ସାନଖେମୁଣ୍ଡି, ୧୬/୦୬: ଗଞ୍ଜାମ ଜିଲ୍ଲା ଦିଗପହଣ୍ଡି ବନବିଭାଗ ଅନ୍ତର୍ଗତ ହରିଣା ଗ୍ରାମର ସୁଳିଆ ପାହାଡ଼ ଗଣ୍ଡରେ ହାତୀ ପଲଙ୍କ ଉପଦ୍ରବ । ହାତୀ ଆକ୍ରମଣରେ ୨ଗୁରୁତର ହୋଇଛନ୍ତି ।
ସୂଚନା ଅନୁସାରେ, ବୁଧବାର ସକାଳେ କିଛି ବ୍ୟକ୍ତି ନିଜ ଚାଷ ଜମିକୁ ଯାଇଥିଲେ । ଏହି ସମୟରେ ସେମାନେ ହାତୀ ହାବୁଡରେ ପଡି ଯାଇଥିଲେ । ଜଣେ ବ୍ୟକ୍ତିଙ୍କୁ ହାତୀ ଶୁଣ୍ଢରେ ଟେକି ଫୋପାଡ଼ି ଦେଇଥିବା ସୁଚନା ମିଳିଛି । ଆଉ ଜଣେ ମଧ୍ୟ ଗୁରୁତର ହୋଇଛନ୍ତି ।
ଦୁଇ ଗୁରୁତରଙ୍କୁ ଆମ୍ବୁଲାନ୍ସ ଯୋଗେ ଦିଗପହଣ୍ଡି ସ୍ୱାସ୍ତ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।ଗୁରୁତର ଦ୍ୱୟ ହେଲେ ସିଙ୍ଗିପୁର ଗ୍ରାମର ଦେବରାଜ ସାହୁ ଓ ସନ୍ତୋଷ ସାହୁ । ଏହି ଘଟଣାରେ ବନ ବିଭାଗ ସ୍ୱଷ୍ଟ ଉତ୍ତର ଦେଇ ନଥିବା ବେଳେ ଦିଗପହଣ୍ଡି ରେଞ୍ଜର କାହ୍ନୁ ଚରଣ ପଟ୍ଟନାୟକ ଦିଗପହଣ୍ଡି ମେଡ଼ିକାଲରେ ପହଞ୍ଚି ତଦନ୍ତ କରୁଥିବା ସୂଚନା ମିଳିଛି ।