Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ବ୍ୟର୍ଥ ଯିବନି ଚାଷୀଙ୍କ ବଳିଦାନ, ଆଉ ଧୈର୍ଯ୍ୟର ପରୀକ୍ଷା କରନ୍ତୁନି ସରକାର : ଟିକାୟତ

2/01/2021 at 10:00 PM

ଗାଜିଆବାଦ ୨।୧: ସଂଶୋଧିତ କୃଷିଆଇନ ବିରୋଧରେ ଦିଲ୍ଲୀକୁ ଘେରି ରହିଥିବା ଚାଷୀଙ୍କ ମଧ୍ୟରୁ ଜଣକ ପରେ ଜଣେ ପ୍ରାଣ ହରାଇବାରେ ଲାଗିଛନ୍ତି। ଅତ୍ୟାଧିକ ଥଣ୍ଡା ଯୋଗୁ କେତେକ ବୟସ୍କ ଚାଷୀ ନିମୋନିଆରେ ଆକ୍ରାନ୍ତ ହୋଇ ପ୍ରାଣ ହରାଇଥିବା ବେଳେ ଅଧୈର୍ଯ୍ୟରେ ଚାଷୀ ଆତ୍ମହତ୍ୟା କରୁଛନ୍ତି। ଯାହା ବିକ୍ଷୋଭରତ ଅନ୍ୟ ଚାଷୀଙ୍କୁ ଏବେ ପ୍ରଭାବିତ କରିଛି। ଏଥିରେ ଚାଷୀ କାଶ୍ମୀର ସିଂହଙ୍କ ଆତ୍ମହତ୍ୟାରେ କୃଷକ ନେତା ଚୌଧୁରୀ ରାକେଶ ଟିକୈତ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି।

ସରକାର ଚାଷୀଙ୍କ ଦାବି ମାନିବେ କି ଜିଦ୍‌ରେ ପ୍ରଣିତ ନିଜ ଆଇନ ଜାରି ରଖିବେ ସେ ନେଇ ନିଷ୍ପତ୍ତି ନେବାରେ ଏତେ ବିଳମ୍ବ କାହିଁକି ବୋଲି ଟିକୈତ ପ୍ରଶ୍ନ କରିଛନ୍ତି। ଆନ୍ଦୋଳନ ସ୍ଥଳରେ ଏପର୍ଯ୍ୟନ୍ତ ୪୭ ଜଣ ଚାଷୀଙ୍କ ମୃତ୍ୟୁ ହେଲାଣି। ଆନ୍ଦୋଳନରେ ମୃତ ଜଣେ ବି ଚାଷୀର ବଳିଦାନ ବ୍ୟର୍ଥ ଯିବନି ବୋଲି ଟିକୈତ କହିଛନ୍ତି। ଏଣୁ ସରକାର ଚାଷୀଙ୍କ ଧୈର୍ଯ୍ୟର ଆଉ ପରୀକ୍ଷା ନ ନେଇ ନିଜ ନିଷ୍ପତ୍ତି ଶୁଣାଇ ଦିଅନ୍ତୁ ବୋଲି କୃଷକନେତା  କହିଛନ୍ତି।

ସରକାର ଦେଶରେ ମିଲ ମାଲିକଙ୍କ ସପକ୍ଷରେ ଛିଡା ହୋଇଛନ୍ତି। ଏହା ଉତ୍ତରପ୍ରଦେଶ ଆଖୁଚାଷୀଙ୍କ ବିକ୍ରିରୁ ଜଣାପଡିଗଲାଣି। କୌଣସି ଦ୍ରବ୍ୟ ବଜାରକୁ ଆସିଲେ ଦର ହୁଏନି। ଏହାର ଦର ପୂର୍ବରୁ ଧାର୍ଯ୍ୟ ଥାଏ ବୋଲି ଟିକୈତ କହିଛନ୍ତି। ତେବେ ୟୁପିରେ ଆଖୁଚାଷୀଙ୍କୁ ଦିଆଯାଉଥିବା ଟୋକନର ଶୁନଶୁନ ଲେଖି ଦିଆଯାଉଥିବା ଟିକୈତ ଅଭିଯୋଗ କରିଛନ୍ତି। ଏଣୁ ୟୁପି ସରକାର ଆକୁ ଚାଷୀଙ୍କ ବକେୟା ୪ ହଜାର କୌଟି ଟଙ୍କା ତୁରନ୍ତ ପୈଠ କରନ୍ତୁ ବୋଲି ଦାବି କରିଛନ୍ତି। ସେପଟେ ଚାଷୀ କାଶ୍ମୀର ସିଂହଙ୍କ ଆତ୍ମହତ୍ୟାକୁ ନେଇ ଅନ୍ୟ କୃଷକନେତାମାନେ ଆଉ ସରକାରଙ୍କୁ ଅପେକ୍ଷା ନ କରି କରୋ ନହେଲେ ମର ଆନ୍ଦୋଳନ ପାଇଁ ଆହ୍ୱାନ ଦେଇଛନ୍ତି।  

   Related Posts