ଛତ୍ରପୁର ୪|୨:  ଗଞ୍ଜାମ ଜିଲ୍ଲା ହୁମ୍ମାଠାରୁ ଛତ୍ରପୁର ଜିଲ୍ଲାପାଳଙ୍କ କାର୍ଯ୍ୟାଳୟ ପର୍ଯ୍ୟନ୍ତ ସିପିଆଇ(ଏମ୍) ପକ୍ଷରୁ ବିଶାଳ ଚାଷୀ ପଦଯାତ୍ରା ଅନୁଷ୍ଠିତ ହୋଇଯାଇଛି । ପଦଯାତ୍ରାରେ ହଜାର ହଜାର ଚାଷୀ ସାମିଲ୍ ହୋଇଥିଲେ ।  ଧାନର ସର୍ବନିମ୍ନ ସହାୟକ ମୂଲ୍ୟ ୩ହଜାର ଟଙ୍କା କରିବା, କୁଇଣ୍ଟାଲ ପିଛା ୭୫୦ଟଙ୍କା ବୋନସ୍, ଚାଷୀଙ୍କୁ ମାସିକ ୩ହଜାର ଟଙ୍କା ପେନସନ୍,  ଦୈନିକ ମଜୁରୀ  ୬ଶହ ଟଙ୍କା କରିବା ଭଳି ପ୍ରମୁଖ ଦାବି ନେଇ ବିଶାଳ ପଦଯାତ୍ରା କରାଯାଇଥିଲା ସିପିଆଇ(ଏମ୍) ପକ୍ଷରୁ କୁହାଯାଇଛି । ଚାଷୀଙ୍କ ସ୍ବାର୍ଥ ପ୍ରତି ଯେଉଁ ସରକାର ଗୁରୁତ୍ବ ଦେଇନାହାନ୍ତି ସେହି ସରକାରକୁ ଗାଦିଚ୍ୟୁତ କରାଯିବ ବୋଲି କୁହାଯାଇଛି ।