ଭଦ୍ରକ ୦୪।୦୩: ଧାନ କିଣାରେ ବ୍ୟାପକ ଦୁର୍ନୀତି । ଅନିୟମିତତା ଓ ମଣ୍ଡିରେ ଅବ୍ୟବସ୍ଥା ଅଭିଯୋଗ ନେଇ ଅନ୍ନଦାତାଙ୍କ ଅନଶନ । ଯାହାକୁ ସମର୍ଥନ କରିଛି ଭଦ୍ରକ ଜିଲ୍ଲା ବିଜେପି । ଭଦ୍ରକ ଜିଲ୍ଲା ଭଣ୍ଡାରିପୋଖରୀ ବ୍ଲକ ବିଜେପି ତରଫରୁ ଅନ୍ନଦାତାଙ୍କ ଅନଶନ ଆୟୋଜିତ ହେଉଛି ।
ଭଦ୍ରକ ଜିଲ୍ଲାର ବିଭିନ୍ନ ବ୍ଲକ ଓ ସେବା ସମବାୟ ସମିତି ଅଧୀନରେ ଧାନ କିଣାରେ ବ୍ୟାପକ ଅନିୟମିତତା ଅଭିଯୋଗ ହେଉଛି । ଏପିରିକି ଅନେକ ଅଞ୍ଚଳର ଚାଷୀ ଧାନ ବିକ୍ରି ପାଇଁ ଟୋକନ ପାଇବା ପରେ ମଧ୍ୟ ଧାନ ବିକ୍ରି କରି ପାରୁନାହାନ୍ତି । ସେହିପରି ଅନ୍ୟପଟେ ଅନେକ ଚାଷୀ ଟୋକନ ପାଇବାର ଧାର୍ଯ୍ୟ ସମୟ ସରିଛି, କିନ୍ତୁ ଧାନ ବିକ୍ରି ହୋଇନାହିଁ । ଏପରି ଅନେକ ସମସ୍ୟାର ସମାଧାନ ଦାବିରେ ଭଣ୍ଡାରିପୋଖରୀ ବସଷ୍ଟାଣ୍ଡ ସମ୍ମୁଖରେ ବିଜେପି ଅନଶନରେ ବସିଛି । ତେବେ ଯେଉଁ ଚାଷୀଙ୍କର ଟୋକନ ଅଛି ଏବଂ ଯେଉଁ ଚାଷୀଙ୍କର ଟୋକନର ଧାର୍ଯ୍ୟ ତାରିଖ ସରିଯାଇଛି । ସେମାନଙ୍କ ଧାନ ସଂଗ୍ରହ କରାଯାଉ ବୋଲି ବିଜେପି ଦାବି କରିଛି । ଯଦି ପୂରଣ ନହୁଏ, ତେବେ ଆଗକୁ ଆନ୍ଦୋଳନ ଜୋରଦାର ହେବ ।