ବରଗଡ଼ ୨୪/୧୧: କୁହାଯାଏ ଆଵଶ୍ୟକତା ହିଁ ଉଦ୍ଭାବନର ଜନନୀ । ତେଣୁ ଜଣେ ଅଳ୍ପ ଶିକ୍ଷିତ ଚାଷୀ ଶ୍ରମିକ ସମସ୍ୟା ଦୂର କରିବା ଲାଗି ନିଜସ୍ବ ଉଦ୍ୟମ ତଥା ସ୍ବଦେଶୀ ଜ୍ଞାନ କୌଶଳର ଉପଯୋଗ କରି ତିଆରି କରିଛନ୍ତି ଧାନ ଭରା ଯନ୍ତ୍ର ।

 ଏହି ଯନ୍ତ୍ର ଦେଖିବାକୁ ଖୁବ ସାଧାରଣ ଲାଗୁଥିଲେ ହେଁ ଯେହେତୁ ଅନ୍ୟ କେହି ଏ ବିଷୟରେ ଚିନ୍ତା କରିନଥିଲେ କି  ବ୍ୟବହାର ଆରମ୍ଭ କରି ନ ଥିଲେ ତେଣୁ ଏହି ଯନ୍ତ୍ରର ଗୁରୁତ୍ୱ ବହନ କରୁଛି ।

ଏହି ଯନ୍ତ୍ରର ଉଦ୍ଭାବକ ହେଉଛନ୍ତି ବରଗଡ଼ ଜିଲ୍ଲା ସୋହେଲା ଥାନା ଅନ୍ତର୍ଗତ ସରକଣ୍ଡା ଗ୍ରାମର ସଦାନନ୍ଦ ବୁଦ୍ଧିଆ । ସଦାନନ୍ଦଙ୍କ ଏହି ନୂତନ ଉଦ୍ଭାବନ ଅନେକଙ୍କ ପାଇଁ ପ୍ରେରଣା ପାଲଟିବା ସହ ସାଉଁଟିଛି ଅନେକ ପ୍ରଶଂସା ।