Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||
  • ଭୁବନେଶ୍ବର : ସାଲିଆ ସାହିରୁ ୫ଶହ ଲିଟରରୁ ଅଧିକ ଦେଶୀ ମଦ ଜବତ, ୯ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୬ ଛୁଇଁଲା ମୃତକଙ୍କ ସଂଖ୍ୟା
  • ||

ଟୋକନ୍ ବ୍ୟବସ୍ଥା ଓ ଏସଏଚଜି ମାଧ୍ୟମରେ ଧାନକିଣା ବ୍ୟବସ୍ଥାକୁ ଚାଷୀଙ୍କ ବିରୋଧ

20/11/2019 at 11:02 AM

ସୋନପୁର ୨୦।୧୧: ନଭେମ୍ବର ୧୫ ତାରିଖରୁ ସୁବର୍ଣ୍ଣପୁର ଜିଲ୍ଲାରେ ଆରମ୍ଭ ହୋଇଛି ଖରିଫ ଋତୁର ଧାନକିଣା ପ୍ରକ୍ରୀୟା । ଜିଲ୍ଲାର ୯୬ ଟି ସ୍ଥାନରେ ଧାନ କିଣାଯିବା ପାଇଁ ବ୍ୟବସ୍ଥା ହୋଇଛି । ସେଥିମଧ୍ୟରେ ରହିଛି ୬୪ ଗୋଟି ପ୍ୟାକ୍ସ,୧୭ଗୋଟି ସବ୍ ସେଂଟର ଏବଂ ୧୫ ଗୋଟି ଏସଏଚଜି । ଚଳିତ ଖରିଫ ଋତୁରେ ଅଧିକ ଧାନ ଅମଳର ସମ୍ଭାବନା ଥିବାରୁ ୨ ଲକ୍ଷ ୧୫ ହଜାର ୧୪୭ ମେଟ୍ରିକ ଟନ୍ ଧାନ କ୍ରୟ କରିବାକୁ ଲକ୍ଷ୍ୟ ରଖିଛି ପ୍ରଶାସନ । ଧାନ ବିକ୍ରି କରିବାକୁ ଏପର୍ଯ୍ୟନ୍ତ ଜିଲ୍ଲାର ୪୭ ହଜାର ୯୯୦ ଜଣ ଚାଷୀ ସେମାନଙ୍କ ନାମ ପଂଜିକରଣ କରିଥିବା ଜିଲ୍ଲା ଯୋଗାଣ କହିଛି । ତେବେ ଏସବୁ ଭିତରେ ଚଳିତ ବର୍ଷ ସରକାର କରିଥିବା ଅନଲାଇନ ଟୋକନ ବ୍ୟବସ୍ଥାକୁ ବିରୋଧ କରିଛନ୍ତି ଚାଷୀ ।

ରାଜ୍ୟ ସରକାର ଏସଏଚଜି ମାଧ୍ୟମରେ ଧାନ କିଣିବାକୁ କରିଥିବା ବ୍ୟବସ୍ଥାକୁ ମଧ୍ୟ ବିରୋଧ କରିଛନ୍ତି ଚାଷୀ । ଏଯାଏଁ ଜିଲ୍ଲାର ଅନେକ ଚାଷୀ ଧାନ ଅମଳ କରିନଥିବାବେଳେ ସେମାନଙ୍କ ଟୋକନ ଜେନେରେଟ ହୋଇସାରିଛି । ସେହିଭଳି ଧାନ ଅମଳ କରି ବିକ୍ରି କରିବାକୁ ପ୍ରସ୍ତୁତ ହୋଇଥିବା ଚାଷୀର ଟୋକନ୍ ଜେନେରେଟ୍ ହୋଇପାରିନାହିଁ । ପୁର୍ବରୁ ଥିବା ମଣ୍ଡି ବ୍ୟବସ୍ଥାରେ ଚାଷୀ ଠିକ୍ ଭାବେ ଧାନ ବିକ୍ରି କରିନପାରି ହାଇରାଣ ହେଉଥିଲେ । ଏଣୁ କିଛି ସ୍ଥାନରେ ଏସଏଚଜି ମାଧ୍ୟମରେ ହୋଇଥିବା ଧାନ କିଣିବାର ବ୍ୟବସ୍ଥାରେ ଚାଷୀ ଠିକ୍ ଭାବେ ଧାନ ବିକ୍ରୀ କରିପାରିବେ ସେନେଇ ସନ୍ଦେହରେ ଅଛନ୍ତି । ଜିଲ୍ଲାର ଡୁଙ୍ଗୁରୀପାଲି ଏବଂ ବିନିକା ବ୍ଲକର  ଚାଷୀ ଜିଲ୍ଲାପାଳ ଏବଂ ଜିଲ୍ଲା ଯୋଗାଣ ଅଧିକାରୀଙ୍କୁ ଭେଟି ଅଭିଯୋଗ କରିଛନ୍ତି । ଅନଲାଇନ୍ ଟୋକନ୍ ବ୍ୟବସ୍ଥା ଏବଂ ଏସଏଚଜି ମାଧ୍ୟମରେ ଧାନକିଣା ବ୍ୟବସ୍ଥାକୁ ବନ୍ଦ ନକଲେ ଆଗକୁ ଆନ୍ଦୋଳନ କରିବାକୁ ଧମକ ଦେଇଛନ୍ତି । ସେପଟେ ଚାଷୀ କିଭଳି ସୁବିଧାରେ ଧାନ ବିକ୍ରି କରିପାରିବେ ସେନେଇ ବ୍ୟବସ୍ଥା କରାଯାଇଥିବା ଜିଲ୍ଲା ଯୋଗାଣ ଅଧିକାରୀ କହିଛନ୍ତି ।

   Related Posts