Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ଚିନ୍ତାରେ ଚାଷୀ : ସମ୍ବଲପୁର ମଣ୍ଡିରେ ଫସଲ ବିକିବା ପାଇଁ ଦିନ ରାତି ଅପେକ୍ଷା କରି ବସିଛନ୍ତି ଚାଷୀ, ମଣ୍ଡିକୁ ଆସୁନାହାନ୍ତି ମିଲର

16/11/2018 at 10:50 AM

ସମ୍ବଲପୁର ୧୬|୧୧:  ମରୁଡି, ରୋଗ ପୋକ ସହ ଯୁଝିବା ପରେ ଯାହା କିଛି ଫସଲ ବଞ୍ଚିଥିଲା ଏବେ ତାକୁ ବିକିବା ଚିନ୍ତାରେ ଚାଷୀ । ସମ୍ବଲପୁର ମଣ୍ଡିରେ ଦିନ ରାତି ଚାଷୀ ଅପେକ୍ଷା କରି ବସିଛି, କେବେ ଧାନ ବିକ୍ରି ହେବ । ସମ୍ବଲପୁରରେ ୧୪ ତାରିଖରେ ଧାନକିଣା ହେବାର ଥିଲା । ତେଣୁ ଚାଷୀମାନେ ଗାଡି ଭଡାକରି ଧାନ ନେଇ ମଣ୍ଡିକୁ ଆସିଥିଲେ । ହେଲେ ପହଞ୍ଚିଲା ବେଳେକୁ କାହାରି ଦେଖାନାହିଁ । ଧାନ କିଣିବାକୁ ମଣ୍ଡିକୁ ମିଲର୍ ଆସୁନାହାଁନ୍ତି । ଜିଲ୍ଲା ଯୋଗାଣ ଅଧିକାରୀ, ନିୟନ୍ତ୍ରିତ ବଜାର କମିଟିର କୌଣସି ସଦସ୍ୟଙ୍କର ବି ଦେଖା ଦର୍ଶନ ନାହିଁ । ଦିନ ସାରା ଚାଷୀମାନେ ଧାନକୁ ଜଗି ବସିଛନ୍ତି ।  ରାତିରେ ପ୍ରବଳ ଥଣ୍ଡା । ହେଲେ କଷ୍ଟ ଅର୍ଜିତ ଫସଲ ଛାଡ଼ି ଯିବେ କୁଆଡ଼େ ?   ଜିଲ୍ଲା ଯୋଗାଣ ଅଧିକାରୀ ଓ ମିଲରଙ୍କ ମଧ୍ୟରେ ଅସାଧୁ ମେଣ୍ଟ ଯୋଗୁଁ ଏମିତି ସ୍ଥିତି ଉପୁଜିଥିବା ଅଭିଯୋଗ ହୋଇଛି । ଧାନକିଣିବାକୁ ଥିବା ମିଲରମାନେ ଆନ୍ଦୋଳନ ଚଳାଇଛନ୍ତି । ତେଣୁ ଧାନ କିଣାଯାଇପାରୁନାହିଁ ବୋଲି କହିଛନ୍ତି ଜିଲ୍ଲା ଯୋଗାଣ ଅଧିକାରୀ । ପ୍ରଶ୍ନ ଉଠୁଛି ଯଦି ମିଲର୍ ମାନେ ଆନ୍ଦୋଳନ କରିଛନ୍ତି, ତେବେ ଚାଷୀମାନଙ୍କୁ ପୂର୍ବରୁ କାହିଁକି ଅବଗତ କରାଗଲାନି ?  ଅଯଥା ଖର୍ଚ୍ଚାନ୍ତ ହୋଇ ଚାଷୀମାନେ ଆସିଲେ କାହିଁକି ।  ପ୍ରକୃତରେ  ମିଲରମାନେ ଆନ୍ଦୋଳନ କରିଛନ୍ତି, ନା ସେମାନଙ୍କୁ ଠିକ୍ ଧାନକିଣା ସମୟରେ ଆନ୍ଦୋଳନ କରିବାକୁ କୁହାଯାଇଛି ?

   Related Posts