Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୟ ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୩ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୦୩୧ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଜାମ୍ମୁ କାଶ୍ମୀର ସପୋରରେ ଏନକାଉଣ୍ଟର: ଲସ୍କର କମାଣ୍ଡର ସମେତ ୩ ଆତଙ୍କୀ ନିହତ
  • ||
  • ଆମେରିକା-ମେକ୍ସିକୋ ସୀମାରେ ହିଂସାକାଣ୍ଡ, ଦୁର୍ବୃତ୍ତଙ୍କ ଆଖିବୁଜା ଗୁଳିମାଡରେ ୧୮ ମୃତ
  • ||
  • ଆଜି ଅନ୍ତର୍ଜାତୀୟ ଯୋଗ ଦିବସ, ଏବର୍ଷର ଥିମ୍ ‘ୟୋଗା ଫର ୱେଲନେସ୍’
  • ||
  • ଆଜିଠୁ କ୍ୟାମ୍ପେନ୍ ମୋଡ୍‌ରେ ଟିକାକରଣ, ରାଜ୍ୟରେ ଦୈନିକ ୩ ଲକ୍ଷ ଭାକସିନେସନ୍ ଟାର୍ଗେଟ୍
  • ||

ଧାନର ଅଭାବି ବିକ୍ରିକୁ ନେଇ ତାତିଲେ ଚାଷୀ ; ଶତାଧିକ ଚାଷୀଙ୍କ ରାସ୍ତା ଅବରୋଧ

10/01/2019 at 12:48 PM

ମାଲକାନଗିରି ୧୦|୧:  ଧାନର ଅଭାବୀ ବିକ୍ରିକୁ ନେଇ ମାଲକାନଗିରିରେ ତାତିଲେ ଚାଷୀ । ପଦ୍ମଗିରି ଛକରେ ଶତାଧିକ ଚାଷୀ ରାସ୍ତାରୋକ କରିବା ସହ ଆନ୍ଦୋଳନ କରିଛନ୍ତି । ଜିଲ୍ଲାର ୬୪ଟି ଧାନ ମଣ୍ଡିରେ ଶହ ଶହ ବସ୍ତା ଧାନ ପଡିରହିଥିବା ବେଳେ ଜିଲ୍ଲା ପ୍ରଶାସନ ସେସବୁ ଉଠାଇବା ଲାଗି ବ୍ୟବସ୍ତା ଗ୍ରହଣ କରୁନାହିଁ । ଧାନର ମାନ କମ୍ ରହିଥିବା ଦର୍ଶାଇ ମିଲରମାନେ ବସ୍ତା ପିଚ୍ଛା ୧୦ କିଲୋଗ୍ରାମ କାଟୁଥିବା ଅଭିଯୋଗ ହୋଇଛି । ଏମିତି କି ଚାଷିମାନେ ଭୋକ ଉପାସରେ ଦିନ ରାତି ଧାନ ମଣ୍ଡିରେ ଜଗି ରହିବା ପରେ କମ୍ ଦରରେ ଦଲାଲଙ୍କ ପାଖରେ ଧାନ ବିକ୍ରି କରିବା ଲାଗି ବାଧ୍ୟ ହେଉଛନ୍ତି । ଜିଲ୍ଲା ପ୍ରଶାସନ ଚାଷୀଙ୍କ କଥା ନଶୁଣିବାରୁ ଶେଷରେ ଚାଷୀ ମାନେ ବାଧ୍ୟ ହୋଇ ରାଜ ରାସ୍ତାକୁ ଓହ୍ଲାଇଛନ୍ତି । ଏହି ଆନ୍ଦୋଳନକୁ ମାଲକାନଗିରି ଜିଲ୍ଲା ଆଦିବାସୀ ମହାସଂଘ ସମର୍ଥନ କରିଛି । ଚାଷୀଙ୍କ ଆନ୍ଦୋଳନ ଯୋଗୁଁ ମାଲକାନଗିରି ଜୟପୁର ମଧ୍ୟରେ ଯାନବାହାନ ଚଳାଚଳ ବନ୍ଦ ରହିଛି । ପଦ୍ମଗିରି ରାସ୍ତାରେ ଅନେକ ଯାନବାହାନ ଅଟକି ରହିଛି । ରାସ୍ତାରୋକ ପରେ ମାଲକାନଗିରି ଥାନା ପୋଲିସ ଘଟଣାସ୍ଥଳରେ ପହଞ୍ଚି ଚାଷିଙ୍କୁ ବୁଝାସୁଝା କରିଛନ୍ତି । ତେବେ ଚାଷୀଙ୍କ ଧାନ ବିକ୍ରି ସମସ୍ୟା ଦୂର ନହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି  ଆଦିବାସୀ ମହାସଂଘ ଚେତାବନୀ ଦେଇଛି ।

   Related Posts