Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ୟାଟସମ୍ୟାନଙ୍କ ପରେ ବିଫଳ ହେଲେ ଆରସିବି ବୋଲର, ‘କର ବା ମର’ ମ୍ୟାଚରେ ୫ ଓ୍ୱିକେଟରେ ଜିତିଲା ହାଇଦ୍ରାବାଦ
  • ||
  • ଗହଣା ଦୋକାନରୁ ଚୋରି, ଛାତ କଣା କରି ଲୁଟିନେଲେ ୨ କିଲୋର ସୁନା ଅଳଙ୍କାର
  • ||
  • ସାରୁଅ ଜମି କେଳେଙ୍କାରୀ : ଓଡିଶା ଇନଫ୍ରାଟେକ୍‌ର ଦୁଇ କର୍ମଚାରୀ ଗିରଫ, ଶ୍ରମିକଙ୍କୁ ଧମକ ଅଭିଯୋଗରେ ବାନ୍ଧିଲା ବାଘମାରୀ ପୋଲିସ
  • ||
  • IPL 2020: ବୁମରା ଓ ବୋଲ୍ଟଙ୍କ ଶାଣିତ ବୋଲିଂ ପରେ ଇଶାନଙ୍କ ଅର୍ଦ୍ଧଶତକ, ୯ ଓ୍ଵିକେଟ୍‌ରେ ଜିତିଲା ମୁମ୍ବାଇ ଇଣ୍ଡିଆନ୍ସ, ଦିଲ୍ଲୀର କ୍ରମାଗତ ଚତୁର୍ଥ ପରାଜୟ
  • ||
  • ଭୁବନେଶ୍ୱର : ଆସିଲା ଅନଲକ୍ ୬.୦ ଗାଇଡ଼ଲାଇନ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ୧୪୭୦ କରୋନା ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ୧୬ତାରିଖରେ ଖୋଲିବ ସ୍କୁଲ, ନବମରୁ ଦ୍ୱାଦଶ ଶ୍ରେଣୀ ଯାଏଁ ପିଲା ପଢିବାକୁ ଆସିବେ
  • ||
  • ଝରକା ତାଡ଼ି ବ୍ୟାଙ୍କରୁ ଲୁଟ୍ ! ପୋଲିସର ତଦନ୍ତ ଜାରି
  • ||
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||

ସକାଳୁ ଜିମ ଯାଉଥିବା ବେଳେ କଂଗ୍ରେସ ପ୍ରବକ୍ତାଙ୍କୁ ଗୁଳି କରି ହତ୍ୟା

27/06/2019 at 12:35 PM

ଫରିଦାବାଦ ୨୭/୬ : ହରିୟାଣା ଫରିଦାବାଦରେ କଂଗ୍ରେସ ପ୍ରଦେଶ ପ୍ରବକ୍ତା ବିକାଶ ଚୌଧୁରୀଙ୍କୁ ଆଜି ସକାଳୁ ଗୁଳି କରି ହତ୍ୟା କରାଯାଇଛି । ସେକ୍ଟର-୯ ଅଞ୍ଚଳର ଆକ୍ରମଣକାରୀ ବିକାଶଙ୍କୁ ୧୦ଟି ଗୁଳି କରି ହତ୍ୟା କରିଛନ୍ତି । ଗୁଳି କରିବା ପରେ ତୁରନ୍ତ ବିକାଶଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ବିକାଶଙ୍କ ମୃତ୍ୟୁ ହୋଇଛି ।

ସକାଳୁ ସକାଳୁ ଘଟିଥିବା ଏହି ହତ୍ୟା ଘଟଣା ପରେ ଫରିଦାବାଦ ପୋଲିସ ଆକ୍ସନ ମୁଡ଼ରେ ଅଛି । ପୋଲିସ ସୂଚନା ଅନୁଯାୟୀ, ଦୁଇଜଣ ଆକ୍ରମଣକାରୀ ବିକାଶଙ୍କ ଉପରକୁ ଗୁଳି କରିଥିଲେ । ବିକାଶ ନିଜ ଗାଡ଼ିରେ ଜିମ ଯାଉଥିବାବେଳେ ତାଙ୍କ ଉପରକୁ ଗୁଳି କରିଥିଲେ ଦୁଇ ଆକ୍ରମଣକାରୀ । ପୋଲିସ ସିସିଟିଭି ଫୁଟେଜ ଅଣ୍ଡାଳିବା ସହ ହତ୍ୟାକାରୀଙ୍କୁ ଖୋଜୁଛି ।

ଘଟଣା ସକାଳ ୯ଟା ରେ ଘଟିଥିଲା । ବିକାଶ ସେତେବେଳେ ସେକ୍ଟର-୯ ସ୍ଥିତ ହୁଡ଼ା ମାର୍କେଟରେ ଥିବା ଜିମ ଯାଉଥିଲେ । ଜିମରେ ପହଂଚି ବିକାଶ ଯେମିତି ନିଜ ଗାଡିରୁ ଓହ୍ଲାଇଲେ ଆକ୍ରମଣକାରୀ ତାଙ୍କ ଉପରକୁ ଗୁଳି ଚଳାଇଥିଲେ । ବିକାଶଙ୍କ ବେକ ଏବଂ ଛାତିରେ ଗୁଳି କରି ଆକ୍ରମଣକାରୀ ଫେରାର ହୋଇଯାଇଥିଲେ । ତାଙ୍କ ଗାଡିକୁ ମଧ୍ୟ ୪ଟି ଗୁଳି ବାଜିଥିଲା । ଦୁଇ ଆକ୍ରଣକାରୀ ଧଳା ରଙ୍ଗର ଏସଏକ୍ସ-୪ ଗାଡିରେ ଆସିଥିଲେ । ଆକ୍ରମଣକାରୀଙ୍କୁ ଧରିବା ପାଇଁ ପୋଲିସ ଟିମ ଗଠନ କରିଛି ।

ବିକାଶ ଚୌଧୁରୀଙ୍କ ହତ୍ୟା ପରେ ହରିୟାଣା କଂଗ୍ରେସ ଅଧ୍ୟକ୍ଷ ଅଶୋକ ତମ୍ବୁର କହିଛନ୍ତି ଯେ, ଏହା ଜଙ୍ଗଲ ରାଜ । ଏଠାରେ କେହି ଆଇନକୁ ଭୟ କରୁନାହାନ୍ତି । କାଲି ମଧ୍ୟ ଏହିଭଳି ଏକ ଘଟଣା ଘଟିଥିଲା > ଜଣେ ମହିଳାଙ୍କୁ କିଛି ଲୋକ ଦୁର୍ବ୍ୟବହାର କରିଥିଲେ । ମହିଳା ବିରୋଧ କରିବାରୁ ତାଙ୍କୁ ଛୁରୀ ଭୁସି ଦିଆଯାଇଥିଲା । ବିକାଶ ଚୌଧୁରୀଙ୍କ ହତ୍ୟାର ତଦନ୍ତ ହେବ ଆବଶ୍ୟକ ବୋଲି କହିଛନ୍ତି ଅଶୋକ ତମ୍ବୁର ।

ସୂଚନାଯୋଗ୍ୟ ଯେ, ବିକାଶ ଚୌଧୁରୀ ହରିୟାଣା କଂଗ୍ରେସ ପ୍ରବକ୍ତା ଥିଲେ । କିଛି ବର୍ଷ ପୂର୍ବରୁ ସେ କଂଗ୍ରେସରେ ଯୋଗ ଦେଇଥିଲେ ।

   Related Posts