ମାଲକାନଗିରି ୦୬।୦୨: ପୁଣି ରାଜରାସ୍ତାର ଚାଷୀ । ମଣ୍ଡିରେ ଟୋକନ୍ ସମସ୍ୟା ନେଇ ଚାଷୀମାନେ ରାସ୍ତା ଅବରୋଧ କରିଛନ୍ତି । ମାଲକାନଗିରି ଜିଲ୍ଲା କୋରୁକୋଣ୍ଡାକ ଚାଷୀମାନେ ରାସ୍ତାରୋକ ଆନ୍ଦୋଳନ ଜାରି ରଖିଛନ୍ତି । ରାସ୍ତା ବନ୍ଦ ଯୋଗୁଁ ଯାତାୟତ ଠପ୍ ରହିଛି ।
ମାଲକାନଗିରିରେ ଟୋକନ୍ ସମସ୍ୟା ନେଇ ରାସ୍ତାକୁ ଓହ୍ଲାଇଛନ୍ତି ଚାଷୀ । କୋରୁକୋଣ୍ଡାରେ ଚାଷୀ ରାସ୍ତା ରୋକ କରିଛନ୍ତି । ଚାଷୀଙ୍କ ଧାନ ବିକ୍ରି କରିବା ଲାଗି ମଣ୍ଡିରେ ଟୋକେନ୍ ମିଳୁନଥିବା ଅଭିଯୋଗ ହୋଇଛି । ଏହାସହ ଧାନର ଉପଯୁକ୍ତ ମୂଲ୍ୟ ନମିଳିବା ଭଳି ବହୁ ସମସ୍ୟାକୁ ନେଇ ଚାଷୀମାନେ ତାତିଛନ୍ତି । ଧାନବସ୍ତା ରଖି ମାଲକାନଗିରି ବାଲିମେଳା ମୁଖ୍ୟ ରାସ୍ତାକୁ ଅବରୋଧ କରିଛନ୍ତି ଚାଷୀ । ଫଳରେ ବାଲିମେଳା ଠାରୁ ମାଲକାନଗିରି ମଧ୍ୟରେ ଯାନ ବାହାନ ଚଳା ଚଳ ବନ୍ଦ ରହିଛି ।