ନୂଆଦିଲ୍ଲୀ, ୨୫|୧୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର କିଷାନ ସମ୍ମାନ ନିଧି ଯୋଜନାର ପରବର୍ତ୍ତୀ କିସ୍ତୀ ପ୍ରଦାନ କରିବେ । ପିଏମଓ ଅନୁସାରେ ଗୋଟିଏ ବଟନ୍ ଚାପି ପ୍ରଧାନମନ୍ତ୍ରୀ ୯ କୋଟିଏରୁ ଅଧିକ କୃଷକଙ୍କୁ ୧୮ ହଜାର କୋଟି ଟଙ୍କା ପ୍ରଦାନ କରିବେ ।
ପିଏମଓର କହିବାନୁସାରେ, ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ୬ଟି ରାଜ୍ୟର କୃଷକଙ୍କ ସହ କଥାହେବେ । ପିଏମ-କିଷାନ ଓ କେନ୍ଦ୍ର ସରକାରଙ୍କ ଅନ୍ୟ କୃଷି କଲ୍ୟାଣ ଯୋଜନାକୁ ନେଇ କୃଷକମାନେ ନିଜର ଅଭିଜ୍ଞତା ମୋଦୀଙ୍କୁ କହିବେ ।
ଏହି ଯୋଜନାରେ ପ୍ରତିବର୍ଷ ତିନୋଟି କିସ୍ତୀରେ କୃଷକଙ୍କ ଖାତାରେ ୬୦୦୦ ଟଙ୍କା ପଠାଯାଏ । ୨୦୦୦ ଟଙ୍କାର ରାଶି ତିନୋଟି କିସ୍ତୀରେ କୃଷକଙ୍କ ଖାତାରେ ଡିପୋଜିଏ କରାଯାଏ । ଏହି କାର୍ଯ୍ୟକ୍ରମ ସେହି ସମୟରେ ହେଉଛି ଯେତେବେଳେ ଦିଲ୍ଲୀର ବିଭିନ୍ନ ସୀମାରେ କୃଷକମାନେ ଏକତ୍ର ହୋଇ ନୂଆ କୃଷି ଆଇନ ବିରୋଧରେ ଆନ୍ଦୋଳନ କରୁଛନ୍ତି । କିନ୍ତୁ ସରକାର କହୁଛନ୍ତି ଯେ, ଏହି ଆଇନ କୃଷକଙ୍କ ହିତକୁ ନଜରରେ ରଖି ଅଣାଯାଇଛି ।
wp:html/wp:htmlकल का दिन देश के अन्नदाताओं के लिए बेहद अहम है। दोपहर 12 बजे वीडियो कॉन्फ्रेंसिंग के जरिए 9 करोड़ से अधिक किसान परिवारों को पीएम-किसान की अगली किस्त जारी करने का सौभाग्य मिलेगा। इस अवसर पर कई राज्यों के किसान भाई-बहनों के साथ बातचीत भी करूंगा। #PMKisan https://t.co/MFVWDc63Xa
— Narendra Modi (@narendramodi) December 24, 2020
ଏନେଇ ପ୍ରଧାନମନ୍ତ୍ରୀ ଟ୍ୱିଟ୍ କରି କହିଛନ୍ତି ଯେ, ଶୁକ୍ରବାର ଦେଶର ଅନ୍ନଦାତାଙ୍କ ପାଇଁ ଅନେକ ଗୁରୁତ୍ୱପୂର୍ଣ୍ଣ । ଦିନ ୧୨ଟାକୁ ଭିଡିଓ କନଫରେନ୍ସିଂରେ ୯କୋଟିରୁ ଅଧିକ କୃଷକ ପରିବାରକୁ ପିଏମ-କିଷାନ ନିଧି ଯୋଜନାରେ ଲାଭ ମିଳିବ । ଏହି ଅବସରରେ ସେ ଅନେକ ରାଜ୍ୟର କୃଷକଙ୍କ ସହ ଆଲୋଚନା କରିବେ ବୋଲି ମଧ୍ୟ କହିଛନ୍ତି ।