଆଲୋଚନାରେ ୩ ନୂଆ କୃଷି ନିୟମ ପ୍ରତ୍ୟାହାର ପାଇଁ ଦାବି କରିଛୁ। ସରକାର ଏହାକୁ ଭାଙ୍ଗି ଯୋଡ଼ି ଏମିତି ଦର୍ଶାଇଲେ ଯେ, ସତେ ଯେପରି ଆମେ ନିୟମ ସଂଶୋଧନ ପାଇଁ ଦାବି କରିଛୁ।’

ଅନ୍ୟପଟେ ଚାଷୀ ନେତା ଦର୍ଶନ ପାଲ କହିଛନ୍ତି, ଡିସେମ୍ବର ୩୦ରେ କୁଣ୍ଡଳି-ମାନେସାର-ପାଲଓ୍ବାର ଜାତୀୟ ରାଜପଥ ଉପରେ ନୂଆ କୃଷି ନିୟମ ବିରୋଧରେ କୃଷକମାନେ​‌ ଟ୍ରାକ୍ଟର ରାଲି କରିବେ। ଏହା ସହ ଦିଲ୍ଲୀବାସୀ ଓ ଅନ୍ୟ ସ୍ଥାନର ବାସିନ୍ଦା କୃଷକମାନଙ୍କ ସହ ଆନ୍ଦୋଳନ କରି ନୂଆବର୍ଷ ପାଳନ କରନ୍ତୁ ବୋଲି ଦର୍ଶନ ପାଲ ଅନୁରୋଧ କରିଛନ୍ତି।

   Related Posts